Connect with us

Headline

इपिएलको बिदेशी खेलाडीलाई लिएर कडा प्रावधान, पिपिएल, डिपिएल खेलका बिदेशीले खेल्नै नपाउने

wesportz

Published

on

आगामी मार्च १४ देखि २८ सम्मका लागि तय भएको एभरेष्ट प्रिमियर लिगको चौथो संस्करणका लागि आयोजक इपिएल प्राइभेट लिमिटेडले बिदेशी खेलाडीको हकमा कडा प्रावधान कायम गरेको छ ।
बिहिबार इपिएलले दिएको जानकारी अनुसार सन् २०१८ को एभरेष्ट प्रिमियर लिग र यो बर्ष हुन गइरहेको कुनै एभरेष्ट प्रिमियर लिगकोबीचमा अन्य कुनै पनि ट्वान्टी ट्वान्टी लिग खेलेका बिदेशी खेलाडीहरुले चौथो संस्करणमा भाग लिन पाउने छैनन् । यसको मतलब पोखरा प्रिमियर लिग र धनगढी प्रिमियर लिगमा खेलेका कुनै पनि बिदेशी खेलाडीले इपिएलमा सहभागित जनाउन पाउने छैन ।
इपिएलले दिएको जानकारी अनुसार बिदेशी खेलाडीहरुले इपिएल मात्र खेल्नुपर्नेछ भने बिदेशबाट नेपालमा खेल्नका लागि घरेलु बोर्डबाट स्विकृति लिएर आउनुपर्नेछ । यसअघि इपिएलले हरेक फ्रान्चाइजले कम्तिमा पनि एक जना बिदेशी खेलाडी टेस्ट राष्ट्रबाट आउनुपर्ने बताएको थियो ।
यो सँगै नेपाली लिगमा जमेर बसेका बिदेशी खेलाडीहरु सन्नी पटेल, गौरव तोमर, जयकिशन कोल्सावाल, सुबोध भाटी, हङ्गकङ्गका बाबर हायात र युएईका कप्तान रोहन मुस्तफाले पनि इपिएलमा खेल्न नपाउने भएका छन् । सन्नी, गौरव र कोल्सावालाको उत्कृष्ट प्रदर्शनपछि नै ललितपुर पेट्रियट्सले गत सिजनको इपिएल जितेको थियो ।
सन्नी र कोल्सावालको प्रदर्शन सिवाईसी अत्तरियाले डिपिएलको उपाधि जित्दा पनि महत्वपूर्ण रहेको थियो । यस्तै बाबर र मुस्तफको उच्च प्रदर्शनले पनि चितवन राइनोजले भर्खरै यो सिजनको पोखरा प्रिमियर लिगको उपाधि जितेको हो । मुस्तफा त पिपिएलको म्यान अफ द म्याच नै भएका थिए । इपिएलमा बाबर पारस खड्काको बिराटनगर वारियर्स र मुस्तफा सोमपाल कामीको काठमाडौं किंग्स एलेभेनबाट एपिएल खेल्ने गर्छन् ।
यस्तै यो सिजन ए क्याटेगारीमा रहेका खेलाडीहरुको किनबेच गर्ने प्रावधान पनि राखिएको छ । ए क्याटेगोरीमा राष्ट्रिय टोलीमा खेलिरहेका र खेलिसकेका १८ जना खेलाडीहरु रहेका छन् ।
इपिएलको प्राविधिक कमिटीले ए क्याटेगोरीका खेलाडीहरु उनीहरुले हालै गरेको प्रदर्शनको आधारमा राखिएको जनाएको छ । किनबेचका लागि हरेक ए क्याटेगोरीका खेलाडीहरुको आधार मुल्य दुई लाख रुपैया राखिएको छ । आधार मुल्यभन्दा माथि खेलाडी गरिद गरिएमा त्यसको ६० प्रतिशत खेलाडीलाई र ४० प्रतिशत बेच्ने फ्रान्चाइजे तय गरिएको छ ।
खेलाडी किनबेचका लागि लागि विन्डो भने बिहिबार देखि जनवरी ९ सम्मका लागि तय गरिएको छ । खेलाडी किनबेच भने हुनैपर्ने व्यवस्था भने छैन । इपिएल प्राइभेट लिमिटेडले क्यानसँगको छलफलपछि नै प्रतियोगिताका लागि नया मिति तय गरेको हो ।
बेचिएका ए क्याटेगोरीका खेलाडीहरु त्यही क्याटेगोरीकै खेलाडीहरुबाट साट्टिनुपर्ने भने छैन । खेलाडीहरुको किनबेच प्रावधान यो सिजनको लागि मात्र राखिएको हो ।

Click to comment

Leave a Reply

Your email address will not be published. Required fields are marked *

Euro 2020

समुह ‘एफ’: फ्रान्स,जर्मनी र पोर्चुगल अन्तिम १६ मा

wesportz

Published

on

जर्मनीले हङ्गेरीको जितलाई रोक्दै २-२ को बराबरी खेले पछि पोर्चुगल युरो २०२० को अन्तिम १६ मा प्रवेश गरेको छ । पोर्चुगलले आफ्नो अन्तिम खेलमा फ्रान्सलाई पनि २-२ को बराबरीमा रोकेको थियो ।

जर्मनीका लागि काई ह्वाभर्ट्ज र लियोन गोरेट्ज्काले गोल गरेका थिए । हङ्गेरीका लागि एडम सज्लाई र अन्द्रास ससेफरले गोल गरेका थिए ।

खेलको ११ औँ मिनेटमै सज्लाईले हङ्गेरीलाई अग्रता दिलाएका थिए । पहिलो हाफ अग्रता लिएको हङ्गेरीले दोस्रो हाफको ६६ औँ मिनेटमा बराबरी गोल फर्काएका थिए । जर्मनीका लागि काइ ह्वाभर्ट्जले गोल गरेका थिए । तर, त्यस्को एक मिनेट पनि नबित्दै हङ्गेरीले खेलमा पुन : अग्रता लिएको थियो । ससेफरले गोल गर्दै हङ्गेरीलाई २-१ को अग्रता दिलाएका थिए ।

तर, ८४ औँ मिनेटमा जर्मनीका लागि लिओन गोरेट्ज्काले बराबरी गोल फर्काउँदै जर्मनीको अन्तिम १६ को आशा जिवितै राखेका थिए । अर्को खेलमा पोर्चुगलले फ्रान्सलाई २-२ को बराबरीमा रोक्यो । पोर्चुगलका लागि क्रिष्चियानो रोनाल्डोले दुई र फ्रान्सका लागि कारीम बेन्जेमाले दुई गोल गरेका थिए । पोर्चुगलका लागि दुवै गोल पेनाल्टीमा रोनाल्डोले गरे । फ्रान्सका लागि बेन्जेमाले एक गोल पेनाल्टी मार्फत गर्दा अर्को गोल ‘ओपन प्ले’ मा गरेका थिए ।

अपराजित फ्रान्सले ३ खेलमा ५ अंक जोड्यो । जर्मनीले आफ्नो खेलमा हंगेरीसँग २-२ को बराबरी खेलेपछि ४ अंक जोड्दै दोस्रो स्थानमा रहेको थियो । समान अंक भएपनि हेड टु हेडमा पोर्चुगल तेस्रो हुँदै अन्तिम १६ मा स्थान बनाएको छ ।

Continue Reading

Euro 2020

यस्तो छ युरो २०२० अन्तिम १६ को खेल तालिका र खेलहरु

wesportz

Published

on

युरो २०२० को सबै समुह चरणको खेलहरु सकिएको छ । समुह ‘ए’ बाट इटाली समुह बिजेता , वेल्स उपाबिजेता र स्विट्जरल्याण्ड उत्कृष्ट तेस्रो स्थानका साथ अन्तिम १६ मा प्रवेश गरेका थिए । समुह ‘बी’ बाट बेल्जियम समुह बिजेता र डेनमार्क समुह उपबिजेता बन्दै अन्तिम १६ मा प्रवेश गरेका थिए ।

समुह ‘सी’ बाट नेदर्ल्याण्ड्स, अष्ट्रिया र उत्कृष्ट तेस्रो स्थानको टोली बन्दै युक्रेन अन्तिम १६ मा पुगेको थियो । यस्तै समुह ‘डी’ बाट पनि तीन टोली अन्तिम १६ मा पुगेका छन् । समुह बिजेता बन्दै इङ्ल्याण्ड, उपबिजेता बन्दै क्रोएसिया र उत्कृष्ट तेस्रो स्थानको चेक रिपब्लिक अन्तिम १६ मा पुगेका हुन् । समुह ‘ई’ बाट भने स्विडेन र स्पेनले अन्तिम १६ मा स्थान बनाए । ग्रुप अफ देथ मानिएको समुह ‘एफ’ बाट फ्रान्स समुह बिजेता, जर्मनी उपबिजेता र पोर्चुगल तेस्रो स्थानमा रहदै अन्तिम १६ मा स्थान बनायो ।

समुह चरणको अन्तिम खेलसँगै अन्तिम १६ को खेल तालिका र खेलहरु यस्तो रहेको छ :

जुन २६, शनिबार- नेपाली समय ९:४५ बजे

वेल्स भर्सेस डेनमार्क

जुन २७, आईतबार- नेपाली समय १२:४५ बजे

इटाली भर्सेस अष्ट्रिया

जुन २७, आईतबार – नेपाली समय ९:४५

नेदरल्याण्ड्स भर्सेस चेक रिपब्लिक

जुन २८, सोमबार- नेपाली समय १२:४५

बेल्जियम भर्सेस पोर्चुगल

जुन २९, सोमबार- नेपाली समय ९:४५

क्रोएसिया भर्सेस स्पेन

जुन २९, मंगलबार- नेपाली समय १२:४५

फ्रान्स भर्सेस स्विट्जरल्याण्ड

जुन ३०, मंगलबार- नेपाली समय ९:४५

इङ्ल्याण्ड भर्सेस जर्मनी

जुन ३०, वुधबार- नेपाली समय १२:४५

स्विडेन भर्सेस युक्रेन

 

 

Continue Reading

Euro 2020

रोनाल्डोले गरे अन्तर्राष्‍ट्रिय फुटबलमा सार्वधिक गोल गर्ने किर्तिमानको बराबरी

wesportz

Published

on

फ्रान्स विरुद्ध जारी युरो २०२० को खेलमा दुई पेनाल्टी प्रहार गर्दै पोर्चुगलका कप्तान क्रिष्टियानो रोनाल्डोले अन्तर्राष्‍ट्रिय फुटबलमा सर्वाधिक गोल गर्ने किर्तिमानको बराबरी गरेका छन् ।

उनले ईरानका अली दाईको १ सय ९ गोल को किर्तिमानलाई बराबरी गरेका हुन् । उनले फ्रान्स विरुद्ध पेनाल्टीमा गोल गर्दै किर्तिमानी बराबरी गरेका हुन् ।

रोनाल्डोले पहिलो गोल ३० औँ मिनेटमा गरेका थिए । डनिलोलाई फ्रान्सका गोलरक्षक ह्युगो लोरिसले पन्च गरे पछि पाएको पेनाल्टी अवसरमा रोनाल्डोले पहिलो गोल गरेका थिए । यस्तै ६० औँ मिनेटमा रोनल्डोकै क्रसमा फ्रेन्च डिफेन्डर कोनाटेको हातमा बल लागे पछि पाएको पेनाल्टीमा रोनाल्डोले दोस्रो गोल गरेका थिए ।

रोनाल्डोले युरो २०२० मा पाँच गोल पनि गरिसकेका छन् । उनी हाल युरो कपमा सर्वाधिक गोल गर्ने खेलाडी पनि हुन् ।

उनले २००३ मा पोर्चुगलको राष्ट्रिय टोलीका लागि डेब्यु गरेका थिए ।

 

रोनाल्डोले गोल गरेका सबै राष्ट्रिय टोलीहरु:

Continue Reading
Euro 20206 hours ago

समुह ‘एफ’: फ्रान्स,जर्मनी र पोर्चुगल अन्तिम १६ मा

Euro 20206 hours ago

यस्तो छ युरो २०२० अन्तिम १६ को खेल तालिका र खेलहरु

अन्तर्राष्ट्रिय6 hours ago

बटलरको अविजित अर्धशतकमा इंग्ल्यान्डको सहज जित 

Euro 20207 hours ago

रोनाल्डोले गरे अन्तर्राष्‍ट्रिय फुटबलमा सार्वधिक गोल गर्ने किर्तिमानको बराबरी

Euro 20209 hours ago

युरोमा उत्कृष्ट पुनरागमन गर्दै स्पेन अन्तिम १६ मा

अन्तर्राष्ट्रिय10 hours ago

भारतलाई सजिलै हराएर न्युजिल्यान्डले जित्यो वर्ल्ड टेस्ट च्याम्पियनसिप

Headline11 hours ago

नेपाल ओलम्पिक कमिटी र दराज बिच सम्झौता

अन्तर्राष्ट्रिय13 hours ago

वर्ल्ड टेस्ट च्याम्पियनसिप फाइनल – निरिह भारतीय ब्याटिङ, उपाधि जित्न न्युजिल्यान्डलाई १३९ रनको लक्ष्य

Euro 202015 hours ago

युरो कप: स्पेन नक आउटमा छनौट हुनको लागि के हुनुपर्छ ?

Headline17 hours ago

डि ब्रुनलाई चेल्सीबाट बेच्न नखोजेको सात वर्ष पछि माउरिन्होको खुलासा

Trending

error: Content is protected !!