Connect with us

Trending

बालोन डि ओरः कस्ले मार्ला त बाजी?

wesportz

Published

on

फुटबल जगतको लोकप्रिय अवार्डमध्येको बालोन डि ओरको लागि यस वर्षको दौड निकै रोचक बन्दै गएको छ । १० वर्ष लगातार उत्कृष्ट खेलाडीको अवार्डमा दबदबा कायम गरेका फुटबलका दुई हस्ती मेस्सी र रोनाल्डोलाई पछि पार्दै गत वर्ष क्रोएसियन फुटबलर लुका मोड्रिचले बाजी मारेका थिए । बालोन डि ओर व्यक्तिगत प्रदर्शनका आधारमा दिइने अवार्ड भए पनि मेस्सी र रोनाल्डोको दबदबा कारण बेला बेलामा यसको औचित्य माथि प्रश्न उठ्ने गर्दछ । यस बर्षको अवार्डका लागि हामीले उत्कृष्ट पाँच खेलाडी र उनीहरुको प्रदर्शनलाई नियाल्ने प्रयास गरेका छौं । कस्तो छ त यी पाँच खेलाडीहरुको प्रदर्शन ?

१. मेस्सी
अन्तर्राष्ट्रिय फुटबलमा धेरै प्रख्यात नाम हो अर्जेन्टिनी फुटबलर लियोनल मेस्सी । बार्सिलोनाबाट व्यवसायिक फुटबल खेल्ने मेस्सीले यो सिजन ४९ खेलमा ५१ गोल गर्नुका साथै १९ असिष्ट पनि गरेका छन् । ला लिगा जितेका मेस्सी स्पनिस लिगका उच्च गोलकर्ता र असिष्टकर्ता पनि हुन् । उनले किर्तिमानी ६ पटक युरोपियन गोल्डेन बुट पनि जितेका छन् । २०१९ को सिजनमा उनको नाममा ३६ गोल रहेको छ, त्यो पनि ला लिगामा मात्रै ।
त्यस्तै च्याम्पियन्स लिगमा १२ गोलसहित उनि नै सर्वाधिक गोलकर्ताको रुपमा रहेका छन् । च्याम्पियन्स लिगमा सेमीफाइनल सम्मको यात्रा तय गर्दा मेस्सी ६ खेलमा म्यान अफ द म्याच घोषित  भएका थिए । कोपा डेल रे को फाइनल मा भ्यालेन्सियासँग स्तब्ध भए पनि उनको व्यक्तिगत प्रदर्शन भने सिजनभरि नै उच्च रह्यो। उनको खेल शैली एवं खेलमा उनले पार्ने प्रभाव हेर्ने हो भने मेस्सीको नजिक कुनै पनि खेलाडी पुगेको देखिदैन । त्यसैले उनि यस अवार्डको नं एक दाबेदार हुन् ।

२. भर्जील भान डाइक
भान डाइक लिभरपुलका विश्वस्तरीय उत्कृष्ट डिफेन्डर भएको कुरा फुटबल प्रेमीमाझ नयाँ होइन । भान डाइकको आगमन पछि लिभरपुलको खेल शैलीमा नै फरक देखिाएको थियो । च्याम्पियन्स लिगको सेमीफाइनलमा बार्सिलोनालाई धुलो चटाएर फाइनलमा टोटनह्यामलाई पराजित गर्दै उपाधि जितेपछि भान डाइकको कद अझै उचो भएको छ । यो वर्षको प्रिमियर लिगको उत्कृष्ट खेलाडी घोषित भएकाले गर्दा पनि उनले बलोन डि ओर जित्ने आंकलन गर्न सकिन्छ । लिगको अंतिम खेलसम्म पनि लिभरपुल उपाधि दौडमा कायम रहनुमा लिभरपुलको रक्षपंिक्तको प्रमुख भूमिका रहेको थियो । भान डाइक त्यसकै केन्द्रमा रहने खेलाडी बन्न पुगेका थिए । व्यक्तिगत र टिम प्रदर्शन राम्रो भएकै कारण उनलाई पनि दावेदारको रुपमा हेरिएको छ ।
३. मोहम्मद सलाह
इजिप्सिएन स्टार र लिभरपुलका आक्रमक खेलाडी सलाह यो वर्षको प्रिमियर लिग गोल्डेन बुट विजेता हुन् । लिगमा २२ गोल गरेका उनले च्याम्पियन्स लिगमा ५ गोल गरेका छन् । यो वर्षको च्याम्पियन्स लिगको उपाधि चुमेकाले पनि सलाहको बलोन डि ओर जित्ने सम्भावना देखिन्छ । तर यो सीजन त्यति प्रभावशाली देखिन नसकेका सलाह आफ्नै टीम मेट भान डाइक को छांयामा परेका छन् ।
४. केलियन एम्बाप्पे
फ्रान्सका प्रख्यात फरवार्ड केलियन एम्बाप्पेपनि यो सिजनको बलोन डि ओरको दौडमा छन् । यो सिजन ४० गोल गरेका यी युवा खेलाडीले युरोपियन गोल्डेन बुटको रेसलाई मेस्सी सँगसँगै अन्तिम खेलसम्म लम्ब्याएका थिए । लिग वान र घरेलु कप विजेता एम्बाप्पेको यो सिजन उनको अहिले सम्मकै उत्कृष्ट व्यक्तिगत सिजन मान्न सकिन्छ । यो वर्ष बालोन डि ओर जिति हाल्न नसकेपनि आउँदो भविष्यमा कुनै सिजन यी युवा खेलाडीको हातमा बालोन डी ओर देख्न पाउने सम्भावना प्रचुर छ ।
५. क्रिस्चियानो रोनाल्डो
विश्व जगतमा मेस्सी जत्तिकै सुनिने नाम हो रोनाल्डो । पोर्चुगिज फुटबलर रोनाल्डो यही सिजन स्पेनिस क्लब रियल म्याड्रिड छोडेर इटालीको युभेन्टसमा आबद्ध भएका थिए । रोनाल्डो सिरी ए का उत्कृष्ट खेलाडी घोषित पनि भए । यो सिजन कुल २८ गोल गरेका रोनाल्डोलाई पनि बालोन डि ओरको दौडमा छैनन भन्न नै मिल्दैन । सिरी ए उपाधि जितेका रोनाल्डोले आफूले आफूलाई इंग्ल्याण्ड, स्पेन र इटालीमा प्रमाणित गरिसकेका छन् । यस पटक च्याम्पियन्स लिगमा एथ्लेटिको म्याड्रिडविरुद्ध ह्याट्रिक गरेर एक्लैले खेलको नतिजा बदल्नुनै उनको सम्झिन लायक खेल रहेको थियो । हुन त युभेन्टसलाई लिग जिताउन उनको एकदमै उच्च योगदान छ । युभेन्टसको उच्च गोलकर्ता को रूपमा पनि रोनाल्डो नै अगाडि आए ।

Click to comment

Leave a Reply

Your email address will not be published. Required fields are marked *

Euro 2020

समुह ‘एफ’: फ्रान्स,जर्मनी र पोर्चुगल अन्तिम १६ मा

wesportz

Published

on

जर्मनीले हङ्गेरीको जितलाई रोक्दै २-२ को बराबरी खेले पछि पोर्चुगल युरो २०२० को अन्तिम १६ मा प्रवेश गरेको छ । पोर्चुगलले आफ्नो अन्तिम खेलमा फ्रान्सलाई पनि २-२ को बराबरीमा रोकेको थियो ।

जर्मनीका लागि काई ह्वाभर्ट्ज र लियोन गोरेट्ज्काले गोल गरेका थिए । हङ्गेरीका लागि एडम सज्लाई र अन्द्रास ससेफरले गोल गरेका थिए ।

खेलको ११ औँ मिनेटमै सज्लाईले हङ्गेरीलाई अग्रता दिलाएका थिए । पहिलो हाफ अग्रता लिएको हङ्गेरीले दोस्रो हाफको ६६ औँ मिनेटमा बराबरी गोल फर्काएका थिए । जर्मनीका लागि काइ ह्वाभर्ट्जले गोल गरेका थिए । तर, त्यस्को एक मिनेट पनि नबित्दै हङ्गेरीले खेलमा पुन : अग्रता लिएको थियो । ससेफरले गोल गर्दै हङ्गेरीलाई २-१ को अग्रता दिलाएका थिए ।

तर, ८४ औँ मिनेटमा जर्मनीका लागि लिओन गोरेट्ज्काले बराबरी गोल फर्काउँदै जर्मनीको अन्तिम १६ को आशा जिवितै राखेका थिए । अर्को खेलमा पोर्चुगलले फ्रान्सलाई २-२ को बराबरीमा रोक्यो । पोर्चुगलका लागि क्रिष्चियानो रोनाल्डोले दुई र फ्रान्सका लागि कारीम बेन्जेमाले दुई गोल गरेका थिए । पोर्चुगलका लागि दुवै गोल पेनाल्टीमा रोनाल्डोले गरे । फ्रान्सका लागि बेन्जेमाले एक गोल पेनाल्टी मार्फत गर्दा अर्को गोल ‘ओपन प्ले’ मा गरेका थिए ।

अपराजित फ्रान्सले ३ खेलमा ५ अंक जोड्यो । जर्मनीले आफ्नो खेलमा हंगेरीसँग २-२ को बराबरी खेलेपछि ४ अंक जोड्दै दोस्रो स्थानमा रहेको थियो । समान अंक भएपनि हेड टु हेडमा पोर्चुगल तेस्रो हुँदै अन्तिम १६ मा स्थान बनाएको छ ।

Continue Reading

Euro 2020

यस्तो छ युरो २०२० अन्तिम १६ को खेल तालिका र खेलहरु

wesportz

Published

on

युरो २०२० को सबै समुह चरणको खेलहरु सकिएको छ । समुह ‘ए’ बाट इटाली समुह बिजेता , वेल्स उपाबिजेता र स्विट्जरल्याण्ड उत्कृष्ट तेस्रो स्थानका साथ अन्तिम १६ मा प्रवेश गरेका थिए । समुह ‘बी’ बाट बेल्जियम समुह बिजेता र डेनमार्क समुह उपबिजेता बन्दै अन्तिम १६ मा प्रवेश गरेका थिए ।

समुह ‘सी’ बाट नेदर्ल्याण्ड्स, अष्ट्रिया र उत्कृष्ट तेस्रो स्थानको टोली बन्दै युक्रेन अन्तिम १६ मा पुगेको थियो । यस्तै समुह ‘डी’ बाट पनि तीन टोली अन्तिम १६ मा पुगेका छन् । समुह बिजेता बन्दै इङ्ल्याण्ड, उपबिजेता बन्दै क्रोएसिया र उत्कृष्ट तेस्रो स्थानको चेक रिपब्लिक अन्तिम १६ मा पुगेका हुन् । समुह ‘ई’ बाट भने स्विडेन र स्पेनले अन्तिम १६ मा स्थान बनाए । ग्रुप अफ देथ मानिएको समुह ‘एफ’ बाट फ्रान्स समुह बिजेता, जर्मनी उपबिजेता र पोर्चुगल तेस्रो स्थानमा रहदै अन्तिम १६ मा स्थान बनायो ।

समुह चरणको अन्तिम खेलसँगै अन्तिम १६ को खेल तालिका र खेलहरु यस्तो रहेको छ :

जुन २६, शनिबार- नेपाली समय ९:४५ बजे

वेल्स भर्सेस डेनमार्क

जुन २७, आईतबार- नेपाली समय १२:४५ बजे

इटाली भर्सेस अष्ट्रिया

जुन २७, आईतबार – नेपाली समय ९:४५

नेदरल्याण्ड्स भर्सेस चेक रिपब्लिक

जुन २८, सोमबार- नेपाली समय १२:४५

बेल्जियम भर्सेस पोर्चुगल

जुन २९, सोमबार- नेपाली समय ९:४५

क्रोएसिया भर्सेस स्पेन

जुन २९, मंगलबार- नेपाली समय १२:४५

फ्रान्स भर्सेस स्विट्जरल्याण्ड

जुन ३०, मंगलबार- नेपाली समय ९:४५

इङ्ल्याण्ड भर्सेस जर्मनी

जुन ३०, वुधबार- नेपाली समय १२:४५

स्विडेन भर्सेस युक्रेन

 

 

Continue Reading

Euro 2020

रोनाल्डोले गरे अन्तर्राष्‍ट्रिय फुटबलमा सार्वधिक गोल गर्ने किर्तिमानको बराबरी

wesportz

Published

on

फ्रान्स विरुद्ध जारी युरो २०२० को खेलमा दुई पेनाल्टी प्रहार गर्दै पोर्चुगलका कप्तान क्रिष्टियानो रोनाल्डोले अन्तर्राष्‍ट्रिय फुटबलमा सर्वाधिक गोल गर्ने किर्तिमानको बराबरी गरेका छन् ।

उनले ईरानका अली दाईको १ सय ९ गोल को किर्तिमानलाई बराबरी गरेका हुन् । उनले फ्रान्स विरुद्ध पेनाल्टीमा गोल गर्दै किर्तिमानी बराबरी गरेका हुन् ।

रोनाल्डोले पहिलो गोल ३० औँ मिनेटमा गरेका थिए । डनिलोलाई फ्रान्सका गोलरक्षक ह्युगो लोरिसले पन्च गरे पछि पाएको पेनाल्टी अवसरमा रोनाल्डोले पहिलो गोल गरेका थिए । यस्तै ६० औँ मिनेटमा रोनल्डोकै क्रसमा फ्रेन्च डिफेन्डर कोनाटेको हातमा बल लागे पछि पाएको पेनाल्टीमा रोनाल्डोले दोस्रो गोल गरेका थिए ।

रोनाल्डोले युरो २०२० मा पाँच गोल पनि गरिसकेका छन् । उनी हाल युरो कपमा सर्वाधिक गोल गर्ने खेलाडी पनि हुन् ।

उनले २००३ मा पोर्चुगलको राष्ट्रिय टोलीका लागि डेब्यु गरेका थिए ।

 

रोनाल्डोले गोल गरेका सबै राष्ट्रिय टोलीहरु:

Continue Reading
Euro 20206 hours ago

समुह ‘एफ’: फ्रान्स,जर्मनी र पोर्चुगल अन्तिम १६ मा

Euro 20206 hours ago

यस्तो छ युरो २०२० अन्तिम १६ को खेल तालिका र खेलहरु

अन्तर्राष्ट्रिय7 hours ago

बटलरको अविजित अर्धशतकमा इंग्ल्यान्डको सहज जित 

Euro 20207 hours ago

रोनाल्डोले गरे अन्तर्राष्‍ट्रिय फुटबलमा सार्वधिक गोल गर्ने किर्तिमानको बराबरी

Euro 202010 hours ago

युरोमा उत्कृष्ट पुनरागमन गर्दै स्पेन अन्तिम १६ मा

अन्तर्राष्ट्रिय10 hours ago

भारतलाई सजिलै हराएर न्युजिल्यान्डले जित्यो वर्ल्ड टेस्ट च्याम्पियनसिप

Headline12 hours ago

नेपाल ओलम्पिक कमिटी र दराज बिच सम्झौता

अन्तर्राष्ट्रिय14 hours ago

वर्ल्ड टेस्ट च्याम्पियनसिप फाइनल – निरिह भारतीय ब्याटिङ, उपाधि जित्न न्युजिल्यान्डलाई १३९ रनको लक्ष्य

Euro 202015 hours ago

युरो कप: स्पेन नक आउटमा छनौट हुनको लागि के हुनुपर्छ ?

Headline18 hours ago

डि ब्रुनलाई चेल्सीबाट बेच्न नखोजेको सात वर्ष पछि माउरिन्होको खुलासा

Trending

error: Content is protected !!