Connect with us

Headline

अनुभवीहरुको जमातले ‘बिग सट’ बनेको मच्छिन्द्र

wesportz

Published

on

गौरव फुयाल, काठमाडौं

सन् २०१३–२०१४ को नेपाली लिग सिजनमा मच्छिन्द्र फुटबल टिमको लय देखेर सबै जना चकित थिए । अघिल्लो सिजन छैटौं स्थानमा सक्काएको टोली एकै पटक ठूलो फड्को मार्दै दोश्रो हुन पुगेको थियो ।

गएका दुई–तीन लिगमा औसत प्रदर्शन गरेको मच्छिन्द्र यस बर्ष २०१३ को सिजन भन्दा अझै एक कदम अगाडि बढी लिग च्याम्पियन नै बन्ने लक्ष्यका साथ अघि बढीरहेको छ । उनीहरुको टोलीमा अहिले राष्ट्रिय टिमको अनुभव बटुलीसकेका १६ खेलाडी रहेका छन् । बुधबार मच्छिन्द्रले अंक तालिकाको पुछारमा रहेको टोली फ्रेन्ड्स क्लबलाई ३–० को फराकिलो अन्तरले पराजित गर्दा नेपाललाई दक्षिण एसियाली खेलकुदमा स्वर्ण पदक जिताउने कप्तान सुजल श्रेष्ठलाई ६८ औं मिनेटमा मैदान प्रवेश गरेका थिए । भुटानबिरुद्धको फाइनलको शुरुवाती मिनेटमै घाइते भएर मैदान छोडेका सुजल अझै पनि पूर्ण रुपमा फिट भैसकेका छैनन् ।

पहिलो दुई खेल नखेलेका सुजललाई प्रशिक्षक प्रवेश कटवालले कुनै पनि रिस्क लिन चाहदैनन् । राष्ट्रिय खेलाडीहरुको जमात नै बटुलेको मच्छिन्द्रलाई यस्तो रिस्क लिने आवश्यकता पनि छैन । प्लेयिङ्ग ११ मात्र नभएर मच्छिन्द्रले बेञ्च पनि निकै मजबुत बनाएको छ ।

२०१३ को लिग भरी नै उत्कृष्ट प्रदर्शन गरेको मच्छिन्द्रले अन्त्यमा खेल गुमाउन पुग्दा दोस्रो स्थानमा सिमित हुन पुग्यो । त्यो बेलाका मच्छिन्द्रको प्रशिक्षक थिए तत्कालिन राष्ट्रिय टिमका मुख्य प्रशिक्षक योहान कालिन । झापाका बिशाल राइ ए र बी, कर्ण लिम्बु, हेम गुरुङ, दिपक राई, रजिन धिमाल समेटिएको टोली निकै राम्रो लयमा खेल्ने गर्थे । त्यो लिग सिजन दोस्रो नै भएको भए पनि मच्छिन्द्रले सम्झन लायक प्रदर्शन ग¥यो ।

त्यसपछि लिगहरु भने अनियमित भए । प्रतियोगिता आयोजना अघि भएको क्लबहरुसँगको बैठकमा उपस्थित नभएको भन्दै एन्फाले राष्ट्रिय लिग खेल्न प्रतिबन्ध लगाएका चार क्लबहरु मध्ये एक मच्छिन्द्र पनि रहेको थियो । रेलिगेसनको प्रावधान नरहेको अघिल्लो बर्षको लिगमा त झन मच्छिन्द्र पुछारबाट दोश्रो स्थानमा रह्यो । यही कारण उसले यो सिजन एक अंक पहिले नै गुमाइसकेको छ ।

पहिलो खेलमा ब्रिगेड बोइजलाई हराएको मच्छिन्द्रले दोश्रोमा च्यासलसँग १–१ को बराबरी खेल्यो । फ्रेण्ड्सलाई हराएपछि मच्छिन्द्र ६ अंकसहित पहिलो स्थानमा रहेको छ । राष्ट्रिय खेलाडीहरुको बाहुल्यता रहेकै कारण पनि मच्छिन्द्रलाई अब लिग जित्नै पर्ने दवाब हुनेछ । एउटा कुरा के स्पष्ट छ भने उसलाई कमजोर आक्ने हिम्मत कसैले पनि गर्न सक्दैन ।

लिगको पहिलो खेल खेल्दा मच्छिन्द्रको स्टाटिङ्ग ११ नै अनुभवी रहेको थियो । लामै समय राष्ट्रिय टोलीको तेश्रो रोजाईका किपर भएर बेन्चमा बिताएका गोलकिपर बिशाल श्रेष्ठलाई उनको पुरानो क्लब मनाङ मस्र्याङदी बाट मच्छिन्द्र भित्राउन क्लबका प्रशिक्षक प्रबेश कटुवाल नै लागि परेका थिए ।

मच्छिन्द्रका कप्तान बिराज महर्जनलाई मनाङ किन छोड्नुभयो भन्दा उनी अप्ठेरो नमानी भन्छन्ः खेलाडीलाई चाहिने एक्सपोजर र स्तरीयता मच्छिन्द्रमा देखे पछि म आएको हु । बिराज जे भन्छन् त्यसमा दुईमत छैन । राष्ट्रिय टिमका ठूला १६ नामलाई भित्र्याउनु कुनै चान–चुने कुरा पनि त होइन ।

लिगमा दाबेदरी कतिको देख्नु भएको छ भन्ने प्रश्नमा बिराज भन्छन्ः सबैको आँखा त ठूलो टिममै हुनेछ तर पनि नेपाली लिगमा कुन बर्ष को टिम बलियो भएर आउछ भन्न सकिदैन । च्यासलसँग बराबरी खेल्न पुगेपछि बिराजको भनाईले पनि सार्थकता पाइसकेको छ । अघिल्लो बर्षको परिणामले घटेको एक अंक र च्यासलसँगको बराबरीले गुमेको दुई अंकले धेरै फरक पार्ने छ, प्रवेशले बराबरीपछि भनेका थिए ।

हुन पनि फुट्बल एक रोमन्चक खेलको रुपमा चिनिन्छ । कतै लिगको अन्तिमको समिकरणले मच्छिन्द्रलाई त्यही एक अंकले पिरोल्ने त होइन भन्ने डर पनि हुनसक्छ यसका समर्थकहरुलाई । यसको लागि भने लिगको अन्त्य नै कुर्नुपर्ने छ ।

४० देखी ४५ जना सम्म खेलाडी रजिस्ट्रसन गर्न पाउने लिगमा मच्छिन्द्रले २४ जनाको सुची दिएको छ । ४ बिदेशी सहित एक दक्षिण एसियाकै खेलाडी अझै थप्ने तयारीमा पनि लागिरहेको छ क्लब । अझै प्रभावशाली खेलाडी भित्राउन खोजी रहेको यो टिमले कतै काम भन्दा बडी नामलाई त हेरिरहेको छैन ? तर फुटबलमा काम देखएपछि नै त नाम जोडीने हो । त्यही भएर होला मच्छिन्द्र जति सक्दो ठूलो नाम जम्मा गर्ने कसरत गरिहेको छ ।

प्रशिक्षक प्रबेश को कुर गर्ने हो भने उनी आक्रमक फुटबल खेल्न रुचाउछन । मोफसलको नकआउट प्रतियोगिताहरुमा झापा ११ लाई उनले उपाधि जित्ने स्तरको टोली बनाइसकेका थिए । मोफेसलमै धेरै समय बिताएका कटुवाल अहिलेको मच्छिन्द्रको टोलीलाई उपाधि जिताउने पाए उनको आफ्नो कोचिङ्ग करिअरमा सुनमा सगन्ध थपेजस्तो नै हुनेछ ।

बुधबारका खेलहरु सकिदासम्म मच्छिन्द्र अग्रस्थानमा त रहेको छ । यो बलियो मानिएको टिमले लिग नै जित्ने होकी सबैको अपेक्षा बिपरितको परिणाम आउने हो यो थाहा पाउन भने २०२० फेबुअरी एक सम्मै कुर्न पर्ला ।

 

तस्विर सौजन्य: एन्फा

Click to comment

Leave a Reply

Your email address will not be published. Required fields are marked *

Headline

कर्णालीलाई हराउदै गण्डकीको पहिलो जित

wesportz

Published

on

गण्डकी प्रदेशले अण्डर १९ राष्ट्रिय क्रिकेट प्रतियोगितामा पहिलो जित हात पारेको छ । त्रिवि क्रिकेट मैदानमा गण्डकीले कर्णाली प्रदेशलाई तीन विकेटले स्तब्ध बनायो ।

टस जितेर पहिलो ब्याटिङ्गको निर्णय लिएको गण्डकीले कर्णालीलाई २८ ओभरमा १ सय १३ रनमै समेट्यो । कर्णालीले कसिलो बलिँग गर्दै निरन्तर विकेट लिएपनि गण्डकीले २६ दशमलव ५ ओभरमा १ सय १६ रन बनायो ।

गण्डकीलाई दोश्रो विकेटका लागि दिपक डुम्रेले दोश्रो विकेटका लागि अर्जुन कुमाल (१४) सँग ४३ रनको साझेदारी गर्दै सम्हाल्ने प्रयास गरेका थिए । दिपकले ५० बलमा ६ चौकाको मद्दतमा ३४ रन बनाए । त्यसबाहेक उत्सव श्रेष्ठले २० बलमा तीन चौका र दुई छक्काको सहयोगमा २६ रन बनाए ।

यस्तै सुजन गौतमले १३ रन जोडेका थिए । कर्णालीका लागि सन्दिप शाही र निश्चल रावलले २–२ विकेट लिएका थिए ।

यसअघि कमल परियारले चार र किरण पौडेलले तीन विकेट लिएपछि कर्णाली ३० विकेट समेत टिक्न असफल रह्यो । ११ रनमै तीन विकेट गुमाएको कर्णालीका लागि सुभाष ऐरले डिमल अर्डरबाट १७ रन बनाए भने प्रकाश जैसीले ३५ बलमा २६ रन जोडे ।

१० नम्बरमा ब्याटिँग गर्न आएका अनुज चुनाराले २२ र ९ नम्बरका रुपक दाहालले २० रन जोडेपछि कर्णालीले १ सय रन कटाउन सकेको थियो ।

पहिलो खेलमा लुम्बिनीलाई फराकिलो अन्तरले स्तब्ध पार्दै सनसनी मच्चाएको कर्णालीले लगातार दोश्रो खेल हारेको छ भने गण्डकीले मुलपानी मैदानमा आफ्नो पहिलो दुवै खखेल हारेको थियो ।

Continue Reading

Headline

पछिल्लो दुई युरो कप च्याम्पियन नै कतार बिश्वकपमा नहुन सक्छन्

wesportz

Published

on

२०२२ को कतार बिश्वकपको युरोपियन प्लेअफमा तीन ठूला टिम एकै समुहमा परेपछि इटाली र पोर्चुगल नै बाहिरिने सम्भावना रहेको छ ।

प्लेअफको समुह बी मा इटाली र पोर्चुगलसँगै टर्की पनि रहेको छ । इटालीले नर्थ मेसेडोनिया र पोर्चुगलले टर्कीसँग खेल्ने छन् । दुई खेलको बिजेताले एक आपसमा खेल्ने छन् । एउटा कुरा के स्पष्ट छ भने टर्की पराजित हुने हो भने पछिल्लो दुई युरो कप बिजेता मध्ये एक बिश्वकपमा हुने छैनन् ।

टर्कीले उत्कृष्ट प्रदर्शन गर्न सक्ने हो भने दुवै टोली बाहिरिने सम्भावना पनि कायम छ । इटाली युरो कप च्याम्पियन र पोर्चुगल २०१६ को बिजेता हो ।

इटाली २०१८ को बिश्वकपका लागि पनि प्लेअफ बाटै बाहिरिएको थियो । इटाली ६० बर्षमा पहिलो पटक बिश्वपमा छनोट नभएको हो । पोर्चुगलले १९९८ को बिश्वकप छुटाए यता हरेक प्रमुख प्रतियोगिताहरु खेल्दै आएको छ ।
छनोटको पहिलो चरणमा इटाली नर्दन आयरल्याण्डसँग बराबरीमा रोक्किएपछि स्विट्जरल्याण्डले बिश्वकपमा स्थान बनाएको थियो भने पोर्चुगल सर्बियासँग पराजित हुन पुगेको थियो ।

पोर्चुगल प्रशिक्षक फर्नान्डो सान्टोसले आफ्नो टोलीको पहिलो लक्ष्य मार्चमा हुने प्लेअफमा टर्कीलाई नै हराउनु रहेको बताएका छन् । उनीहरु कहिले राम्रो खेल्छन् कहिले खेल्दैनन् । टर्की यस्तो टोली हो जसले सधै अर्को टिमको लागि काँडा हुने गर्छ । तर म बिश्वकपमा छनोट हुनेमा भने बिश्वस्त छु, सान्टोसले भने ।

प्ले अफको अर्को समुहमा वेल्स र स्कटल्याण्डको फाइनलमा भेट हुन सक्छ । वेल्सले अष्ट्रियसँग खेल्ने छ भने स्कटल्याण्डले युक्रेनको सामना गर्नेछ । १९९८ यता स्कटल्याण्ड बिश्वकपमा छनोट हुन सकेको छैन । वेल्स ६४ बर्षमा पहिलो पटक बिश्वकप खेल्ने प्रयासमा हुनेछ ।

यस्तै रुसले अर्को समुहमा पोल्याण्डको सामना गर्नेछ भने स्विडेनले चेक रिपब्लिकसँग खेल्नेछ । रुसले हालसम्म घरेलु मैदानमा जम्मा एक पटक मात्र बिश्वकप छनोटको खेल हारेको छ र त्यो सन् २००९ मा जर्मनीबिरुद्ध रहेको थियो ।

Continue Reading

Headline

ए डिभिजन लिगमा संकटाको पहिलो जित

wesportz

Published

on

प्रतिस्पर्धात्मक खेलमा एक गोलले पछि परेको स्थितिलाई उल्टाउदै संकटा क्लबले शहीद स्मारक ए डिभिजन लिगमा फ्रेण्ड्स क्लबलाई २–१ ले पराजित गरेको छ ।

पहिलो खेलमा हिमालयन शेर्पासँग बराबरी खेलेको संकटाले दशरथ रँगशालामा फ्लड लाइट मुनि स्पष्ट नतिजा निकाल्यो । दुवै तर्फबाट गोलका लागि निरन्तर प्रयास भएपनि फ्रेण्ड्सले पहिलो हाफ अघि अग्रता लिएको थियो ।

फ्रेण्ड्सका लागि कप्तान तथा पुर्व राष्ट्रिय टोली मिडफिल्डर प्रकाश बुढाथोकीले गोल गरे । प्रकाशले पेनाल्टी बक्स बाहिरबाट गरेको सशक्त प्रहार सुन्दर गोलमा परिणत भएको थियो । लगत्तै संकटाका निरज बस्नेतको प्रहारलाई फ्रेण्ड्स गोलकिपर राहुल यादवले बचाएका थिए ।

निरजको मिहिनेत दोश्रो हाफमा सफल भयो । ५७ औं मिनेटमा सुभाष गुरुङको कर्नरमा निरजले हेडरमार्फत गोल गर्दै संकटालाई खेलमा फर्काएका थिए ।

८६ औं मिनेट नेपाली लिगका अनुभवी अफ्रिकी खेलाडी फोडे फाफोनाले भलिमा गोल गर्दै संकटाको लागि निर्णायक गोल गरे ।

निरज खेलको म्यान अफ द म्याच पनि घोषित भए । फ्रेण्ड्सले पहिलो खेलमा सातदोबाटो युवा क्लबसँग बराबरी खेलेको थियो ।

Continue Reading
Headline1 hour ago

कर्णालीलाई हराउदै गण्डकीको पहिलो जित

Headline4 hours ago

पछिल्लो दुई युरो कप च्याम्पियन नै कतार बिश्वकपमा नहुन सक्छन्

Headline19 hours ago

ए डिभिजन लिगमा संकटाको पहिलो जित

Headline22 hours ago

वसिरको उत्कृष्ट फिनिसिँगमा लुम्बिनीको एक विकेटको सनसनीपूर्ण जित

Headline23 hours ago

सोनुको शतकमा प्रदेश १ को लगातार तेश्रो जित

Headline24 hours ago

ए डिभिजन लिगः नवप्रवेशी सातदोबाटोसँग थ्रि स्टार स्तब्ध

Headline1 day ago

लगातार तेश्रो जित हात पार्दै नेपालको शिर्ष स्थान कब्जा गर्ने आशा कायमै

Headline1 day ago

नेपाललाई मलेसियाले दियो ९३ रनको चुनौतिपूर्ण लक्ष्य

Headline1 day ago

प्याट कमिन्स अष्ट्रेलियाका नयाँ टेस्ट कप्तान

Headline2 days ago

आदिलको सनसनीपूर्ण ब्याटिँगमा प्रदेश २ को सुदुरमाथि अविश्वसनीय जित

Headline11 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline2 years ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline10 months ago

फुटबलमा थापिएका ५ अचम्मका बाजीहरु

Headline7 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline1 year ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!