Connect with us

Headline

मेहरा, खानको साझेदारी पन्छाउदै काठमाडौंको लगातार दोश्रो जित

wesportz

Published

on

पुनित मेहरा र नोमन खानको आकर्षक साभेदारीलाई पाखा लगाउदै काठमाडौं गोल्डेन वारियर्सले पोखरा प्रिमियर लिगको प्लेअफ सम्भावनालाई कायम राखेको छ ।

लगातार दोश्रो जित निकाल्ने क्रममा काठमाडौंले शनिबारको एक मात्र खेलमा बिराटनगर टाइटन्सलाई ३६ रनले पराजित ग¥यो । जितका लागि १ सय ६० रनको चुनौतिपूर्ण लक्ष्य पछ्याउन मैदानमा उत्रेको बिराटनगर एक समय ४१ रनमा ६ विकेटको स्थितिमा रहेको थियो ।

पुनित र नोमनले सातौं विकेटका लागि ७९ रनको साझेदारी गरेपछि बिराटनगरको आशा पलाएको थियो । तर दुवै ब्याट्स्म्यान सुबाध भाटीले गरेको १९ आंै ओभरको पहिलो दुई बलमा आउट भएपछि बिराटनगर १९ दशमलव चार ओभरमा एक सय २३ रनमै समेटिएको थियो ।

जितपछि काठमाडौंको चार अंक भएको छ भने बिराटनगरको तीन खेलबाट दुई अंक । अग्रस्थानमा रहेको चितवन राइनोजको तीन खेलबाट ६ अंक भएको छ ।

अन्तिम १२ बलमा बिराटनगरलाई ४० रनको आवश्यकता रहेको थियो । यसअघि डिफेण्डिङ्ग च्याम्पियन पोखरा पल्टनलाई स्तब्ध पार्ने प्रमुख भुमिका निर्वाह गरेका पुनितले लगातार दोश्रो अद्र्धशतक प्रहार गर्दै ३१ बलमा ५३ रन बनाए । उनले तीन छक्का र तीन चौका प्रहार गरेका थिए ।

कप्तान प्रदिप ऐरिले २७ बलमा चार चौका र एक छक्का प्रहार गर्दै २९ र नोमनले २६ बलमा २५ रन बनाए । भाटीले काठमाडौंका लागि सर्वाधिक तीन विकेट लिए । यस्तै अमर सिँह रौटेला र बसन्त रेग्मीले पनि दुई–दुई विकेट हात पारे ।

यसअघि जयकिसन कोल्सावालाको अद्र्धशतक र कप्तान ज्ञानेन्द्र मल्लको अर्को आक्रमक इनिङ्गसको मद्दतमा काठमाडौंले जित्नै पर्ने अर्को खेलमा बिराटनगरलाई कठिन लक्ष्य दिएको थियो । टस जिति पहिलो ब्याटिङ्ग गरेको काठमाडौंले २० ओभरमा ५ विकेटको क्षतिमा एक सय ५९ रन बनायो ।

लगातार असफल रहेका गौरभ तोमर एक पटक फेरि काठमाडौंको स्कोरकार्डमा योगदान दिनबाट चुके । त्यसपछि कोल्सावालाले दुई महत्वपूर्ण साझेदारी गर्दे काठमाडौंलाई चुनौतिपूर्ण योगफल सम्म डो¥याएका थिए ।

उनले दोश्रो विकेटका लागि अमित श्रेष्ठ (१३) सँग ४३ र तेश्रो विकेटका लागि ज्ञानेन्द्रसँग ६६ रन जोड्न पुगे । ४३ बलमा ५५ रन बनाएका कोल्सावालाले पाँच चौका र दुई छक्का प्रहार गरे । यसअघिको खेलमा धनगढी ब्लुजबिरुद्ध ३७ बलमै शतक प्रहार गरेका ज्ञानेन्द्रले आफ्नो फर्मलाई निरन्रता दिदै ३३ बलमा ४५ रन बनाए ।

स्विच हिट प्रहार गर्ने क्रममा जितेन्द्र मुखियालाई शर्ट स्क्वायर लेगमा क्याच थमाएका ज्ञानेन्द्रले तीन चौका र दुई छक्का हिर्र्काए । बिराटनगरका लागि पुनित मेहराले दुई विकेट लिएका थिए । प्रतियोगिताको प्ले अफमा स्थान बनाउनका लागि काठमाडौंलाई योसँगै अर्को खेल पनि जित्नै पर्ने दवाब रहेको छ ।

Click to comment

Leave a Reply

Your email address will not be published. Required fields are marked *

Euro 2020

समुह ‘एफ’: फ्रान्स,जर्मनी र पोर्चुगल अन्तिम १६ मा

wesportz

Published

on

जर्मनीले हङ्गेरीको जितलाई रोक्दै २-२ को बराबरी खेले पछि पोर्चुगल युरो २०२० को अन्तिम १६ मा प्रवेश गरेको छ । पोर्चुगलले आफ्नो अन्तिम खेलमा फ्रान्सलाई पनि २-२ को बराबरीमा रोकेको थियो ।

जर्मनीका लागि काई ह्वाभर्ट्ज र लियोन गोरेट्ज्काले गोल गरेका थिए । हङ्गेरीका लागि एडम सज्लाई र अन्द्रास ससेफरले गोल गरेका थिए ।

खेलको ११ औँ मिनेटमै सज्लाईले हङ्गेरीलाई अग्रता दिलाएका थिए । पहिलो हाफ अग्रता लिएको हङ्गेरीले दोस्रो हाफको ६६ औँ मिनेटमा बराबरी गोल फर्काएका थिए । जर्मनीका लागि काइ ह्वाभर्ट्जले गोल गरेका थिए । तर, त्यस्को एक मिनेट पनि नबित्दै हङ्गेरीले खेलमा पुन : अग्रता लिएको थियो । ससेफरले गोल गर्दै हङ्गेरीलाई २-१ को अग्रता दिलाएका थिए ।

तर, ८४ औँ मिनेटमा जर्मनीका लागि लिओन गोरेट्ज्काले बराबरी गोल फर्काउँदै जर्मनीको अन्तिम १६ को आशा जिवितै राखेका थिए । अर्को खेलमा पोर्चुगलले फ्रान्सलाई २-२ को बराबरीमा रोक्यो । पोर्चुगलका लागि क्रिष्चियानो रोनाल्डोले दुई र फ्रान्सका लागि कारीम बेन्जेमाले दुई गोल गरेका थिए । पोर्चुगलका लागि दुवै गोल पेनाल्टीमा रोनाल्डोले गरे । फ्रान्सका लागि बेन्जेमाले एक गोल पेनाल्टी मार्फत गर्दा अर्को गोल ‘ओपन प्ले’ मा गरेका थिए ।

अपराजित फ्रान्सले ३ खेलमा ५ अंक जोड्यो । जर्मनीले आफ्नो खेलमा हंगेरीसँग २-२ को बराबरी खेलेपछि ४ अंक जोड्दै दोस्रो स्थानमा रहेको थियो । समान अंक भएपनि हेड टु हेडमा पोर्चुगल तेस्रो हुँदै अन्तिम १६ मा स्थान बनाएको छ ।

Continue Reading

Euro 2020

यस्तो छ युरो २०२० अन्तिम १६ को खेल तालिका र खेलहरु

wesportz

Published

on

युरो २०२० को सबै समुह चरणको खेलहरु सकिएको छ । समुह ‘ए’ बाट इटाली समुह बिजेता , वेल्स उपाबिजेता र स्विट्जरल्याण्ड उत्कृष्ट तेस्रो स्थानका साथ अन्तिम १६ मा प्रवेश गरेका थिए । समुह ‘बी’ बाट बेल्जियम समुह बिजेता र डेनमार्क समुह उपबिजेता बन्दै अन्तिम १६ मा प्रवेश गरेका थिए ।

समुह ‘सी’ बाट नेदर्ल्याण्ड्स, अष्ट्रिया र उत्कृष्ट तेस्रो स्थानको टोली बन्दै युक्रेन अन्तिम १६ मा पुगेको थियो । यस्तै समुह ‘डी’ बाट पनि तीन टोली अन्तिम १६ मा पुगेका छन् । समुह बिजेता बन्दै इङ्ल्याण्ड, उपबिजेता बन्दै क्रोएसिया र उत्कृष्ट तेस्रो स्थानको चेक रिपब्लिक अन्तिम १६ मा पुगेका हुन् । समुह ‘ई’ बाट भने स्विडेन र स्पेनले अन्तिम १६ मा स्थान बनाए । ग्रुप अफ देथ मानिएको समुह ‘एफ’ बाट फ्रान्स समुह बिजेता, जर्मनी उपबिजेता र पोर्चुगल तेस्रो स्थानमा रहदै अन्तिम १६ मा स्थान बनायो ।

समुह चरणको अन्तिम खेलसँगै अन्तिम १६ को खेल तालिका र खेलहरु यस्तो रहेको छ :

जुन २६, शनिबार- नेपाली समय ९:४५ बजे

वेल्स भर्सेस डेनमार्क

जुन २७, आईतबार- नेपाली समय १२:४५ बजे

इटाली भर्सेस अष्ट्रिया

जुन २७, आईतबार – नेपाली समय ९:४५

नेदरल्याण्ड्स भर्सेस चेक रिपब्लिक

जुन २८, सोमबार- नेपाली समय १२:४५

बेल्जियम भर्सेस पोर्चुगल

जुन २९, सोमबार- नेपाली समय ९:४५

क्रोएसिया भर्सेस स्पेन

जुन २९, मंगलबार- नेपाली समय १२:४५

फ्रान्स भर्सेस स्विट्जरल्याण्ड

जुन ३०, मंगलबार- नेपाली समय ९:४५

इङ्ल्याण्ड भर्सेस जर्मनी

जुन ३०, वुधबार- नेपाली समय १२:४५

स्विडेन भर्सेस युक्रेन

 

 

Continue Reading

Euro 2020

रोनाल्डोले गरे अन्तर्राष्‍ट्रिय फुटबलमा सार्वधिक गोल गर्ने किर्तिमानको बराबरी

wesportz

Published

on

फ्रान्स विरुद्ध जारी युरो २०२० को खेलमा दुई पेनाल्टी प्रहार गर्दै पोर्चुगलका कप्तान क्रिष्टियानो रोनाल्डोले अन्तर्राष्‍ट्रिय फुटबलमा सर्वाधिक गोल गर्ने किर्तिमानको बराबरी गरेका छन् ।

उनले ईरानका अली दाईको १ सय ९ गोल को किर्तिमानलाई बराबरी गरेका हुन् । उनले फ्रान्स विरुद्ध पेनाल्टीमा गोल गर्दै किर्तिमानी बराबरी गरेका हुन् ।

रोनाल्डोले पहिलो गोल ३० औँ मिनेटमा गरेका थिए । डनिलोलाई फ्रान्सका गोलरक्षक ह्युगो लोरिसले पन्च गरे पछि पाएको पेनाल्टी अवसरमा रोनाल्डोले पहिलो गोल गरेका थिए । यस्तै ६० औँ मिनेटमा रोनल्डोकै क्रसमा फ्रेन्च डिफेन्डर कोनाटेको हातमा बल लागे पछि पाएको पेनाल्टीमा रोनाल्डोले दोस्रो गोल गरेका थिए ।

रोनाल्डोले युरो २०२० मा पाँच गोल पनि गरिसकेका छन् । उनी हाल युरो कपमा सर्वाधिक गोल गर्ने खेलाडी पनि हुन् ।

उनले २००३ मा पोर्चुगलको राष्ट्रिय टोलीका लागि डेब्यु गरेका थिए ।

 

रोनाल्डोले गोल गरेका सबै राष्ट्रिय टोलीहरु:

Continue Reading
Euro 20205 hours ago

समुह ‘एफ’: फ्रान्स,जर्मनी र पोर्चुगल अन्तिम १६ मा

Euro 20205 hours ago

यस्तो छ युरो २०२० अन्तिम १६ को खेल तालिका र खेलहरु

अन्तर्राष्ट्रिय5 hours ago

बटलरको अविजित अर्धशतकमा इंग्ल्यान्डको सहज जित 

Euro 20206 hours ago

रोनाल्डोले गरे अन्तर्राष्‍ट्रिय फुटबलमा सार्वधिक गोल गर्ने किर्तिमानको बराबरी

Euro 20208 hours ago

युरोमा उत्कृष्ट पुनरागमन गर्दै स्पेन अन्तिम १६ मा

अन्तर्राष्ट्रिय9 hours ago

भारतलाई सजिलै हराएर न्युजिल्यान्डले जित्यो वर्ल्ड टेस्ट च्याम्पियनसिप

Headline11 hours ago

नेपाल ओलम्पिक कमिटी र दराज बिच सम्झौता

अन्तर्राष्ट्रिय13 hours ago

वर्ल्ड टेस्ट च्याम्पियनसिप फाइनल – निरिह भारतीय ब्याटिङ, उपाधि जित्न न्युजिल्यान्डलाई १३९ रनको लक्ष्य

Euro 202014 hours ago

युरो कप: स्पेन नक आउटमा छनौट हुनको लागि के हुनुपर्छ ?

Headline16 hours ago

डि ब्रुनलाई चेल्सीबाट बेच्न नखोजेको सात वर्ष पछि माउरिन्होको खुलासा

Trending

error: Content is protected !!