Connect with us

Headline

बिग ब्याश लिग : पहिलो खेलमा सन्दिपको सामान्य प्रदर्शन, मेलबर्नको विजयी शुरुवात 

wesportz

Published

on

नेपाली राष्ट्रिय क्रिकेट टोलीका लेग स्पिनर सन्दिप लामिछाने सम्मिलित मेलबर्न स्टार्सले बिग ब्याश लिगमा विजयी शुरुवात गरेको छ । मेलबर्नले आफ्नो पहिलो खेलमा ब्रिस्बेन हिटलाई २२ रनले पराजित गरेको हो ।
जीतका लागि १६८ रनको लक्ष्य लिएर ब्याटिंगमा आएको मेलबर्नले २० ओभर खेल्दै आठ विकेटको नोक्सानीमा १४५ रन मात्र बनाउन सक्यो ।  ब्रिस्बेनको लागि ओपनर टम ब्यानटनले ३६ बलमा सर्वाधिक ६४ रन र म्याट रेनशले ३९ रनको पारी खेले भने अन्य ब्याट्सम्यानले उलेख्य योगदान दिन सकेनन् ।
मेलबर्नको जीतमा एडम ज़ाम्पाले सर्वाधिक तीन तथा ह्यारिस रौफ़ र डेनियल वोर्राल्लले समान दुई-दुई विकेट हात पारे ।
यस अघि टस हारेर पहिले ब्याटिंग गरेको मेलबर्नले २० ओभरमा सात विकेट गुमाएर १६७ रनको चुनौतीपुर्ण योगफल तयार पार्यो । मध्यम शुरुवात गरेको मेलबर्नको पारी सम्हाल्ने क्रममा कप्तान ग्लेन म्याक्सवेलले तुफानी पारी खेल्दै ३९ बलको सामना गर्दै सात चौका र पाँच छक्काको मद्धतमा ८३ रन जोडे ।
सन्दिपको सामान्य प्रदर्शन 
बिग ब्याश लिग अन्तर्गत यस संस्करणको आफ्नो पहिलो खेलमा नेपाली टोलीका लेग स्पिनर सन्दिप लामिछानेले सामान्य प्रदर्शन गरेका छन् । महँगो साबित भएका उनले चार ओभर बलिंग गर्दै ३८ रन खर्चिए भने एक विकेट मात्र हात पारे ।
पहिलो तीन ओभरमा तीन रन खर्चिए पनि विकेट निकाल्न नसकेका सन्दिपले अन्तिम ओभरमा एक चौका सहित आठ रन खाए भने १८ बलमा १२ रन बनाएका बेन कटिंगलाई आफ्नो शिकार बनाए ।
खराब सुरुवात गरेका सन्दिपले आफ्नो पहिलो ओभरमा तीन चौका र एक छक्का सहित १९ रन खर्चिए । पहिलो ओभरमा खराब बलिंग गरेका सन्दिपले उत्कृस्ट पुनरागम गर्दै दोश्रो ओभरमा छ तथा तेश्रो ओभरमा मात्र पाँच रन खर्चिए ।

Click to comment

Leave a Reply

Your email address will not be published. Required fields are marked *

Headline

अण्डर–२३ एसियन कप क्वालिफायर्सः नेपाल इरानसँग ४–० ले पराजित

wesportz

Published

on

नेपाल एएफसी अण्डर–२३ एसियन कप क्वालिफायर्स अन्तर्गत सोमबार आफ्नो पहिलो खेलमा ४–० ले पराजित भएको छ ।

पहिलो हाफमा इरानलाई बराबरीमा रोक्न सफल नेपालले तीन वटै गोल दोश्रो हाफमा खान पुगेको थियो । पहिलो हाफको १७ औं मिनेटमा पेनाल्टी मिस गरेको इरानले दोश्रो हाफको शुरुवातमै गोल गर्दै खेलमा अग्रता लिएको थियो ।

त्यसपछि नेपालले इरानलाई आधा घण्टासम्म रोकेपनि उसले दुई मिनेटमा दुई गोल गर्दै जित सुनिश्चित गरेको थियो । इन्जुरी समयमा इरानले चौथो गोल गरेको थियो ।

नेपालले अब आफ्नो दोश्रो खेलमा अक्टोबर २८ मा आयोजक ताजिकिस्तानको सामना गर्नेछ भने अक्टोबर ३१ मा लेबनानबिरुद्ध खेल्नेछ ।

२०२२ को अण्डर–२३ एसियन कप आयोजक उज्वेकिस्तान प्रतियोगिताका लागि छनौट भइसकेको छ । छनोट चरणमार्फत ११ समुह बिजेताले उज्वेकिस्तानको टिकट काट्ने छन् भने सबै समुहबाट चार उत्कृष्ट समुह बिजेताले १६ टिम सम्मिलित फाइनलमा स्थान बनाउने छन् ।

Continue Reading

Headline

अण्डर–२३ एसियन कप क्वालिफायर्सः बलियो इरानको सामना गर्दै नेपाल

wesportz

Published

on

नेपालले एएफसी अण्डर–२३ एसियन कप क्वालिफायर्स अन्तर्गत सोमबार आफ्नो पहिलो खेलमा बलियो इरानको सामना गरिरहेको छ ।

ताजकिस्तानको दुसान्बेमा हुन गइरहेको पहिलो खेल साँझ ४:४५ मा पामिर स्टेडियममा हुनेछ । समुह बीमा रहेको नेपालले आयोजक ताजिकिस्तान र लेबनानको पनि सामना गर्नु पर्ने भएका कारण नेपालको लागि समुह चरण निकै कठिन रहेको छ ।

२०२२ को अण्डर–२३ एसियन कप आयोजक उज्वेकिस्तान प्रतियोगिताका लागि छनौट भइसकेको छ । छनोट चरणमार्फत ११ समुह बिजेताले उज्वेकिस्तानको टिकट काट्ने छन् भने सबै समुहबाट चार उत्कृष्ट समुह बिजेताले १६ टिम सम्मिलित फाइनलमा स्थान बनाउने छन् ।

हालै साफ च्याम्पियनसिप उपबिजेता टोलीबाट ६ खेलाडी लिएर गएको नेपाली टोलीका लागि इरानसँग बराबरीले पनि ठूलो महत्व राख्न सक्छ । मनिष डाँगी, आयुष घलान, सुमन अर्याल, गौतम श्रेष्ठ, नितिन थापा र सुरज जेउ ठकुरीले माल्दिभ्समा नेपालका लागि साफ च्याम्पियनसिप खेलेका थिए ।

यी पाँच खेलाडीको आगमनले नेपाली टोलीको आत्मबिश्वास बढेको देखिन्छ । यसबाहेक अभिषेक रिजाल र एरिक बिष्टले पनि राष्ट्रिय टोलीबाट खेलिसकेको कारण नेपाली टिमलाई अनुभवी मान्न सकिन्छ ।

नेपालले प्रतियोगिता अघि भएको मैत्रीपूर्ण खेलमा इन्डोनेसियाको अण्डर–२३ टोलीसँग २–० को हार व्यहोरेको थियो । इरानसँग कम्तिमा पनि बराबरी गर्दै प्रतियोगिताको शुरुवात गर्ने प्रशिक्षक बालगोपाल महर्जनको लक्ष्य रहनेछ ।

बालगोपालले टिमको रुपमा प्रशिक्षण गर्न थोरै समय भएपनि आफ्नो टोलीले सक्दो राम्रो गर्ने बताएका छन् ।

“प्रशिक्षककै रुपमा पनि मैले तैयारीका लागि थोरै समय पाएको थिए । केही केटाहरु साफ च्याम्पियनसिपमा व्यस्त रहेको कारण पनि टिमको रुपमा प्रशिक्षणका लागि थोरै समय थियो । सबै टोली निकै राम्रा छन् र हामी राम्रो परिणामको अपेक्षा गरिरहेका छौं,” बालगोपालले भने ।

नेपालले अक्टोबर २८ मा ताजिकिस्तान र अक्टोबर ३१ मा लेबनानबिरुद्ध खेल्नेछ ।

Continue Reading

Headline

बार्सिलोना ५६ बर्षपछि पहिलो पटक लगातार चार एल क्लासिकोमा पराजित

wesportz

Published

on

सिजनको पहिलो एल क्लासिकोमा बार्सिलोनालाई २–१ ले पराजित गर्दै रियल म्याड्रिडले आफ्नो निकटतम प्रतिद्वन्दी र उसको प्रशिक्षक रोनाल्ड कोमनमाथि थप दवाब बनाएको छ ।

क्याम्प नोउमा डेभिड आलाबाको उत्कृष्ट गोलमार्फत ३२ औं मिनेटमा अग्रता पाएको रियलको जितलाई लुकास भास्केजले दोश्रो हाफको इन्जुरी समयको तेश्रो मिनेटमा सुनिश्चित पारेका थिए ।

सर्जियो अगुएरोले खेल सकिन केही सेकेण्ड मात्र बाँकी हुँदा बार्साका लागि एक गोल फर्काएका थिए । उनले बार्साको लागि पहिलो गोल गरेका हुन् ।

सांघुरो हारमा पनि बार्सिलोनाको अवस्था नाजुक बन्ने निश्चितप्राय भने छ । बार्साले १९६५ पछि पहिलो पटक लगातार चार वटा एल क्लासिकोमा पराजय व्यहोरेको हो ।

रियल २० अंकका साथ पहिलो स्थानमा उक्लदा बार्सिलोना भने नवौं स्थानमा झरेको छ । यद्दपि यो सिजन शिर्ष स्थानमा निकै तिब्र प्रतिस्पर्धा हुँदा रियल, सेभिया र रियल सोसिडाडको समान २० अंक रहेको छ । बार्सिलोना मात्र ५ अंक पछाडी छ ।

गत साता ला लिगामा भ्यालेन्सिया र च्याम्पियन्स लिगमा डाइनामो किभलाई हराउदै पुनरागमन गरेको कोमनका लागि यो अर्को झड्का हो । यसले उनको भविष्यलाई पनि अन्धकारमा पार्ने डर कायम रहनेछ ।

६५ बर्षमा पहिलो पटक ६ खेलाडी २२ बर्ष भन्दा कमका रहे भने १७ बर्षिय बार्सिलोना मिडफिल्डर गाभी झण्डै एक शताब्दीमा क्लबका लागि एल क्लासिकोमा शुरुवात गर्ने सबैभन्दा कान्छा खेलाडी बने ।

Continue Reading
Headline3 mins ago

अण्डर–२३ एसियन कप क्वालिफायर्सः नेपाल इरानसँग ४–० ले पराजित

Headline6 hours ago

अण्डर–२३ एसियन कप क्वालिफायर्सः बलियो इरानको सामना गर्दै नेपाल

Headline19 hours ago

बार्सिलोना ५६ बर्षपछि पहिलो पटक लगातार चार एल क्लासिकोमा पराजित

T20 World Cup 202120 hours ago

पाकिस्तानले पहिलो पटक बिश्वकपमा भारतलाई घुँडा टेकायो

Headline20 hours ago

सलाहको ह्याट्रिकमा युनाइेटडले ओल्ड ट्राफोर्डमै लिभपुलसँग पाँच खायो

Headline20 hours ago

लिभरपुलबिरुद्ध युनाइटेड पहिलो हाफमा ओल्ड ट्राफोर्डमै ४–० ले पछाडी

T20 World Cup 202121 hours ago

ट्वान्टी ट्वान्टी विश्वकप : कोहलीको अर्धशतकमा पाकिस्तानलाई १५२ रनको मध्यम लक्ष्य

T20 World Cup 202123 hours ago

ट्वान्टी ट्वान्टी विश्वकप – असलंका र राजापक्षाको अर्धशतकमा बंगलादेश माथि श्रीलंकाको सहज जित 

Headline1 day ago

‘फलन जायन्ट्स’ को एल क्लासिकोमा बर्तमान र भविष्य पस्कदै बार्सा र रियल

Headline1 day ago

ट्वान्टी ट्वान्टी विश्वकपमा भारत र पाकिस्तान बीचका चर्चित भिडन्तहरु

Headline10 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline9 months ago

फुटबलमा थापिएका ५ अचम्मका बाजीहरु

Headline6 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline1 year ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!