Connect with us

Headline

बुटवललाई धुलो चटाउँदै पारसको चितवनले लगातार दुई खेल जित्यो

Published

on

बुटवल ब्लास्टर्सलाई १ सय १९ रनको फराकिलो अन्तरले पराजित गर्दै चितवन राइनोजले पोखरा प्रिमियर लिगमा लगातार दोश्रो जित हात पारेको छ ।

रोहन मुस्तफाले अलराउण्ड प्रदर्शन गर्दै बलिङ्ग र ब्याटिङ्ग दुवै तर्फ चम्केपछि चितवनले लगातार दोश्रो फराकिलो अन्तरको जित हात पारेको हो । यसअघि चितवनले शरद भेषावकरको पोखरा पल्टनलाई ५ विकेटले पराजित गरेको थियो ।

बिहिबार पोखरा रँगशालामा भएको खेलमा कप्तान पारस खड्का र रोहनले अद्र्धशतक प्रहार गरेपछि चितवनले पोखरा प्रिमियर लिग इतिहासकै बिशाल योगफल खडा गरेको थियो । टस हारि पहिलो ब्याटिङ्ग गरेको चितवनले २० ओभरमा तीन विकेट गुमाउदै २ सय ३ रन बनायो । जवाफमा बुटवलल १८ दशमलव चार ओभरमा ८४ रनमै समेटिएको थियो ।

ठूलो लक्ष्य पछ्याउनुपर्ने दवाबमा परेको बुटवल इनिङ्गसको शुरुवात देखि नै दवाबमा परेको थियो । १० रनमै तीन विकेट गुमाएको बुटवलका लागि भिम सार्की र शिभम सिँहले ३५ रनको साझेदारी गरेका थिए । त्यो नै बुटवलको इनिङ्गसको उच्च प्रदर्शन रहेको थियो ।

तीन छक्का र एक चौका प्रहार गरेका शिभमले ३३ बलमा ३३ रन बनाएका थिए । भिमले २१ बलमा २१ रन बनाए । उनले दुई चौका र एक छक्का प्रहार गरे । अन्य ब्याट्स्म्यानहरुले दोहोरो अंकमा रन बटुल्न सकेनन् । चितवनका लागि करण केसीले तीन दशमलव चार ओभरमा ११ रन खर्चदै चार विकेट लिएका थिए ।

कसिलो बलिङ्ग गरेका रोहनले तीन ओभरमा पाँच रन मात्र खर्चदै दुई विकेट लिएका थिए । यस्तै सन्नी पटेल, भुवन कार्की, बिक्रम सोब र बिक्रम कुमार भुषालले पनि एक–एक विकेट लिएका थिए ।

यसअघि चितवनले बिहिबारको खेलसँगै पोखरा पल्टनले बनाएको १ सय ९७ रनको किर्तिमानलाई तोडेको थियो । साबिक बिजेता पोखराले गत बर्ष पहिलो संस्करणको पहिलो खेलमा बिराटनगर टाइटन्सबिरुद्ध तीन विकेटको क्षतिमा एक सय ९७ रन बनाएको थियो ।

चितवनका लागि किर्तिमानी योगफलको आधार पारस र रोहनले नै खडा गरेका थिए । पारस र रोहनले पहिलो विकेटका लागि एक सय १७ रनको बिशाल साझेदारी गरेका थिए । पारसले ४० बलमै ६ चौका र दुई छक्काको मद्दतमा ६३ रन बनाएका थिए । यस्तै रोहन ५७ बलमा ७४ रन बनाउदै नटआउट रहेका थिए । उनले सात चौका र दुई छक्का हिर्काए ।

आरिफ शेखले १९ बलमा ४० रको अकर्षक इनिङ्गस खेलेका थिए । उनले तीन छक्का र तीन चौका हिर्काए । राइनोजले आफ्नो पहिलो खेलमा पोखरा पल्टन र बुटवलले काठमाडौं गोल्डेन वारियर्सलाई हराएको थियो ।

Click to comment

Leave a Reply

Your email address will not be published. Required fields are marked *

Headline

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Published

on

कप्तान रोहित कुमार पौडेलले  शतक तथा तीब्र गतिका बलर सोमपाल कामीले पाँच विकेट हात पार्दा अमेरिका भ्रमणको दोश्रो अभ्यास खेलमा नेपाली राष्ट्रिय टोलीले ह्युस्टन हरिकेन्स माथि ३० रनको फराकिलो जित हात पारेको छ ।

खेलमा टस हारेर पहिले ब्याटिङ गरेको नेपालले रोहितको शतकको मद्दतमा ४९ दशमलब एक ओभरमा आफ्ना सबै विकेट गुमाएर २५० रन बनायो भने सोमपालले पाँच विकेट निकाल्दा ह्युस्टनले ४३ दशमलब तीन ओभर खेल्दा आफ्ना सबै विकेट गुमाएर २२१ रन मात्र बनाउन सक्यो ।

कप्तान सन्दिप लामिछानेलाई विश्राम दिँदा नेपाली टोलीको कप्तानी सम्हालेका रोहितले नेपालको तर्फबाट सर्वाधिक १०१ रन बनाए । रन आउट हुनु अघि चौथो नम्बरमा ब्याटिङ गर्न आएका रोहितले ९० बल खेल्दै पाँच चौका र चार छक्काको मद्दतमा १०१ रन जोडे ।  

रोहित बाहेक नेपालको लागि आरिफ शेखले ४१, दिपेन्द्र सिंह ऐरीले २४, देव खनालले १९, सुनिल धमलाले १३, करण केसीले १२ रन बनाए भने अन्य बलरहरुले दोहोरो अंकमा रन निकाल्न सकेनन् । कुशल भुर्तेल एक, बिनोद भण्डारी चार, सुशन भारी पाँच तथा सागर ढकाल दुई रन जोड्दै पेभेलियन फर्किए भने किशोर महतो आठ रनमा अविजित रहे ।

ह्युस्टनका मोहम्मद इलियासले १० ओभरमा ६४ रन दिएर सर्वाधिक पाँच विकेट लिए भने हर्मित सिंहले दुई तथा हसन रसिदले पनि आफ्नो नाममा एक विकेट दर्ता गराए ।

ह्युस्टनको लागि पाँचौं नम्बरमा ब्याटिङ गर्न आएका निनाद निम्बालकरले ८१ बल खेल्दै १२ चौका र दुई छक्का सहित आक्रामक ९९ रन बनाए पनि आफ्नो टोलीलाई जित भने दिलाउन सकेनन् । त्यस बाहेक रामिज राजाले २९, गौरव बजाजले १५, उस्मान रफिकले १२ तथा नितिश कुमारले १० रनको पारी खेले ।

निम्बालकरलाई ९९ रनमा नै रोक्दै नेपाललाई जित दिलाउन उल्लेख्य भूमिका खेलेका सोमपाल कामीले आठ दशमलब तीन ओभरमा ३८ रन दिएर सर्वाधिक पाँच विकेट हात पारे । त्यस बाहेक किशोर महतो र सागर ढकालले समान २-२ तथा करण केसीले एक विकेट हात पारे ।   

Continue Reading

Headline

नव प्रवेशी गुजरातले चुम्यो आईपीएलको उपाधि 

Published

on

कप्तान हार्दिक पान्ड्या बल र ब्याट दुवैबाट चम्किए पछि पहिलो सिजनको विजेता राजस्थान रोयल्स माथि सात विकेटको सहज जित निकाल्दै नव प्रवेशी गुजरात टाइटान्सले १५ औँ संस्करणको इन्डियन प्रिमियर लिग (आईपीएल) को उपाधि चुमेको छ ।

अहमदाबादमा सम्पन्न फाइनलमा टस जितेर पहिले ब्याटिङ गरेको राजस्थानले नौ विकेटको नोक्सानीमा १३० रन मात्र जोड्न सक्यो भने गुजरातले तीन विकेट गुमाएर ११ बल अगावै जित दर्ता गर्यो ।    

पहिलो पटकमा नै गुजरातलाई उपाधि दिलाउने क्रममा खेलको प्लेयर अफ द म्याच घोषित पान्ड्याले चार ओभरमा १७ रन खर्चिएर सर्वाधिक तीन विकेट लिए भने ३० बलमा तीन चौका र एक छक्का सहित ३४ रनको योगदान दिए ।

गुजरातको जितमा ओपनर शुबमन गिलले ४३ बलमा अविजित ४५ तथा डेविड मिलरले आक्रामक पारी खेल्दै १९ बलमा तीन चौका र एक छक्का सहित अविजित ३२ रनको पारी खेले । ओपनर रिद्दिमन साह पाँच तथा तेश्रो नम्बरमा ब्याटिङ गर्न आएका म्याथ्यु वेड आठ रनमा आउट हुँदा खराब सुरुवात गरेको गुजरातको लागि पान्ड्यागिलले ५३ बलमा ६३ तथा मिलरगिलले २९ बलमा अविजित ४७ रन जोड्दै उपाधि दिलाए ।

यस अघि पान्ड्या बाहेक रविश्रीनिवासन साई किशोरले दुई तथा रशिद खान, यश दयाल र मोहम्मद शामीले समान १-१ विकेट निकाल्दा राजस्थान सस्तोमै समेटिन पुग्यो ।

राजस्थानको लागि जस बटलरले सर्वाधिक ३९, यशस्वी जैसवालले २२, रियान परागले १५, कप्तान सन्जु सामसनले १४ तथा शिम्रोन हेटमायरट्रेन्ट बोल्टले समान ११-११ रन जोडे भने अन्य ब्याटरले दोहोरो अंकमा रन जोड्न नसक्दा फाइनलमा ठुलो योगफल जोड्न सकेन ।  

Continue Reading

Headline

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Published

on

२०१८ को च्याम्पियन्स लिगमा रियल म्याड्रिडले च्याम्पियन्स लिग जित्दा लिभरपुलको पोस्टमा एकपछि अर्को खराब प्रदर्शन गरेका लोरिस केरियस नकारात्मक चर्चामा थिए ।

स्पेनिस महारथीले एक पटक फेरि पेरिसमा प्रिमियर लिग क्लबलाई युरोपको सबैभन्दा ठूलो क्लब प्रतियोगिताको फाइनलमा पराजित गर्दा एक पटक फेरि गोलकिपरकै चर्चा चुलियो । तर यसपटक उत्कृष्ट खेल पस्केका रियलका बेल्जियन गोलकिपर थिबाउ कोर्टुवाको ।

कोर्टुवाले एक पछि अर्को गर्दै उत्कृष्ट बचाउहरु गरेपछि रियलले लिभरपुललाई १–० ले पराजित गर्दै किर्तिमानी १४ औं पटक च्याम्पियन्स लिगको उपाधि उचाल्यो ।

“जब कुनै खेलमा गोलकिपर म्यान अफ द म्याच हुन्छन् तब अर्को टोलीमा समस्य छ भनेर बुझ्दा हुन्छ,” लिभरपुल व्यवस्थापक योर्गन क्लोपले भने । स्टाड डि फ्रान्समा एक घन्टाको खेल पुरा हुनु अघि भिनिसियस जुनियरले निर्णायक गोल गरेपनि रियलको जित कोर्टुवाबिना सम्भव नै थिएन ।

खेल अवधिभर कुल नौं बचाउ गरेका कोर्टुवाको उत्कृष्ट बचाउहरुमा मोहम्मद सलाहको प्रहारलाई सशक्त ढँगले रोक्नु थियो भने शुरुवातमै सादियो मानेको सटलाई बचाउ गर्नु थियो । “सबैभन्दा निर्णायक मानेबिरुद्धको बचाउ थियो । मैले उनलाई रोक्न आफ्नो दुई मिटरको प्रयोग गर्दै केही सेकेण्डमै रिबाउन जोगाउनु पर्ने चुनौति पनि थियो,” कोर्टुवाले खेलपछि भने ।

केभिन डि ब्रुनसँगै बेल्जियन टोली गेन्कमा घरेलु उपाधि उचालेका ३० बर्षिय कोर्टुवाले आफ्नो करिअरमा ठूला उपलब्धिहरु हात पारिसकेका छन् । उनले एट्लेटिको म्याड्रिड, चेल्सी र रियलबाट स्पेन र इंगल्याण्डको घरेलु लिग जितेका छन् एट्लेटिकोबाट युरोपा लिग पनि जितिसकेका छन् ।

Continue Reading
Headline2 weeks ago

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Headline3 weeks ago

नव प्रवेशी गुजरातले चुम्यो आईपीएलको उपाधि 

Headline3 weeks ago

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Headline4 weeks ago

बेंगलोरलाई पाखा लगाउँदै राजस्थान दोश्रो पटक आईपीएलको फाइनल 

Headline4 weeks ago

पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा 

Headline4 weeks ago

बढ्यो नेपाली खेलाडीको तलब 

Headline4 weeks ago

मिलरले अन्तिम ओभरमा लगातार तीन छक्का प्रहार गर्दा गुजरात आईपीएलको फाइनलमा 

Headline4 weeks ago

अर्थहीन खेलमा हैदराबाद माथि पन्जाबको शानदार जित 

Headline4 weeks ago

अमेरिका जाने नेपाली टोलीलाई अमेरिकी राजदूतावास र क्यानको बिदाई 

Headline4 weeks ago

नाटकीय जित निकाल्दा सिटीलाई प्रिमियर लिगको उपाधि, लिभरपुलको क्वाड्रपल जित्ने सपना अधुरै 

Headline4 weeks ago

अमेरिका भ्रमणमा नेपालले दुई अभ्यास खेल खेल्ने 

Headline1 month ago

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Headline1 month ago

शृंखला गुमाएको नेपालको अन्तिम खेलमा शानदार जित 

Headline1 month ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline1 month ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline1 month ago

रोहितलाई उपकप्तानको जिम्मेवारी 

Headline1 month ago

घरेलु मैदानमा खेलेको पहिलो शृंखला नै गुमायो नेपालले  

Headline1 month ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline1 month ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline1 month ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline2 weeks ago

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Headline3 weeks ago

नव प्रवेशी गुजरातले चुम्यो आईपीएलको उपाधि 

Headline3 weeks ago

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Headline4 weeks ago

बेंगलोरलाई पाखा लगाउँदै राजस्थान दोश्रो पटक आईपीएलको फाइनल 

Headline4 weeks ago

पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा 

Headline4 weeks ago

बढ्यो नेपाली खेलाडीको तलब 

Headline4 weeks ago

मिलरले अन्तिम ओभरमा लगातार तीन छक्का प्रहार गर्दा गुजरात आईपीएलको फाइनलमा 

Headline4 weeks ago

अर्थहीन खेलमा हैदराबाद माथि पन्जाबको शानदार जित 

Headline4 weeks ago

अमेरिका जाने नेपाली टोलीलाई अमेरिकी राजदूतावास र क्यानको बिदाई 

Headline4 weeks ago

नाटकीय जित निकाल्दा सिटीलाई प्रिमियर लिगको उपाधि, लिभरपुलको क्वाड्रपल जित्ने सपना अधुरै 

Headline4 weeks ago

अमेरिका भ्रमणमा नेपालले दुई अभ्यास खेल खेल्ने 

Headline1 month ago

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Headline1 month ago

शृंखला गुमाएको नेपालको अन्तिम खेलमा शानदार जित 

Headline1 month ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline1 month ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline1 month ago

रोहितलाई उपकप्तानको जिम्मेवारी 

Headline1 month ago

घरेलु मैदानमा खेलेको पहिलो शृंखला नै गुमायो नेपालले  

Headline1 month ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline1 month ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline1 month ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Trending

error: Content is protected !!