Connect with us

Headline

रोहित र राहुलको शतकमा भारतको फराकिलो जीत

wesportz

Published

on

रोहित शर्मा र केएल राहुलको शतकको मद्धतमा घरेलु टोली भारतले दोश्रो एकदिवशीय खेलमा वेस्ट इण्डिजलाई १०७ रनको फराकिलो अन्तरले पराजित गरेको छ । पहिलो खेलमा आठ विकेटको पराजय भोगेको भारतले तीन खेलको शृंखला १-१ को स्थितीमा पुर्याएको छ ।

३८८ को विशाल लक्ष्य लिएर ब्याटिंगमा ओर्लिएको वेस्ट इण्डिजले ४३ दशमलब तीन ओभरमा आफ्ना सबै विकेट गुमाएर मात्र २८० रन बनाउन सक्यो ।

आजको खेलमा जीत हात पार्दै शृंखला माथि कब्जा जमाउने दाउमा रहेको वेस्ट इण्डिजले मध्यम शुरुवात गर्यो ।११ ओभरमा ६१ रनको स्थितीमा ओपनर एविन लेविस (३५ बलमा ३० रन) लाई गुमाएको वेस्ट इन्डिजले त्यस पछि आएका शिम्रोन हेट्मेयर र रोस्टन चेजलाई समान ४-४ गुमायो ।

८६ रनमा तीन विकेट गुमाएको अवस्थमा ओपनर शे होप र निकोलस पुरणले वेस्ट इण्डिजको पारी सम्हाले । अर्धशतक प्रहार गरेका दुबै मिलेर चौथों विकेटका लागि १०६ रन जोड्दै वेस्ट इण्डिजलाई जीत तर्फ अग्रसर गराए । ४७ बलको सामना गर्दै आक्रमक ७५ रन बनाएका पुरण तथा ८५ बल खेल्दै सात चौका र तीन छक्काको मद्धतमा ७८ रन बनाएका होप आउट भए पछि अन्य ब्याट्सम्यानहरुको राम्रो योगदान पाउन नसक्दा वेस्ट इण्डिज फराकिलो हारको सामना गर्न बाध्य भयो ।

भारतलाई जीत दिलाउने क्रममा कुलदिप यादव र मोहम्मद शामीले सामना ३-३ विकेट हात पारे भने रविन्द्र जडेजाले पनि दुई विकेट लिए । कुलदिपले आफ्नो ह्यट्रिक पनि पुरा गरे । उनले ३२.४, ३२.५ तथा ३२.६ ओभरमा क्रमसः शे होप, जेसन होल्डर र अल्ज़ारी जोसेपको विकेट निकाल्दै एकदिवसीय खेल जीवनको आफ्नो दोश्रो ह्यट्रिक पुरा गरेका हुन् ।

यस अघि खेलमा खेलमा टस हारेर पहिले ब्याटिंग गरेको भारतले पुरै ५० ओभर खेल्दै पाँच विकेटको नोक्सानीमा ३८७ रनको विशाल योगफल खडा गर्यो ।

भारतको लागि ओपनरद्वय रोहित शर्मा र केएल राहुल दुबैले शतकिय पारी खेले । भारतको लागि सर्वाधिक रन बनाएका रोहितले १५९ रन प्रहार गरे । १३८ बलको सामना गरेका उनले १७ चौका र पाँच छक्का प्रहार गरे । त्यस्तै एकदिवसीय खेलमा आफ्नो तेश्रो शतक प्रहार गरेका राहुलले १०४ बल खेल्दै आठ चौका र तीन छक्काको मद्धतमा १०२ रनको पारी खेले । शृंखलालाई बराबरीमा पुर्याउन आजको खेल जीत्नै पर्ने अवस्थामा रोहित र राहुलले पहिलो विकेटका लागि ३७ ओभरमा २२७ रनको शाझेदारी गर्दै भारतलाई विशाल योगफल तर्फ लग्न सफल भए ।

राहुलको विकेटको पतन पछि आएका कप्तान कोहलीले रनको खाता पनि खोल्न सकेनन् । गोल्डेन डकआउट भएका कोहली कैरन पोलार्डको शिकार भए ।

त्यस पछि आएका श्रेयस ऐयर र विकेट किपर ब्याट्सम्यान रिशब पन्तले भारतको पारी सम्हाले । चौथों नम्बरमा आएका श्रेयसले ३२ बलमा तीन चौका र चार छक्काको मद्धतमा ५३ रन जोडे भने पन्तले श्रेयस जती नै चौका र छक्का प्रहार गर्दै १६ बलमा ३९ रनको योगदान दिए । केदार जाधवले पनि १० बलमा अविजित १६ रन बनाए ।

तेश्रो तथा निर्णायक खेल आइतबार कटकमा हुनेछ ।

Click to comment

Leave a Reply

Your email address will not be published. Required fields are marked *

Headline

पारसको ब्याट प्रायोजकमा चर्चित एडिडास

wesportz

Published

on

नेपाली राष्ट्रिय क्रिकेट टोलीका पुर्व कप्तान पारस खड्कालाई चर्चित खेलकुद सामग्री निर्माता एडिडासले क्रिकेट सामग्री प्रायोजन गर्ने भएको छ । पारसले एडिडासको भारतको आधिकारिक बिक्रेता ईएन स्पोर्ट्ससँग एक बर्षे सम्झौता गरेका हुन् ।

गत बर्ष आबु धाबीमा आयोजना भएको आबु धाबी टि-१० लिगका क्रममा नै प्रायोजन गर्ने विषयमा छलफल सुरु भएको भए पनि कोरोनाका कारणले गर्दा सम्झौता हुन ढिला भएको पारसले विस्पोर्टज्लाई बताए । ईएन स्पोर्ट्स टिम आबु धाबीको क्लोदिङ्ग पार्टनर हो ।

सम्झौता अनुसार पारसले एक बर्ष सम्म एडिडासको क्रिकेट किट्सहरु प्रयोग गर्ने छन् भने उनलाई आवस्यक पर्ने सबै सामग्री ईएन स्पोर्ट्सले प्रदान गर्नेछ ।

करिब सात बर्ष एसएमको ब्याट प्रयोग गरेका पारसले पछिल्लो समय ट्वीस्टरको ब्याट प्रयोग गर्ने गरेका थिए ।

पारस जारी प्रधानमन्त्री कप राष्ट्रिय क्रिकेट प्रतियोगितामा बागमती प्रदेशका लागि दुई खेल खेले पछि सन् २०२१ संस्करणको आबु धाबी टि-१० लिगका लागि त्यस तर्फ उड्ने छन् । गत बर्ष टिम आबु धाबीको तर्फबाट खेलेका पारस यस सिजन भने मेन्टरको भूमिकामा रहेका छन् ।

यस सिजन पारस बाहेक तिब्र गतिका बलरहरु सोमपाल कामी र करण केसी तथा युवा अलराउण्डर कुशल मल्ल पनि आबु धाबी टि-१० लिगमा आबद्ध भएका छन् ।

यस सिजनको प्रतियोगिता जनावरी २८ तारिखबाट सुरु हुँदैछ ।

Continue Reading

Headline

अष्ट्रेलियाबिरुद्ध भारत ३ सय ७ रनले पछाडी

wesportz

Published

on

अष्ट्रेलियाबिरुद्धको तेश्रो तथा अन्तिम टेस्टको दोश्रो दिन भारत ३ सय ७ रनले पछाडी परेको छ । बर्षाले प्रभावित दोश्रो दिनमा घरेलु टोलीले पाँच विकेटको क्षतिमा २ सय ७४ रनबाट अघि खेल्दै ३ सय ६९ रनमा अल आउट भयो ।

पहिलो दिन मार्नस लबुसानले शतक बनाउदै बलियो स्थितिमा पुगेको अष्ट्रेलियाले दोश्रो दिन भने धेरै रन जोड्न सकेन । कप्तान टिम पेनले क्यामरुन ग्रिनसँग ९८ रनको साझेदारी गरेपछि अष्ट्रेलिया ३ सय ५० रन कटाउन सफल भएको थियो ।

पेनले ५० रन बनाए भने ग्रिनले ४७ रन जोडेका थिए । भारतका लागि टि नटराजन, शार्दुल ठाकुर र वाशिँगटन सुन्दरले ३–३ विकेट लिएका थिए ।

शनिबार नै दोश्रो इनिङ्ग शुरु गरेको भारतले दुई विकेटको क्षतिमा ६२ रन बनाउदा बर्षाका कारण खेल रोकिन पुग्यो । लगातार बर्षा भएपछि खेल दोश्रो दिनको अधिकांश समय खेल हुन पाएन ।

भारतका लागि ओपनर रोहित शर्माले ४४ रन बनाए । अष्ट्रेलियाका लागि नथान लायोन र प्याट कमिन्सले १–१ विकेट लिएका थिए ।

Continue Reading

Headline

अविनाशको घातक बलिङ्गपछि प्रदेश १ को एपिएफसँग लज्जास्पद हार

wesportz

Published

on

अविनाश बोहोराले पाँच विकेट लिएपछि प्रदेश १ ले प्रधानमन्त्री कप राष्ट्रिय एकदिवसीय क्रिकेट प्रतियोगितामा नेपाल एपिएफ क्लबसँग १ सय ३५ रनको लज्जास्पद हार ब्यहोरेको छ ।

त्रिवि क्रिकेट मैदानमा जितका लागि २ सय ४४ रनको चुनौतिपूर्ण लक्ष्य पछ्याउने क्रममा प्रदेश १ ४२ दशमलव चार ओभरमा १ सय ७ रनको झिनो योगफलमै समेटियो । आसिफ शेखको छरितो अद्र्धशतकसँगै मिडल अर्डरको उल्लेखनीय योगदानमा पहिलो ब्याटिङ्ग गरेको एपिएफले ४८ दशमलव ४ ओभरमा अल आउट हुदै २ सय ४३ रन बनाएको थियो ।

अविनाशले घातक बलिङ्ग गर्दै १० ओभरमा ६ मेडन राख्दै मात्र १८ रनको खर्चमा पाँच विकेट लिएपछि बिराटनगर प्रतियोगिताकै कम योगफलमा समेटिएको थियो । यस्तै निकै कसिलो बलिङ्ग गरेका भेटेरान बाया हाते स्पिनर बसन्त रेग्मीले १० ओभरमा तीन मेडन राख्दै मात्र १३ रनको खर्चमा दुई विकेट लिएका थिए ।

प्रदेश १ का लागि मिनास थापा (१८), दिपेश कँडेल (१६), फिर्दोस अन्सारी (१७), दिपक पासवान (१३) र जोसक खड्का (१२) ले दोहोरो अंकमा रन जोडेका थिए ।

यसअघि आसिफले आक्रमक अद्र्धशतक प्रहार गर्दै छरितो शुरुवात दिलाएपनि एपिएफले त्यसलाई ठूलो योगफलमा बदल्न सकेको थिएन । २९ बलमै अद्र्धशतक पुरा गरेका आसिफले पहिलो विकेटका लागि सुभाष खकुरेल (१९) सँग ९ ओभरभित्रै ७१ रन जोडेका थिए ।

आसिफले ३२ बलमा ५९ रन बनाए । सोनु मण्डललाई एकै ओभरमा २१ रन प्रहार गरेका उनले पाँच छक्का र ६ चौका प्रहार गर्दै ३२ बलमा ५९ रन जोडेका थिए ।

आसिफको विकेट पतनपछि भने प्रदेश १ ले एपिएफलाई खुलेर खेल्न दिएन । १ सय २६ रनमै पाँच विकेट गुमाएको एपिएफलाई बसन्तले सन्दिप जोरासँग ६६ रनको साझेदारी गर्दै केही गति दिएका थिए । बसन्तले ५२ बलमा चार चौका र दुई छक्काको मद्दतमा ४० रन बनाए ।

जोराले ३९ बलमा चार चौकाको मद्दतमा ३० रन जोडेका थिए । प्रदेश १ का लागि फिर्दोस अन्सारी, दिपेश कँडेल, हेमन्त राइ र श्रवण यादवले दुई–दुई विकेट लिएका थिए ।

Continue Reading
राष्ट्रिय3 hours ago

बागमती प्रदेशका खेलाडीलाई पुरस्कार नै पुरस्कार

Headline4 hours ago

पारसको ब्याट प्रायोजकमा चर्चित एडिडास

Headline7 hours ago

अष्ट्रेलियाबिरुद्ध भारत ३ सय ७ रनले पछाडी

Headline7 hours ago

अविनाशको घातक बलिङ्गपछि प्रदेश १ को एपिएफसँग लज्जास्पद हार

राष्ट्रिय8 hours ago

ज्ञानेन्द्र प्रदेश खेलकुद विकास परिषदको सदस्य नियुक्त 

Headline9 hours ago

एपिएफले प्रदेश १ लाई दियो चुनौतिपूर्ण लक्ष्य

Headline16 hours ago

प्रिमियर लिग आज: स्थगित डर्बीमा चेल्सी विरुद्ध फुलह्याम खेल्दै र लेस्टर विरुद्ध साउथह्याम्प्टनको खेल हुँदै

Headline1 day ago

बिनोद भण्डारीको शतक भिडियो हाइलाइट्समा

Headline1 day ago

रत्नजित, प्रिन्स, प्रफुल, दिपेश सेमिफाइलनमा

Headline1 day ago

आर्मीबिरुद्धको हारमा गण्डकीको सम्मानजक प्रदर्शन

Headline4 weeks ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline8 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending