Connect with us

Headline

च्याम्पियन्स लिग अन्तिम १६ः कसले मार्ला त बाजी ?

wesportz

Published

on

मन्च जमिसकेको छ, खेलाडीहरु तमतयार भईसकेका छन् र समर्थकबीच घम्सा–घम्सी पनि शुरु भईसकेको छ । मात्र सुरु हुन बाँकी छ त च्यम्पियन्स लिग प्रि–क्वार्टरफाइनलका खेलहरु ।

युएफाले सोमबार निकलेको अन्तिम १६ को ड्र ले निकै रोमञ्चक खेलहरु पस्कने पक्का भएको छ । संसारकै उत्कृष्ट क्लबहरु बिच हुने यो प्रतियोगितामा पगलपन को कुनै सिमा हुँदैन । ड्र भए लगतै सबै भन्दा चर्चा पएको खेल थियो १३ औ पटकको चम्पियन्स लिग बिजेता रियाल म्यड्रिड र इङ्ल्यान्डको महरथी म्यन्चेस्टर सिटीबीच हुने महायुद्धले ।

बायर्न म्युनिखविरुद्ध चेल्सी, डर्टमन्डविरुद्ध पिएसजी र एट्लेटिकोविरुद्ध लिभरपुल पनि उत्तिकै रोमाञ्चक हुने आकलन गरिएको छ । यिनै खेलहरु कस्तो हुने छन भनेर हामीले भविष्यवाणी समेत गरेका छौ ।

बोरुसिया डर्टमन्ड–पेरिस सेन्ट जर्माइन

चम्पियन्स लिग अन्तिम १६ को पहिलो टाइ मनिएको यो खेल निकै रोमन्चक हुने देखिन्छ । आफ्नो पूर्व ब्यस्थापक थोमस टुचेलसँग परेको खेललाई डर्टमन्डले अवश्य पनि सजिलो ठन्ने भने छैन । धेरै जसो खेलाडी टुचेलकै प्रशिक्षण कालका छन् र यसले उनलाई पनि भरपुर फाइदा पुग्ने छ ।

धेरै जसो एउटै लयमा देखिने पिएसजीलाई भने कम नै दवाब हुने छ । डर्टमन्ड भन्दा लिगमा निकै राम्रो प्रदर्शन गरिरहेको पिएसजीलाई यो खेलको मुख्य दबेदार मान्न सकिने छ । तर पनि च्यम्पियन्स लिगमा के हुन्छ भन्न सकिदैन । पहिलेको सिजनको दोस्रो लेगमा म्यनचेस्टर युनाइटेडको हात बाट नमिठो हार बेहोरेको पिएसजीले अहिले नै खुशी मनाई हाल्नुपर्ने स्थिति भने छैन ।

हाम्रो अनुमानः डर्टमन्ड १–३ पिएसजी

रियल म्यड्रिड–म्यान्चेस्टर सिटी

सिजनकै ठूलो खेल मानिएको यो भिडन्तमा ठ्याक्कै कसले बाजी मार्ला भन्न गाह्रो छ । १३ पटकको बिजेता रियलविरुद्ध उत्रन लागेको प्रिमियर लिग सहित तीन ट्रफीको बिजेता म्यान्चेस्टर सिटीलाई रियल सँगको खेल कठिन त हुने नै छ ।

यो खेललाई पेप ग्वार्डियोला भर्सेज जिनेदिन जिदान भन्दा फरक नपर्ला । ग्वार्डियोलाको खेल शैली मात्र बुझ्न सके रियलले सिटीसँग फाईदा उठाउने निश्चित देखिन्छ । यता एडेन हजार्ड र सिटीका डि ब्रुनबीचको भिडन्तमा खेल कता जला भन्न सकिन्न । तर पनि म्यान्चेस्टर सिटी भन्दा रियलको क्षमता बलियो देखिन्छ ।

हाम्रो अनुमानः रियल म्यड्रिड ३–२ म्यान्चेस्टर सिटी

भ्यालेन्सिया–एटलान्टा

तेस्रो ड्र को रुपमा रहेको यो खेललाई कम फुटबल प्रेमीले नै रुचाउलान । यो खेल च्यम्पियन्स लिगकै सबै भन्दा उत्तम ड्र भन्दा फरक नपर्ला । भ्यालेन्सियाले समुह चरणमा उतार–चढावपूर्ण यात्रा तय गर्दै अघि बढेको थियो । आयाक्सलाई हराउदै समुह चरण पार गरेको भ्यालेन्सियालाई सामान्य प्रतिद्वन्दी भने परेको छैन ।

अन्तिमको दुई खेलमा उत्कृष्ट प्रदर्शन गरेको एटलान्टाले सिटीलाई बराबरीमा रोक्न सफल भएको थियो । एसी मिलनले च्यम्पियन्स लिग गुमाउने भएपछि मिलानको स्थानमा आएको एटलान्टामा आत्मबिश्वासको कमि भने छैन ।

हाम्रो अनुमानः भ्यालेन्सिया १–२ एटलान्टा

एट्लेटिको म्यड्रिड–लिभरपुल
यस सिजनको अर्को ठूलो खेल मानिएको यो खेलमा लिभरपुल हावी हुने देखिन्छ । उत्कृष्ट फर्ममा रहेको लिभरपुलले प्रिमियर लिगमा एउटा पनि खेल हारेको छैन । च्यम्पियन्स लिगमा भने एक खेलमा पराजय भोगेको लिभरपुलले एट्लेटिकोबिरुद्ध पनि त्यो लयलाई निरन्तरता दिन सक्छ । उता एट्लेटिको भने आफ्नो स्टार खेलडी जाओ फेलिक्स चम्कियोस भन्ने चाहन्छ । दुवै तर्फ युवा खेलडीले भरिएको टोलीमा बाजी भने लिभरपुलकै पक्षमा जाला या नजाला यसैमा सबैको ध्यान केन्द्रित रहनेछ ।

हाम्रो अनुमानः एट्लेटिको म्यड्रिड १–४ लिभरपुल

चेल्सी–बायर्न म्युनिख
सन् २०१२ को च्याम्पियन्स लिग फाईनलमा बायर्नलाई चेल्सीले नमिठो पराजयको स्वाद चखाएको थियो । त्यही हार बिर्साउन भए पनि बायर्नले यो खेलमा आफ्नो सम्पूर्ण बल लगाउनेछ । बुन्डेसलिगामा केही खस्किएको प्रदर्शन गरेको बायर्नले चेल्सीलाई कस्तो टक्कर देला यो त खेलको नतिजाले नै बताउने छ ।

प्रिमियर लिग सिजनमा खासै प्रभावशाली प्रदर्शन गर्न नसके पनि व्यवस्थापका फ्रांक लाम्पार्डले भने यो खेललाई शत प्रतिशत नतिजा ल्याउन भरपुर कसरत गर्नेछन् । युवा खेलाडीले भारिएको चेल्सीलाई बायर्नले पनि कडा टक्कर दिने देखिन्छ ।

हाम्रो अनुमानः चेल्सी ३–२ बायर्न म्युनिख

लियोन–युभेन्टस
इटालियन महारथी र क्रिश्चियनो रोनाल्डोको युभेन्टसलाई भने तुलनात्मक रुपमा कमजोर प्रतिद्वन्दी परेको छ । समुह चरणमा खासै प्रदर्शन नगरे पनि लियोनले अन्तिम १६ मा भने स्थान बनाउन सफल भएको थियो । फ्रेञ्च लिग वान र चोटका करण आफ्नो मुख्य खेलाडी मेमपिस डेमपेलाई गुमाएको लियोनलाई युभेन्टसबिरुद्ध गाह्रो हुने देखिन्छ । युभेन्टसलाई भने आफ्नो साख जोगाउन भए पनि यो खेलमा उत्कृष्ट प्रदर्शन गर्दै क्वार्टर फाइनल प्रवेश गर्नुपर्ने दवाब रहेको देखिन्छ ।

हाम्रो अनुमानः लियोन १–४ युभेन्टस

टोटनह्याम हट्स्पर–आरबि लाइपजिग

नयाँ ब्यबस्थापक होजे मौरिन्होको आगमनसँगै छुट्टै उर्जाका साथ खेलिरहेको टोटन्ह्यमले आफु सरहको प्रतिद्वन्दी पाएको हो भन्दा फरक नपर्ला । स्टार खेलाडी कम नै भए पनि यो खेल धेरै रोमन्चक हुनेमा बिश्वस्त रहदा हुन्छ । आक्रमक फुटबल अपेक्षा गर्न सकिने यो खेल कमै मात्र फुटबलप्रेमीहरुले छुट्टाउलान । झन बुन्डेसलिगा हेर्ने समर्थकले यो खेललाई अझै नजिक बाट बुझ्ने छन । यो खेलमा बाजी कस्ले मर्ला भनेर ठम्याउन नै नसके पनि आरबि लाइपजिग सबै को नजरमा हुने छ ।

हाम्रो अनुमानः टोटन्ह्याम हट्स्पर ३–४ आर बि लाइपजिग

नापोली–बार्सिलोना
जब हरेक बर्ष अन्तिम १६ को ड्र निस्क्ने गर्छ सबै को आँखा बर्सिलोनाको भिडन्त को सँग हुनेमै धेरैको ध्यान हुने गर्छ । लगातार चार च्यम्पियनस लिग सिजनमा जितिसकेको स्थितिबाट हार्न पुगेको यो टिम यस पटक पनि त्यही भय मा रहने छ । २०१७–१८ को च्यम्पियन्स लिग सिजनमा रोमासँग दोस्रो लेगमा परजय भोग्दा अन्तिम समयमा गोल गर्ने खेलाडी काटोस मोनोलास यस सिजन नापोली पुगेका छन । एकातर्फ नापोलीको भय त छदै छ फेरी मोनोलसले बार्सालाई तर्साउन बेर छैन ।

भर्खर आफ्नो ब्यबस्थपकलाई बर्खास्त गरेको नापोलीले त्यही पुराना भालभर्डेको बर्सिलोनासँग खेल्ने छ । नापोलीलाई अरु भन्दापनी मेस्सीकै भय हुनेछ । त्यसका लागि नापोली अवश्य सचेत हुने छ ।

हाम्रो अनुमानः नापोली ३–२ बर्सिलोना

(प्रस्तुतीः गौरव फुयाल)

Click to comment

Leave a Reply

Your email address will not be published. Required fields are marked *

Headline

आयरल्याण्डका क्याम्फरले चार बलमा चार विकेट लिदै गरे सनसनीपूर्ण प्रदर्शन

wesportz

Published

on

आयरल्याण्डका मिडियम फास्ट बलर कर्टिस क्याम्फरले जारी ट्वान्टी ट्वान्टी बिश्वकपमा नेदरल्याण्ड्सबिरुद्ध चार बलमा चार विकेट लिदै किर्तिमानी प्रदर्शन गरेका छन् ।

ट्वान्टी ट्वान्टी बिश्वकपमा चार बलमा चार विकेट लिने उनी एक मात्र खेलाडी भएका छन् भने ट्वान्टी ट्वान्टी अन्तर्राष्ट्रियमा सो उपलब्धि हात पार्ने उनी बिश्वका तेश्रो बलर बनेका छन् । उनी आयरल्याण्डका लागि अन्तर्राष्ट्रिय ह्याट्रिक लिने पहिलो खेलाडी भने बनेका छन् ।

अबु धाबीमा जारी समुह ए को खेलको १० औं ओभरमा बलिङ्ग गर्न आएका क्याम्फरले कोलिन एकरम्यानलाई विकेटकिपर निल रकको हातबाट क्याच आउट गराउदै पहिलो विकेट लिए । त्यसपछि उनले अनुभवी रायन टेन डोस्काटे र स्कट एडवार्ड्सलाई एलबिडब्लु धरापमा पार्दै ह्याट्रिक पुरा गरेका थिए ।

चौथो विकेटको रुपमा उनले पुर्व दक्षिण अफ्रिकी खेलाडी तथा अर्का अनुभवी अलराउण्डर रुलोफ भान डर मर्वलाई बोल्ड गरेका थिए ।

ट्वान्टी अन्तर्राष्ट्रिय पहिलो पटक चार बलमा चार विकेट श्रीलंकन फास्ट बलर लसिथ मालिंगाले लिएका थिए । उनले न्युजिल्याण्डबिरुद्धको श्रृंखलामा यो उपलब्धि हात पारेका हुन् । यस्तै अफगान लेग स्पिनर रसिद खानले आयरल्याण्डबिरुद्ध भारतमा भएको श्रृंखलामा चार बलमा चार विकेट लिएका थिए ।

५१ रनमा दुई विकेटको अवस्थामा रहेको नेदरल्याण्ड्स क्याम्फरको घातक बलिँगसँगै २० ओभरमा अलआउट हुँदै मात्र १ सय ६ रन बनायो । नेदरल्याण्ड्सका लागि म्याक्स ओ डाउडले ४७ बलमा ७ चौकाको मद्दतमा सर्वाधिक ५१ रन बनाए ।

५१ रनमै ६ विकेट गुमाएको नेदरल्याण्ड्सलाई उनले कप्तान पिटर सेलारसँगको ३७ रनको साझेदारीमा तीन अंकको योगफल नघाउन सघाएका थिए । सेलारले २९ बलमा २१ रन बनाए । क्याम्फर बाहेक निकै कसिलो बलिँग गरेका मार्क अडेयर चार ओभरमा मात्रै ९ रन खर्चेर तीन विकेट लिएका थिए ।

नेदरल्याण्ड्सले अडेयरले गरेको अन्तिम ओभरको अन्तिम तीन बलमा तीन विकेट गुमाएको थियो ।

Continue Reading

Headline

साफ उपबिजेता नेपाली टोलीको बिमानस्थलमा भब्य स्वागत

wesportz

Published

on

साफ च्याम्पियनसिपको २८ बर्षे फुटबल इतिहासमा पहिलो पटक फाइनल पुगेको नेपाली टोलीको त्रिभुवन बिमानस्थलमा भब्य स्वागत गरिएको छ ।

नेपाली टोली सोमबार बिहान काठमाडौं आइपुगेको हो । शनिबार साफ च्याम्पियनसिप फाइनलमा नेपाल चीर प्रतिद्वन्दी भारतसँग ३–० ले पराजित भएको थियो । हारसँगै नेपाली टोली आफ्नो फुटबल इतिहासकै ठूलो मध्येको एक उपाधिबाट बञ्चित भएपनि ऐतिहासिक फाइनल खेल्न सफल भएको थियो ।

सयौंको संख्यामा नेपाली फुटबल समर्थकहरुले स्वागत गरेको नेपाली टोलीलाई बिमानस्थलमा लिन युवा तथा खेलकुद मन्त्री महेश्वर गहतराज पनि पुगेका थिए । उनले नेपाली फुटबललाई अझै उचाईमा पुर्याउन सरकारको रुपमा सहयोगन गर्ने आश्वासन पनि दिए ।

समर्थकहरुले प्रशिक्षक अब्दुल्लाह अल्मुताइरीको पक्षमा नारा पनि लगाएका थिए । भारतबिरुद्धको फाइनल नेपाली राष्ट्रिय टोलीका लागि आफ्नो अन्तिम हुने बताएका अब्दुल्लाह माल्दिभ्सबाट सिधै कुवेत फर्किसकेका छन् ।

तेश्रो पटक आफूले नेपाल छोड्न गइरहेको घोषणा गरेका अब्दुल्लाहको नेपालसँगको सम्झौता अक्टोबर २३ मा समाप्त हुदैछ ।

नेपाली टोलीको स्वागतमा नेपाली सेनाले मंगल धुन पनि बजाएको थियो । नेपालले उपबिजेताको हैसियतमा २५ हजार डलर पुरस्कार पाएको थियो ।

Continue Reading

Headline

अगुएरोले बार्सिलोनाको लागि डेब्यु गर्दा काउटिन्होको ११ महिनामा पहिलो गोल

wesportz

Published

on

अर्जेन्टिनी स्टार सर्जियो अगुएरोले लामो पर्खाइपछि बार्सिलोनाको लागि डेब्यु गर्दा ब्राजिलियन फिलिपे काउटिन्होले ११ महिनामा क्लबका लागि पहिलो गोल गरेका छन् ।

आइतबार सातौं स्थानमा उक्लने क्रममा यो सिजन खराब शुरुवात गरेको बार्सिलोनाले भ्यालेन्सियालाई ३–१ ले हरायो ।

नयाँ ट्रान्सफर सिजनमा बार्सिलोना भित्रिएका अगुएरो चोटका कारण मैदान बाहिर नै रहेका थिए । काउटिन्होले गोल गर्दै टिमको जित सुनिश्चित गरेपछि अगुएरोलाई तीन मिनेटको खेल मात्र बाकी रहदा मैदानमा उतारिएको थियो ।

अन्सु फाती र मेम्फिस डिपेले गोल गर्दै बार्सिलोनालाई खेलमा अगाडी राखेपछि काउटिन्होले २०२०, नोभेम्बरमा ओसासुनाबिरुद्धको ४–० को जितपछि पहिलो गोल गरेका थिए ।

खेलमा अग्रता भने भ्यालेन्सियाले लिएको थियो । पाचौं मिनेटमै होजे गायाले पाहुना टोलीलाई सरप्राइज लिड दिएका थिए । चोटका कारण झण्डै एक बर्ष बाहिरिएका फातीले बक्स बाहिरबाट सुन्दर गोल गर्दै बराबरी गरेका थिए ।

फातीले नै बक्समा फउल ड्र गर्दै प्राप्त पेनाल्टीमा डिपेले गोल गरेका थिए । बार्सिलोना ८ खेलपछि १५ अंकका साथ सातौं स्थानमा रहेको छ । शिर्ष स्थानको रियल सोसिडाडको ९ खेलबाट २० अंक छ ।

रियल म्याड्रिड, सेभिया, एट्लेटिको म्याड्रिड र ओसासुनाको समान १७ अंक छ । ओसासुनाले आइतबार नै भिलारियाललाई २–१ ले हरायो भने सेभियाले सेल्टा भिगोलाई १–० ले पराजित गर्यो ।

Continue Reading
Headline1 hour ago

आयरल्याण्डका क्याम्फरले चार बलमा चार विकेट लिदै गरे सनसनीपूर्ण प्रदर्शन

Headline6 hours ago

साफ उपबिजेता नेपाली टोलीको बिमानस्थलमा भब्य स्वागत

Headline9 hours ago

अगुएरोले बार्सिलोनाको लागि डेब्यु गर्दा काउटिन्होको ११ महिनामा पहिलो गोल

T20 World Cup 20219 hours ago

 भारतीय समर्थकहरूको सनक, पाकिस्तान विरुद्धको खेल बहिष्कार गर्न आग्रह 

T20 World Cup 202119 hours ago

ट्वान्टी ट्वान्टी विश्वकपको पहिलो खेलमै बंगलादेश स्कटल्याण्डसँग स्तब्ध

Headline23 hours ago

मैदान पूननिर्माणसँगै डुकुछापमा अन्तर क्लब फुटबल प्रतियोगिता सम्पन्न

Headline24 hours ago

ट्वान्टी ट्वान्टी बिश्वकपः ओमानको सशक्त शुरुवात, पिएनजी १० विकेटले पराजित

Headline1 day ago

आजदेखि शुरु हुँदै ट्वान्टी ट्वान्टी बिश्वकप

Headline2 days ago

नेपाल हार्यो

Headline2 days ago

साफ च्याम्पियनसिप फाइनलः नेपाल दुई गोलले पछाडी

Headline10 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline9 months ago

फुटबलमा थापिएका ५ अचम्मका बाजीहरु

Headline6 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline1 year ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!