Connect with us

Headline

पहिलो खेलमै चम्किए बाबर हायात, पारसको चितवनसँग शरदको पोखरा पराजित

wesportz

Published

on

बाबर हायात पहिलो खेलमै चम्किएपछि चितवन राइनोजले पोखरा प्रिमियर लिगमा डिफेन्डिङ्ग च्याम्पियन पोखरा पल्टनलाई ६ विकेटको फराकिलो अन्तरले पराजित गरेको छ ।

पोखरा क्रिकेट मैदानमा टस जिती पहिलो फिल्डिङ्ग गरेको राइनोजले पोखरालाई जारी प्रतियोगिताकै कम योगफलमा समेट्ने क्रममा २० ओभरमा १ सय ७ रनमा अल आउट ग¥यो । बाबरले आक्रमक ब्याटिङ्ग गर्दै अद्र्धशतक पुरा गरेपछि राइनोजले १४ दशमलव ५ ओभरमा चार विकेट गुमाउदै लक्ष्य प्राप्त ग¥यो ।

बाबरले आक्रमक ब्याटिङ्ग गर्दै ४२ बलमा नटआउट ६६ रन बनाएपछि राइनोजले सहज जित दर्ता ग¥यो । बाबरले पाचौं विकेटका लागि सन्नी पटेलसँग नटआउट ५० रनको साझेदारी गरेका थिए । सन्नीले १८ बलमा दुई छक्का र एक चौकाको मद्दतमा २२ रन बनाए ।

बाबरले चार छक्का र ६ चौका प्रहार गरेका थिए । पोखरका लागि रसिद खान र सरबजीत लड्डाले दुई–दुई विकेट लिएका थिए । बाबरले प्रहार गरेको चार वटै छक्का लड्डाले खाएका थिए । उनले चार ओभरमा ४८ रन दिएका थिए ।

यसअघि काठमाडौं गोल्डेन वारियर्सलाई १ सय १५ रनमा समेटेको पोखरा त्यो भन्दा कम योगफलमै समेटिएको थियो । पोखरालाई सस्तैमा समेट्ने क्रममा सन्नी पटेल र रोहन मुस्तफाले कसिलो बलिङ्ग गर्दै २–२ विकेट लिएका थिए ।

सन्नीले चार ओभरमा एक मेडन राख्दै मात्र १५ रन खर्चिएका थिए भने रोहनले २२ रन खर्चिए । भुवन कार्कीले तीन ओभरमा १६ रन खर्चदै दुई विकेट लिएका थिए । पोखराका लागि कप्तान शरद भेषावकरले केही आकर्षक शटहरु खेल्दै ३९ बलमा ४५ रन बनाए । उनले तीन छक्का र तीन चौका प्रहार गरेका थिए ।

कुशल मल्ले दुई छक्काको मद्दतमा १३ रन बनाए । शरदले कुशलसँग पाचौं विकेटका लागि ३६ रनको साझेदारी गरेका थिए । करण केसी, बिक्रम सोब र कप्तान पारस खड्काले पनि चितवनका लागि एक–एक विकेट लिए । पोखराले पहिलो खेलमा काठमाडौंलाई ९ विकेटले हराएको थियो ।

Click to comment

Leave a Reply

Your email address will not be published. Required fields are marked *

Headline

पहिलो जितको खोजीमा रियल म्याड्रिड रियल बेटिसको समाना गर्दै

wesportz

Published

on

स्पेनिस ला लिगामा आफ्नो दोस्रो खेलमा साबिक बिजेता रियल म्याड्रिड पहिलो जितको लागि शनिबार रियल बेटिसको समाना गर्दैछ ।

पछिल्ला तीन खेलमा रियल बेटिस रियल म्याड्रिडसँग एक खेलमा पनि हारेको छैन । गएका तीन खेलमा दुईमा जित र एकमा बाराबरी खेलेको बेटिसले म्याड्रिडलाई ठुलो प्रतिस्पर्धा दिने निश्चित देखिन्छ ।

आफ्नो पहिलो खेलमा रियल सोसिडाडसँग गोल रहित बाराबरी खेलेको म्याड्रिडलाई बेटिस विरुद्धको खेल महत्वपूर्ण देखिन्छ । बेटिसले भने आफ्नो सुरुवाती दुवै खेलमा जित हात पार्दै ६ अंक बटुलिसकेको छ ।

पछिल्ला ६ अवे खेलमा एक खेलमा मात्र पराजित भएको रियल म्याड्रिड यो खेल बेटिसको घरमा खेल्दै छ । यता बेटिसको घरमा भने रियलले पछिल्ला ६ खेलमा तीनमा मात्र जित निकाल्न सकेको छ ।

२०१९–२० को ला लिगा बिजेता रियल म्याड्रिडले युरोपियन प्रतियोगितामा क्वार्टर–फाइनल सम्मको यात्रा तय गरेका कारण उसको पहिलो चरणको खेल धकेलिन पुगेको थियो ।

खेल नेपाली समय अनुसार राती १२ः४५ मा सुरु हुने छ ।

Continue Reading

Headline

प्रिमियर लिगमा आजः म्यानचेस्टर युनाइटेड र ब्राइटन, चेल्सी र वेष्ट ब्रोम भिड्दै

wesportz

Published

on

इङ्गलिस प्रिमियर लिगको तेस्रो चरणका खेलहरु आजबाट सुरु हुदैछन् । पहिलो खेलमा म्यानचेस्टर युनाइटेडले ब्राइटनको समाना गर्दै छ ।

पहिलो खेलमा क्रिस्टल प्यालेससँग हारेको युनाइटेड अंक बिहिन रहेको छ भने ब्राइटनले आफ्नो पहिलो खेल चेल्सीसँग पराजय बेहोरेपनि दोस्रोमा न्युकासल युनाइटेडलाई ३–० गोलले हराउदै तीन अंक बटुलिसकेको छ ।

ब्राइटनको टोली निकै बलियो देखिएको छ । युवा खेलाडी तारिक लाम्पटीको उपस्थिती ब्राइटनका लागि निकै महत्वपूर्ण हुने छ । आज हुने खेलमा युनाइटेडका लागि नयाँ खेलाडी डोनी भ्यान डि बिकले सुरुवाती ११ बाट खेल्ने सम्भावना बलियो रहेको छ ।

यस सिजनको प्रिमियर लिगमा आफ्नो दोस्रो खेल खेल्दै गर्द युनाइटेडलाई जितको दवाव हुने छ । खेल नेपाली समय अनुसार साँझ ५ः१५ मा सुरु हुने छ ।

अर्को खेलमा क्रिष्टल प्यालेस र एभर्टन भिड्दै छन् । आ–आफ्ना दुवै खेल खेल जित्दै ६ अंक बटुलिसकेका यी टोलीको खेल रोमान्चक हुने आशा गरिएको छ । जेम्स रोड्रिगेजको आगमनसँगै फरक उर्जामा देखिएको एभर्टनले म्यानचेस्टर युनाइटेडलाई अघिल्लो खेलमा हराएको क्रिष्टल प्यालेसको समाना गर्न गइरहेको हो ।

खेल नेपाली समय अनुसार ७ः४५ मा सुरु हुने छ ।

दिनको तेस्रो खेलमा चेल्सीले नव प्रवेशी वेष्ट ब्रोमको समाना गर्ने छ । पहिलो दुवै खेलमा पराजित भएको वेष्ट ब्रोमलाई चेल्सी अर्को बलियो प्रतिद्वन्दीको रुपमा परेको हो ।

चेल्सी लिभरपुलसँग अघिल्लो खेलमा २–० ले पराजित हुन पुगेको थियो भने वेष्ट ब्रोमले एभर्टनको पाँच गोल खान पुगेको थियो । नयाँ खेलाडीको आगमनसँगै बलियो देखिएको चेल्सीलाई दोस्रो खेल हारेसँगै यो खेल जित्नै पर्ने दवाव हुने छ ।

खेल नेपाली समय अनुसार १०ः१५ मा सुरु हुने छ ।

Continue Reading

Headline

अघिल्लो सिजन मेस्सीले आफ्नो नाममा लेखाएका १० किर्तिमान

wesportz

Published

on

बार्सिलोनासँगको लामो कसरतका बावजुद बार्सिलोनामै बस्ने भएपछि लियोनल मेस्सी त्यो अध्यायपछि आइतबार स्पेनिस ला लिगाको सिजनको आफ्नो पहिलो खेलमा भिलारियाल बिरुद्ध उत्रदैछन् । च्याम्पियन्स लिगको सहभागिताका कारण ढिलो सिजन शुरु गर्न गइरहेको बार्सिलोना यो सिजन रियल म्याड्रिडबाट स्पेनिस ला लिगा फिर्ता लिन चाहन्छ ।

तर सबैको नजर नचाहदा नचाहदै पनि बार्सिलोनामै बस्न बाध्य मेस्सी क्लबका लागि यो सिजन कस्तो खेल्नेछन् भन्नेमा हुनेछ । अघिल्लो सिजन उपाधि बिहिन रहेपनि मेस्सीले क्लबका लागि भने थुप्रै किर्तिमान बनाएका थिए । के–के थिए त ती किर्तिमानहरुः

१. ला लिगामा लगातार १६ सिजन गोल गर्ने पहिलो खेलाडी

मेस्सीले २०१९–२० को सिजनको शुरुवाती चरणका खेलहरु पिड़ुलाको चोटका कारण गुमाउन बाध्य भए । उनको अनुपस्थितीमा बार्साले ठुलै संघर्ष गर्न पर्यो । उक्त सिजन सेभिया विरुद्धको खेलमा पहिलो पटक खेलेका मेस्सीले फ्रि–किक मार्फत उत्कृष्ट गोल गरे । आफ्नो टोलीलाई ४–० को जित दिलाउन मद्धत गरेका उनले ला लिगाको लगातार १६औं सिजनमा गोल गर्ने किर्तिमान आफ्नो नाममा लेखाए ।

२. लगातार च्याम्पियन्स लिगको १५ सिजनमा गोल गर्ने पहिलो खेलाडी

च्याम्पियन्स लिगको समुह चरणमा डर्टमन्ड र इन्टर मिलान विरुद्ध गोल गर्न नसकेका मेस्सीले स्लाभिया प्राग विरुद्ध गोल गर्दै बार्सालाई २–१ को जित दिलाए । उक्त खेलमा गोल गर्दै उनले च्याम्पियन्स लिगको लगातार १५ खेलमा गोल गर्ने किर्तिमान आफ्नो नाममा लेखाए ।

त्यस्तै उनले रियल म्याड्रिड लेजेण्ड राउल गोञ्जालेज र क्रिष्चियानो रोनाल्डोले धेरै टोली विरुद्ध (३३ टोली) गोल गर्ने किर्तिमानको पनि बराबरी गरे ।

३. फ्रि–किक मार्फत ५० औं गोल

ला लिगा अन्तर्गत रियल भालाडोलिड विरुद्धको खेलमा मेस्सीले फ्रि–किक मार्फत आफ्नो गोल संख्या ५० पुर्याए । तर पनि फ्रि–किक मार्फत सर्वाधिक गोल गर्ने किर्तिमानबाट भने उनी अझै पनि धेरै टाढा छन् । फ्रि–किक मार्फत सर्वाधिक गोल गर्ने किर्तिमान जुनिन्हो पेर्नामबुकानोको नाममा रहेको छ ।

पेर्नामबुकानोले फ्रि–किक मार्फत ७७ गोल गरेका थिए भने उक्त किर्तिमान भंग गर्न मेस्सीलाई अझै २८ गोल आवश्यक रहेको छ ।

४. च्याम्पियन्स लिगमा भिन्न ३४ टोलीविरुद्ध गोल गर्ने पहिलो खेलाडी

गत सिजनको च्याम्पियन्स लिग अन्तर्गत समुह चरणको पाँचौं खेलमा बार्सिलोनाले जर्मन बुन्डेसलिगा क्लब बोरुसिया डर्टमन्डको दोश्रो लेगमा सामना गर्यो । नोभेम्बरको अन्त्यमा भएको खेलको ३३ औं मिनेटमा मेस्सीले गोल गर्दै ३४ भिन्न टोलीका लागि गोल गर्ने पहिलो खेलाडीको किर्तिमान कायम गरे ।

यस क्रममा उनले राउल र रोनाल्डोको नाममा रहेको ३३–३३ गोलको किर्तिमान भंग गरेका हुन् । त्यस्तै उक्त गोलसँगै मेस्सीले बार्साको लागि आफ्नो गोल संख्य ७०० पनि पुर्याएका थिए ।

५. ६ वटा बालोन डी’ओर जित्ने पहिलो खेलाडी

डिसेम्बर ३ मा मेस्सीले बालोन डी’ओर जिते । यस अघि रोनाल्डोसँग समान ५–५ पटक बालोन डी’ओर जितेका मेस्सीले सन् २०१९ मा बालोन डी’ओर जित्दै छैटौं पटक बिश्व फुटबलको सबैभन्दा प्रतिष्ठित व्यक्तिगत पुरस्कार जित्ने किर्तिमान कायम गरे ।

पहिलो पटक सन् २००९ मा बालोन डी’ओर जितेका मेस्सीले त्यस पछिका लगातार तीन बर्षमा र २०१५ मा बालन डी’ओर हात पारेका थिए ।

६. ला लिगामा ३५ वटा ह्याट्रिक गर्ने पहिलो खेलाडी

गत बर्ष छैटौं पटक बालोन डी’ओर जितेका मेस्सीले त्यसको भोलीपल्ट मायोर्का विरुद्धको खेलमा ह्याट्रिक गर्दै बार्सालाई ५–२ गोलको जित दिलाउन मद्धत गरे र ला लिगामा आफ्नो ३५ औं ह्याट्रिक पुरा गरे । यससँगै ३२ बर्षिय मेस्सीले रोनाल्डोसँग ला लिगामा बराबरीमा रहेको सर्वाधिक ह्याट्रिकको किर्तिमानलाई पछि पार्दै नयाँ रेकर्ड राखे ।

७. ला लिगाको लगातार १२ सिजन २० भन्दा धेरै गोल गर्ने पहिलो खेलाडी

कोरोनाका कारण रोकिएको ला लिगा फेरी सुचारु हुँदा मेस्सीले मायोर्का विरुद्धको खेलको इन्जुरी समयमा गोल गर्दै २०१९–२० को सिजनमा आफ्नो गोल संख्या २० पुर्याए । यससँगै मेस्सी ला लिगामा लगातार १२ सिजन २० वा त्यो भन्दा धेरै गोल गर्ने पहिलो खेलाडी पनि बने । गत सिजन मेस्सीले कुल २५ गोल गरे ।

८. २० गोल र २० असिस्ट गर्ने दोश्रो खेलाडी

रियल भालाडोलिड विरुद्धको खेलमा बार्साले १–० गोल अन्तरले मात्र जित हात पार्न सक्यो । तर पनि उक्त खेलम मेस्सीले फेरी अर्को एउटा किर्तिमान आफ्नो नाममा लेखाउन सफल रहे ।

मेस्सीको पासमा आर्टुरो भिडालले गोल गर्दै बार्सालाई जित दिलाएका थिए । यससँगै मेस्सी आर्सनलका थियरी हेनरी पछि एकै सिजन २० गोल र २० असिस्ट गर्ने दोश्रो खेलाडी भने । त्यस्तै उनले बार्सिलोनाको लागि जाभी हर्नान्डेजको नाममा रहेको २० असिस्टको किर्तिमानको पनि बराबरी गरे ।

९. ला लिगाको एकै सिजन २१ असिस्ट गर्ने पहिलो खेलाडी

सन् २०१९–२० को सिजनको अन्तिम खेलमा अन्सु फातीले मेस्सीको पासमा गोल गरे । उक्त असिस्ट पछि मेस्सीले जाभी हर्नान्डेजसँग बराबरी गरेको किर्तिमान आफ्नो नाममा लेखाए । रियल भालाडोलिड विरुद्धको खेलमा असिस्ट गर्दै हर्नान्डेजले सन् २००८–०९ को सिजनमा बनाएको २० असिस्टको किर्तिमान बराबरी गरेका मेस्सीले अलाभेस विरुद्धको खेलमा असिस्ट संख्या २१ पुर्याएका थिए ।

१०. ला लिगामा सातौं पटक सर्वाधिक गोलकर्ताको उपाधि

अलाभेस विरुद्धको खेलमा २१ असिस्टको किर्तिमान बनाएका मेस्सीले सोही खेलमा अर्को किर्तिमान पनि आफ्नो नाममा लेखाउन सफल भए । बार्साको ५–० को जितमा उनले दोश्रो तथा पाँचौं गोल गरे र उक्त सिजन आफ्नो गोल संख्या २५ पुर्र्याए ।

उनले सातौं पटक ला लिगामा सर्वाधिक गोलकर्ताको उपाधि हात पारे । यस क्रममा उनले टेल्मो जाराको किर्तिमानलाई पछाडी छोडेका थिए ।

Continue Reading
Headline10 mins ago

पहिलो जितको खोजीमा रियल म्याड्रिड रियल बेटिसको समाना गर्दै

Headline3 hours ago

प्रिमियर लिगमा आजः म्यानचेस्टर युनाइटेड र ब्राइटन, चेल्सी र वेष्ट ब्रोम भिड्दै

IPL 20204 hours ago

पहिलो जितको खोजीमा कोलकाता र हैदराबाद भिड्दै

Headline7 hours ago

अघिल्लो सिजन मेस्सीले आफ्नो नाममा लेखाएका १० किर्तिमान

IPL 202017 hours ago

चेन्नाई माथि फराकिलो जित दर्ता गर्दै दिल्ली अंक तालिकाको शिर्ष स्थानमा

IPL 202019 hours ago

दिल्लीले चेन्नाईलाई दियो १७६ रनको लक्ष्य

IPL 202021 hours ago

दिल्ली पहिले ब्याटिङ गर्दै, सन्दिप आज पनि बेन्चमा

IPL 202021 hours ago

दिल्लीले चेन्नाईको सामना गर्दै, पाउलान् त सन्दिपले मौका ?

Headline24 hours ago

पाँच देश जहाँ फुटबल लोकप्रिय खेल मानिदैन

Headline1 day ago

सुपर कपको जित सँगै सिजनको सबै उपाधि जितेको बायर्न

Headline2 weeks ago

धेरै ऋणको भारी बोकेका पाँच युरोपेली क्लबहरु

Headline5 months ago

ब्राजिलले पाएको अहिलेसम्मकै उत्कृष्ट १० फुटबलर

Headline6 days ago

सात महादेशका सात उत्कृष्ट खेलाडीहरु

Headline4 weeks ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline4 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline1 month ago

एक युगको अन्त्य हुँदा बार्सामा क्रान्ति एक मात्र बिकल्प

Headline2 months ago

आर्सनलको दुर्गतिः न च्याम्पियन्स लिग, न युरोपा लिग

Headline4 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Headline10 months ago

लाम्पार्डको आगमनसँगै बदलिएको चेल्सी

Trending