Connect with us

Headline

हेटमायर र होपको शतकमा भारत माथि वेस्ट इण्डिजको सहज जीत

wesportz

Published

on

शिम्रोन हेटमायर र शे होपले शतक प्रहार गरे पछि वेस्ट इण्डिजले भारत माथि पहिलो एकदिवसीय आठ विकेटको सहज जीत दर्ता गराएको छ । यस जीतसँगै वेस्ट इण्डिजले तीन खेलको शृंखलामा १-० को अग्रता लिएको छ ।
जितका लागि २८८ रनको लक्ष्य लिएर ब्याटिंगमा आएको वेस्ट इण्डिजले ४७ दशमलब पाँच ओभरमा दुई विकेटको नोक्सानीमा जीत हात पार्यो ।
नौं रन बनाएका सुनिल एम्ब्रिसलाई खराब शुरुवात गरेको वेस्ट इण्डिजलाई जीततर्फ उन्मुख गराउने क्रममा शिम्रोन हेटमायर र शे होपले दोश्रो विकेटका लागि २१८ रनको विशाल शाझेदारी गरे । १०६ बलको सामना गरेका हेटमायरले आक्रमक पारी खेल्ने क्रममा ११ चौका र सात छक्काको मद्धतमा सर्वाधिक १३९ रन बनाए भने एक छोडबाट पारी सम्हालेका होपले १५१ बलमा अविजित १०२ रन बनाए ।
यस अघि खेलमा टस हारेर पहिले ब्याटिंग गरेको भारतले खराब शुरुवातका बाबजुत पुरै ५० ओभर खेल्दै आठ विकेटको नोक्सानीमा २८७ रन बनायो ।
भारतले ओपनर केएल राहुल (१५ बलमा छ रन) र कप्तान बिराट कोहली (चार बलमा चार रन) लाई सातौं ओभरमा २५ रनको अवस्थामा गुमायो । त्यस पछि चौथों नम्बरमा ब्याटिंग गर्न आएका श्रेयस अयेरले अर्का ओपनर रोहित शर्मासँग मिलेर ५५ रनको शाझेदारी गर्दै भारतको पारी सम्हाल्ने प्रयास गरे । ५६ बलमा छ चौकाको मद्धतमा रोहित ३६ रन बनाएर आउट भए ।
अयेरले पाँचौं नम्बरमा आएका विकेट किपर ब्याट्सम्यान रिशब पन्तसँग मिलेर चौथों विकेटका लागि ११४ शाझेदारी गर्दै भारतको पारी सम्हाले । पन्तले भारतको तर्फबाट सर्वाधिक ७१ रन बनाए । ६९ बलको सामना गरेका उनले सात चौका र एक छक्का प्रहार गरे । अयेरले भने ८८ बलमा पाँच चौका र एक छक्का प्रहार गर्दै ७० रन बनाए ।
वेस्ट इण्डिजलाई चुनौतीपुर्ण लक्ष्य दिने क्रममा भारतका केदार जधावले ३५ बलमा ४० रन तथा रविन्द्र जडेजाले २१ बलमा २१ रनको योगदान दिए । उनीहरूले छैठौं विकेटका लागि ५९ रनको शाझेदारी गरे ।
वेस्ट इण्डिजका शेल्डन कोट्रेल, किमो पौल र एल्जारी जोसेफले समान २-२ विकेट लिए ।

Click to comment

Leave a Reply

Your email address will not be published. Required fields are marked *

Headline

म्यानचेस्टर सिटी यो सिजन सबै उपाधी जित्न चाहन्छ: डि ब्रुन

wesportz

Published

on

मिडफिल्डर केभिन डी ब्रुनले यस सिजन म्यानचेस्टर सिटीले चारवटै ठूला ट्रफिहरू जित्दै आफ्नो श्रेष्ठता पुनः साबित गर्ने बताएका छन् ।

अघिल्लो सिजन सिटी १८ अंक पछाडि पर्दै लिभरपुललाई प्रिमियर लिग सुम्पिन पुगेको थियो भने च्याम्पियन्स लिगको क्वार्टर–फाइनलमा फ्रेन्च क्लब लायोनसँग पराजित भएको थियो । लिग कप र एफ ए कपका खेलहरुमा आर्सनलसँग पराजित भएको सिटीले काराबाओ कपको फाइनलमा एस्टन भिल्लालाई हराउदै उपाधि जितेको थियो ।

तर यस सिजन भने बेल्जियन मिडफिल्डर डि ब्रुनले प्रिमियर लिग, च्याम्पियन्स लिग र लिग कपहरु सहित सबै उपाधिमा क्लिन स्विप गर्ने बताएका छन् ।

“जित वा हारले तपाइले लिने प्रेरणामा असर गर्छ भन्ने हुदैन,” डि ब्रुन भन्छन् । “जब नयाँ सिजन शुरू गरिन्छ त्यहाँ नयाँ आकांक्षाहरू हुन्छन् । तपाईलाई सकेसम्म धेरै जित्न मन लाग्छ र हामी पनि यस सिजन सबै उपाधि जित्न चाहन्छौं ।”

“हाम्रो लागि सबै चार उपाधि उत्तिकै महत्वपूर्ण छन् । हामी अहिले यही दिमाग लिएर खेलिरहेका छौं ।सबै उपाधि जित्न धेरै गाह्रो छ तर हामी आउने खेलहरु जति कठिन भए पनि राम्रो प्रदर्शन गर्दै जितका लागि खेल्ने छौ,” डि ब्रुन थप्छन् ।

सिटीले बिहीबार काराबाओ कप अन्तर्गत तेस्रो चरणमा बर्नमाउथको समाना गर्दै छ भने प्रिमियर लिगमा आउने आईतबार लेस्टर सिटीसँग खेल्दै छ ।

Continue Reading

Headline

असन्तुष्टि मिडियामा पोख्ने धम्कीपछि सुवारेजलाई एट्लेटिकोमा बेच्न बार्सा तयार

wesportz

Published

on

बार्सिलोना आफ्नो उरुग्वेका फर्वार्ड लुईस सुवारेजलाई स्पेनिस ला लिगाको प्रतिद्वन्दी एट्लेटिको म्याड्रिडमा बेच्न सहमत भएको छ ।

अन्य ठूला क्लबमा नजाने शर्तमा प्रशिक्षक रोनाल्ड कोमनको योजनामा नरहेका सुवरेजलाई बेच्नका लागि बार्सिलोना उनलाई प्रि एजेन्टको रुपमा रिलिज गर्न राजी भएको थियो । पासपोर्टको बिषयमा असफल हुँदा युभेन्टस जान असफल भएपछि सुवारेजले एट्लेटिकोसँग कम तलबमा सहमति गरेका थिए ।

तर बार्सिलोना अध्यक्ष जोसेप बार्तोमेउले स्पेनकै अर्का ठूला प्रतिद्वन्दीलाई नबेच्ने भन्दै सम्झौतालाई रोकिदिएका थिए । सुवारेजका प्रतिनीधिहरुसँगको वार्तापछि वार्सा व्यवस्थापन भने उनलाई छोड्न राजी भएको थियो । यस क्रममा सुवारेजले आफ्ना असन्तुष्टिहरु मिडियामा पोख्ने धम्की दिएका थिए ।

बार्तोमेउ मेस्सीले क्लब छोड्ने श्रृंखलामै नराम्ररी मिडियामा बिवादित रुपमा तानिएका थिए । लामो खिचातानीपछि बार्सामै बस्ने निर्णय गरेका मेस्सीले मिडियामा बार्तोमेउ र उनको क्लब चलाउने शैलिबिरुद्ध मिडियामा ठूले अभिव्यक्तिहरु पनि दिएका थिए ।

च्याम्पियन्स लिगमा छनोट भएमा मात्र तलबमा फरक पर्ने शर्तमा एट्लेटिकोले सुवारेजलाई चार मिलिनय युरो भन्दा बढी दिने छैन । एट्लेटिकोमा अब उनले एक बर्षमा बार्सामा पाइरहेको ३० मिलियन युरोभन्दा आधा पाउनेछन् ।

नयाँ सुम्झौताले सुवारेजको बार्सिलोनामा ६ बर्षको यात्रालाई अन्त्य गर्नेछ । अर्जेन्टिनी स्टार लियोनेल मेस्सी र ब्राजिलियन नेमारसँगै बिश्वकै घातक फ्रन्ट थ्रिको एक भाग रहेका सुवारेजले बार्साका लागि २ सय ८३ खेलमा १ सय ९८ गोल गरेका थिए ।

२०१४ मा लिभरपुलबाट ७४ मिलियन पाउण्डमा आएका सुवारेजले बार्सिलोनाका लागि चार ला लिगा उपाधि, चार कोपा डेल रेसँगै १–१ च्याम्पियन्स लिग र क्लब बिश्वकप जितेका थिए ।

Continue Reading

Headline

अल्भारो मोराटा दोस्रो पटक युभेन्टसमा

wesportz

Published

on

एट्लेटिको म्याड्रिडका फर्वार्ड अल्भारो मोराटालाई युभेन्टसले दोस्रो पटक क्लबमा अनुबन्धन गरेको छ ।

अर्जेन्टाइन फर्वार्ड गोन्जालो हिग्वेनको सम्झौता रद्द गरेसँगै नयाँ स्ट्राइकरको खोजीमा रहेको युभेन्टसले मोरटालाई ९ मिलियन युरोको लोनमा एक वर्षका लागि क्लबमा फर्काएको हो । मोराटाको लोन सम्झौतामा एट्लेटिकोले युभेन्टसलाई ४५ मिलियन युरोको खरिद विकल्प पनि दिएको छ ।

रियल म्याड्रिडबाट २०१० देखी २०१४ सम्म खेलेका मोराटा २०१४ देखी २०१६ सम्म युभेन्टसमा लोनमा खेलेका थिए । लोनबाट रियल म्याड्रिड फर्किएका उनलाई चेल्सीले २०१७ मा ७० मिलियन पाउन्डमा खरिद गरेको थियो । चेल्सीमा एक सिजन खेलेका उनलाई फेरी एट्लेटिको म्याड्रिडले लोनमा लगेको थियो ।

२०२० मा मोराटाको सम्झौतालाई स्थायी बनाएको एट्लेटिकोले उनलाई फेरी युभेन्टसमा लोनमा पठाएको हो । २७ वर्षिय फर्वार्डले आफ्नो करिअरमा ७४ गोल मात्र गरेका छन्, जुन एक स्ट्राइकरका लागि निकै काम हो ।

युभेन्टसले बार्सिलोनाका लुइस सुवारेजले इटालियन भाषा परिक्षामा फेल भएपछि नयाँ स्ट्राइकर खोज्नु परेको थियो । मोराटा युभेन्टस आएसँगै सुवारेजको एट्लेटि जाने सम्भावना निकै बलियो देखिएको छ ।

Continue Reading
Headline53 mins ago

म्यानचेस्टर सिटी यो सिजन सबै उपाधी जित्न चाहन्छ: डि ब्रुन

Headline6 hours ago

असन्तुष्टि मिडियामा पोख्ने धम्कीपछि सुवारेजलाई एट्लेटिकोमा बेच्न बार्सा तयार

IPL 202013 hours ago

राजस्थानको विजयी सुरुवात, चेन्नाई १६ रनले पराजित

IPL 202014 hours ago

स्यामसन र स्मिथको अर्धशतकमा चेन्नाईलाई २१७ रनको विशाल लक्ष्य  

राष्ट्रिय17 hours ago

महिला क्रिकेटरहरुलाई समावेश गर्दै क्यानले नयाँ सेन्ट्रल कन्ट्रयाक्ट तयार पार्यो

IPL 202018 hours ago

 चेन्नाईले टस जित्यो, राजस्थानलाई ब्याटिङको निम्तो 

Headline18 hours ago

अल्भारो मोराटा दोस्रो पटक युभेन्टसमा

IPL 202020 hours ago

लगातार दोश्रो जितको दाउमा चेन्नाई राजस्थानको सामना गर्दै

Headline22 hours ago

मेस्सिलाई संसारकै उत्कृष्ट भन्दै बार्तोमेउले भने ‘म उनलाई बार्सा छोडेर जान दिन सक्दिन’

Headline24 hours ago

सिटी व्यवस्थापक ग्वार्डियोलाका लागि फोडेनको प्रदर्शन अविश्वसनीय

Headline1 week ago

धेरै ऋणको भारी बोकेका पाँच युरोपेली क्लबहरु

Headline5 months ago

ब्राजिलले पाएको अहिलेसम्मकै उत्कृष्ट १० फुटबलर

Headline3 weeks ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline4 months ago

ट्रान्सफर मार्फत सर्वाधिक कमाउने ५ खेलाडी

Headline3 days ago

सात महादेशका सात उत्कृष्ट खेलाडीहरु

Headline3 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline1 month ago

एक युगको अन्त्य हुँदा बार्सामा क्रान्ति एक मात्र बिकल्प

Headline2 months ago

आर्सनलको दुर्गतिः न च्याम्पियन्स लिग, न युरोपा लिग

Headline3 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Headline10 months ago

लाम्पार्डको आगमनसँगै बदलिएको चेल्सी

Trending