Connect with us

Headline

प्रतियोगिता अघि के भन्छन ए डिभिजन लिगका प्रशिक्षकहरु ?

wesportz

Published

on

गौरव फुयाल, काठमाडौं

ठूला नामहरु भित्र्याउदै प्रबल दाबेदारको रुपमा अघि आएको मच्छिन्द्र क्लब र ब्रिगेड बोइज क्लबको भिडन्तसँगै दशरथ रँगशालामा शनिबार झण्डै पाँच बर्षपछि शहिद स्मारक ए डिभिजन लिग फर्किदैछ ।

सन् २०१५ अप्रिल २५ को महाभुकम्पले क्षति भएपछि रँगशाला भर्खरै सम्पन्न १३ औं दक्षिण एसियाली खेलकुदका लागि पुर्ननिर्माण गरिएको थियो । त्यसअघि दशरथ रँगशालामा राष्ट्रिय लिग अन्तर्गतका खेलहरु भइरहेका थिए । गत बर्ष एन्फाले ए डिभिजिन लिग त ग¥यो तर रेलिगेसनको प्रावधान नै नराखिएको लिगका खेलहरु एन्फा कम्प्लेक्सको एस्ट्रो टर्फ र सशस्त्र प्रहरी बल मुख्यालय हल्चोकमा हुँदा त्यसको रौनक नै गुमेको थियो ।

एन्फाले ठूला म्याचहरुमा पनि दर्शक तान्न सकेको थिएन । तर दशरथ रँगशालामा लिग फर्किएपछि एक पटक फेरि घरेलु फुटबलले नयाँ उचाइ लिने अनुमान गरिएको छ । १४ टोली समावेश लिगको पुच्छारमा रहने टोली बि डिभिजनमा झर्नेछ ।

नयाँ खेलाडी, मैदान र लिगले घरेलु लिगका प्रेमीहरुलाई पनि राहत मिलेको छ । निकै कम टोलीहरुले आफुलाई लिग बिजेताको रुपमा दाबी गरिरहदा ए डिभिजनमा टिक्नु नै धेरै क्लबहरुको लक्ष्य रहने देखिएको छ । सहभागी क्लबका प्रशिक्षकहरु लिग अघि आफ्नो टिमलाई लिएर के भन्छन् त ? एक पटक पढौं

राजुकाजी शाक्य (एनआरटी)
छोटो समयमा नै हामीले राम्रो तयारी गरेका छौ । युवा टोलीले भरिएको टिममा जोश त आवश्य नै हुन्छ । एनआरटी मैले पहिलो खेलेको क्लब हो र क्लबले मेरो आवश्यकता देखेकाले म एनआरटीमा आएको हु । मलाई बिश्वास छ एनआरटीले राम्रो गर्छ र सकेसम्म लिगको उपाधि तिरै हाम्रो ध्यान केन्द्रित हुनेछ ।

नबिन न्यौपाने (त्रिभुवन आर्मी)
ठूलो क्लब भएकाले ठूलै आशा नहुने कुरै भएन । सागको अण्डर–२३ र राष्ट्रिय टोलीको तयारीले गर्दा असर परेको छ । तर पनि हाम्रा खेलाडीहरु तयार रहेका छन् । हामी लिग बिजेताका दबेदार त हौ नै तर पनि यसपाली यसअघि लिगहरुको तुलनामा राम्रो प्रदर्शन गरेर देखाउन चाहन्छौं ।

प्रवेश कटुवाल (मछिन्द्र क्लब)
थोरै समय प्रशिक्षणमा बिताएकोले केटाहरुमा आत्मबिश्वासको अलि कमी थियो तर अधिकांश राष्ट्रिय टोलीका खेलाडीहरुको आगमनले त्यो पनि हटेको छ । शुरुवत देखी नै हामी राम्रो प्रदर्शन गर्ने छौ । नया खेलाडीको आगमनसँगै मछिन्द्रलाई लिग दाबेदारको रुपमा हेर्दा हुन्छ ।

भरत शाह (नेपाल पुलिस, म्यानेजर)
तयारी चित्तबुझ्दो भएको छ । बिदेशी खेलाडी नभएपनी पुलिसले आफ्नो सक्दो दिने छ । प्रयास त लिग जित्ने नै हो तर पनी हाम्रो लक्ष्य शिर्ष तीन नै हो । नेपाल पुलिस भएपछि खेलमत्र हैन देशका लागि पनि दौडिनु पर्ने हुन्छ । त्यसैले नेपाल पुलिस दुवैको लागि तयार रहेको छ ।

बालगोपाल साहुखल (च्यासल युथ)
हाम्रा सबै खेलाडी अण्डर–१८ कै छन् । युवा टोली भएकाले आफुले ठूलो आशा राखेको त छैन तरपनी जापानी खेलाडी र राष्ट्रिय टिमका पूर्व खेलाडी सन्तोष साहुखलले टिममा राम्रो असार पार्ने छन भन्नेमा म विश्वस्त छु । लिगमा हाम्रो लक्ष्य भनेको शिर्ष ६ मा कायम रहनु हो ।

राजेन्द्र तामाङ (एपिएफ)
मोफसलका नकआउट प्रतियोगिताहरु धेरै खेलेपनि लिग हुने भएकोले हामी तयार रहेका छौं । लिगको लागि म आफै पनि तयार रहेको छु । आफूलाई दवाब नपर्ने गरी हरेक खेल खेल्ने छौ । हाम्रो टिम नया छ त्यसैले केटाहरुलाई हौसला प्रदान गर्नु जरुरी छ । म सकेसम्म टिमलाई लिगको दाबेदार बनाउने तिर लाग्नेछु ।

अशोक श्रेष्ठ (हिमालयन शेर्पा, म्यानेजर)
मैदानको अभावका कारण हामीले केही समय पोखरामै प्रशिक्षण गर्दै आइरहेका छौं । अब केही दिनपछि यतै प्रशिक्षण गर्ने ब्यवस्था गरिरहेको छौं । सबै खेलाडी पुरानै छन् र फिट पनि छन । गत बर्ष भन्दा हाम्रो टोली यसपटक राम्रो देखिएको छ ।

अर्बिन गुरुङ (ब्रिगेड बोइज, म्यानेजर)
टिम युवा खेलाडीले भरिएको छ । ठूलो नाममा अनिल गुरुङ छन् । अरु ठूलो नाम नभएपनि हाम्रो टिमले ठूला क्लबहरुलाई टक्कर दिन सक्छ । तयारी सम्पूर्ण सकिसक्यो र अब हामी लिगकै पर्खाइमा छौ ।

फुजा तोपे (मनाङ मस्र्याङ्गदी)
म नेपाल आएको दुई हप्ता पनि भएको छैन । अघिल्लो लिग जित्दाका खेलाडीहरु धेरैले क्लब छोडी सकेका रहेछन् तर पनि टाइटल डिफेन्ड गछौं जस्तो लाग्छ । राम्रो तयारी भएको छ नेपाली खेलाडीहरु एकदम तयार छन् ।

आज गरिएको प्रि टुर्नामेन्ट पत्रकार सम्मेलनमा फ्रेन्ड्स, थ्री स्टार, सरस्वती, संकटा र जावलाखेल युथ क्लबका प्रतिनीधिहरुको उपस्थिती भने रहेको थिएन ।

Click to comment

Leave a Reply

Your email address will not be published. Required fields are marked *

Euro 2020

समुह ‘एफ’: फ्रान्स,जर्मनी र पोर्चुगल अन्तिम १६ मा

wesportz

Published

on

जर्मनीले हङ्गेरीको जितलाई रोक्दै २-२ को बराबरी खेले पछि पोर्चुगल युरो २०२० को अन्तिम १६ मा प्रवेश गरेको छ । पोर्चुगलले आफ्नो अन्तिम खेलमा फ्रान्सलाई पनि २-२ को बराबरीमा रोकेको थियो ।

जर्मनीका लागि काई ह्वाभर्ट्ज र लियोन गोरेट्ज्काले गोल गरेका थिए । हङ्गेरीका लागि एडम सज्लाई र अन्द्रास ससेफरले गोल गरेका थिए ।

खेलको ११ औँ मिनेटमै सज्लाईले हङ्गेरीलाई अग्रता दिलाएका थिए । पहिलो हाफ अग्रता लिएको हङ्गेरीले दोस्रो हाफको ६६ औँ मिनेटमा बराबरी गोल फर्काएका थिए । जर्मनीका लागि काइ ह्वाभर्ट्जले गोल गरेका थिए । तर, त्यस्को एक मिनेट पनि नबित्दै हङ्गेरीले खेलमा पुन : अग्रता लिएको थियो । ससेफरले गोल गर्दै हङ्गेरीलाई २-१ को अग्रता दिलाएका थिए ।

तर, ८४ औँ मिनेटमा जर्मनीका लागि लिओन गोरेट्ज्काले बराबरी गोल फर्काउँदै जर्मनीको अन्तिम १६ को आशा जिवितै राखेका थिए । अर्को खेलमा पोर्चुगलले फ्रान्सलाई २-२ को बराबरीमा रोक्यो । पोर्चुगलका लागि क्रिष्चियानो रोनाल्डोले दुई र फ्रान्सका लागि कारीम बेन्जेमाले दुई गोल गरेका थिए । पोर्चुगलका लागि दुवै गोल पेनाल्टीमा रोनाल्डोले गरे । फ्रान्सका लागि बेन्जेमाले एक गोल पेनाल्टी मार्फत गर्दा अर्को गोल ‘ओपन प्ले’ मा गरेका थिए ।

अपराजित फ्रान्सले ३ खेलमा ५ अंक जोड्यो । जर्मनीले आफ्नो खेलमा हंगेरीसँग २-२ को बराबरी खेलेपछि ४ अंक जोड्दै दोस्रो स्थानमा रहेको थियो । समान अंक भएपनि हेड टु हेडमा पोर्चुगल तेस्रो हुँदै अन्तिम १६ मा स्थान बनाएको छ ।

Continue Reading

Euro 2020

यस्तो छ युरो २०२० अन्तिम १६ को खेल तालिका र खेलहरु

wesportz

Published

on

युरो २०२० को सबै समुह चरणको खेलहरु सकिएको छ । समुह ‘ए’ बाट इटाली समुह बिजेता , वेल्स उपाबिजेता र स्विट्जरल्याण्ड उत्कृष्ट तेस्रो स्थानका साथ अन्तिम १६ मा प्रवेश गरेका थिए । समुह ‘बी’ बाट बेल्जियम समुह बिजेता र डेनमार्क समुह उपबिजेता बन्दै अन्तिम १६ मा प्रवेश गरेका थिए ।

समुह ‘सी’ बाट नेदर्ल्याण्ड्स, अष्ट्रिया र उत्कृष्ट तेस्रो स्थानको टोली बन्दै युक्रेन अन्तिम १६ मा पुगेको थियो । यस्तै समुह ‘डी’ बाट पनि तीन टोली अन्तिम १६ मा पुगेका छन् । समुह बिजेता बन्दै इङ्ल्याण्ड, उपबिजेता बन्दै क्रोएसिया र उत्कृष्ट तेस्रो स्थानको चेक रिपब्लिक अन्तिम १६ मा पुगेका हुन् । समुह ‘ई’ बाट भने स्विडेन र स्पेनले अन्तिम १६ मा स्थान बनाए । ग्रुप अफ देथ मानिएको समुह ‘एफ’ बाट फ्रान्स समुह बिजेता, जर्मनी उपबिजेता र पोर्चुगल तेस्रो स्थानमा रहदै अन्तिम १६ मा स्थान बनायो ।

समुह चरणको अन्तिम खेलसँगै अन्तिम १६ को खेल तालिका र खेलहरु यस्तो रहेको छ :

जुन २६, शनिबार- नेपाली समय ९:४५ बजे

वेल्स भर्सेस डेनमार्क

जुन २७, आईतबार- नेपाली समय १२:४५ बजे

इटाली भर्सेस अष्ट्रिया

जुन २७, आईतबार – नेपाली समय ९:४५

नेदरल्याण्ड्स भर्सेस चेक रिपब्लिक

जुन २८, सोमबार- नेपाली समय १२:४५

बेल्जियम भर्सेस पोर्चुगल

जुन २९, सोमबार- नेपाली समय ९:४५

क्रोएसिया भर्सेस स्पेन

जुन २९, मंगलबार- नेपाली समय १२:४५

फ्रान्स भर्सेस स्विट्जरल्याण्ड

जुन ३०, मंगलबार- नेपाली समय ९:४५

इङ्ल्याण्ड भर्सेस जर्मनी

जुन ३०, वुधबार- नेपाली समय १२:४५

स्विडेन भर्सेस युक्रेन

 

 

Continue Reading

Euro 2020

रोनाल्डोले गरे अन्तर्राष्‍ट्रिय फुटबलमा सार्वधिक गोल गर्ने किर्तिमानको बराबरी

wesportz

Published

on

फ्रान्स विरुद्ध जारी युरो २०२० को खेलमा दुई पेनाल्टी प्रहार गर्दै पोर्चुगलका कप्तान क्रिष्टियानो रोनाल्डोले अन्तर्राष्‍ट्रिय फुटबलमा सर्वाधिक गोल गर्ने किर्तिमानको बराबरी गरेका छन् ।

उनले ईरानका अली दाईको १ सय ९ गोल को किर्तिमानलाई बराबरी गरेका हुन् । उनले फ्रान्स विरुद्ध पेनाल्टीमा गोल गर्दै किर्तिमानी बराबरी गरेका हुन् ।

रोनाल्डोले पहिलो गोल ३० औँ मिनेटमा गरेका थिए । डनिलोलाई फ्रान्सका गोलरक्षक ह्युगो लोरिसले पन्च गरे पछि पाएको पेनाल्टी अवसरमा रोनाल्डोले पहिलो गोल गरेका थिए । यस्तै ६० औँ मिनेटमा रोनल्डोकै क्रसमा फ्रेन्च डिफेन्डर कोनाटेको हातमा बल लागे पछि पाएको पेनाल्टीमा रोनाल्डोले दोस्रो गोल गरेका थिए ।

रोनाल्डोले युरो २०२० मा पाँच गोल पनि गरिसकेका छन् । उनी हाल युरो कपमा सर्वाधिक गोल गर्ने खेलाडी पनि हुन् ।

उनले २००३ मा पोर्चुगलको राष्ट्रिय टोलीका लागि डेब्यु गरेका थिए ।

 

रोनाल्डोले गोल गरेका सबै राष्ट्रिय टोलीहरु:

Continue Reading
Euro 20206 hours ago

समुह ‘एफ’: फ्रान्स,जर्मनी र पोर्चुगल अन्तिम १६ मा

Euro 20206 hours ago

यस्तो छ युरो २०२० अन्तिम १६ को खेल तालिका र खेलहरु

अन्तर्राष्ट्रिय6 hours ago

बटलरको अविजित अर्धशतकमा इंग्ल्यान्डको सहज जित 

Euro 20207 hours ago

रोनाल्डोले गरे अन्तर्राष्‍ट्रिय फुटबलमा सार्वधिक गोल गर्ने किर्तिमानको बराबरी

Euro 20209 hours ago

युरोमा उत्कृष्ट पुनरागमन गर्दै स्पेन अन्तिम १६ मा

अन्तर्राष्ट्रिय10 hours ago

भारतलाई सजिलै हराएर न्युजिल्यान्डले जित्यो वर्ल्ड टेस्ट च्याम्पियनसिप

Headline12 hours ago

नेपाल ओलम्पिक कमिटी र दराज बिच सम्झौता

अन्तर्राष्ट्रिय13 hours ago

वर्ल्ड टेस्ट च्याम्पियनसिप फाइनल – निरिह भारतीय ब्याटिङ, उपाधि जित्न न्युजिल्यान्डलाई १३९ रनको लक्ष्य

Euro 202015 hours ago

युरो कप: स्पेन नक आउटमा छनौट हुनको लागि के हुनुपर्छ ?

Headline17 hours ago

डि ब्रुनलाई चेल्सीबाट बेच्न नखोजेको सात वर्ष पछि माउरिन्होको खुलासा

Trending

error: Content is protected !!