Connect with us

Headline

भारतले वेस्ट इण्डिजलाई दियो १७१ रनको लक्ष्य 

wesportz

Published

on

घरेलु टोली भारतले दोश्रो ट्वान्टी ट्वान्टी खेलमा वेस्ट इण्डिजलाई १७१ रनको लक्ष्य दिएको छ ।
खेलमा टस हारेर पहिले ब्याटिंग गरेको भारतले २० ओभर खेल्दै सात विकेटको नोक्सानीमा १७० रनको योगफल बनायो ।
भारतको तर्फबाट शिवम् दुबेले सर्वाधिक ५४ रन बनाए । तेश्रो नम्बरमा ब्याटिंग गर्न आएका उनले ३० बलको सामना गर्दै तीन चौका र चार छक्का प्रहार गरे । दुबे बाहेक विकेट किपर ब्याट्सम्यान रिशब पन्तले अविजित रहँदै २२ बलमा ३३ रनको योगदान दिए ।
भारतका अन्य ब्याट्सम्यानहरुमा ओपनरद्वय रोहित शर्मा र केएल राहुल क्रमसः १८ बलमा १५ तथा ११ बलमा ११ रन बनाएर आउट भए भने कप्तान बिराट कोहली १७ बलमा १९ रनको पारी खेलेर पेभेलियन फर्किए ।
वेस्ट इण्डिजका केश्रिक विलियम्स र हेडेन वाल्शले समान २-२ विकेट हात पारे ।
तीन खेलको शृंखलामा भारत १-० ले अघि रहेको छ । हैदराबादमा भएको पहिलो ट्वान्टी ट्वान्टी खेलमा कप्तान बिराट कोहलीको अविजित ९४ रनको मद्धतमा २०८ रनको लक्ष्य पक्ष्याएको भारतले चार विकेटको नोक्सानीमा जीत हात पारेको थियो ।

Click to comment

Leave a Reply

Your email address will not be published. Required fields are marked *

Headline

भारत र अष्ट्रेलियाबिच नोभेम्बरदेखि हुने तीन सिरिजको तालिका सार्वजनिक

wesportz

Published

on

क्रिकेट अष्ट्रेलियाले भारतले नोभेम्बरमा गर्न गइरहेको भ्रमणको तालिका सार्वजकि गरेको छ । कोरोना भाइरस संक्रमणका कारण क्रिकेट ठप्प भएपछि भारतले पहिलो अन्तर्राष्ट्रिय खेल्न गइरहेको हो ।

विराट कोहली नेतृत्वको टोलीले अष्ट्रेलियामा तीन एकदिवसीय अन्तर्राष्ट्रिय, तीन ट्वान्टी ट्वान्टी अन्तर्राष्ट्रिय र चार म्याचको टेस्ट श्रंखला खेल्नेछ । भारतको भ्रमण नोभेम्बर २७ मा हुने पहिलो एकदिवसीयबाट शुरु हुनेछ ।

दोश्रो एकदिवसीय पनि सिड्नीमै नोभेम्बर २९ मा हुनेछ भने डिसेम्बर २ मा हुने तेश्रो खेल मनुका ओभलमा हुनेछ । यस्तै पहिलो ट्वान्टी–ट्वान्टी अन्तर्राष्ट्रिय मनुका ओभलमै डिसेम्बर ४ मा हुनेछ । सिड्नीमा डेसेम्बर ६ र ८ मा दोश्रो र तेश्रो ट्वान्टी ट्वान्टी खेलहरु हुनेछन् ।

यस्तै दुई टोलीबीचको टेस्ट श्रंखला डिसेम्बर १७ देखि २१ सम्म एडिलेड ओभलमा हुनेछ । उक्त टेस्ट डे नाइटको रुपमा रहनेछ । मेलबर्न क्रिकेट ग्राउण्डमा दोश्रो टेस्ट डिसेम्बर २६ देखि ३० सम्म हुनेछ भने ८ दिनको बिश्रामपछि २०२१ जनवरी ७ देखि ११ सम्म सिड्नीमा तेश्रो टेस्टको आयोजना हनेछ ।

अन्तिम टेस्ट गाबामा जनवरी १५ देखि १९ सम्म खेलाइनेछ ।

Continue Reading

Headline

च्याम्पियन्स लिग: रियल म्याड्रिडको संघर्षपूर्ण बराबरी,बायर्नको बिजयी यात्रा कायमै

wesportz

Published

on

च्याम्पियन्स लिग २०२०/२०२१ अन्तर्गत समुह चरणको दोस्रो खेलमा रियल म्याड्रिड बोरुसिया मोइन्चेनग्लाड्ब्याचसँग २-२ को संघर्षपूर्ण बराबरी खेलेको छ । लगतार दोस्रो खेलमा पनि जित निकाल्न नसकेको १३ पटकको च्यामपियन्स लिग बिजेता रियलको खराब सुरुवात हो ।

मोइन्चेनग्लाड्ब्याचका लागि दुवै गोल स्ट्राइकर मर्कस थुरामले गरेका थिए । रियलको कमब्याकमा भने कारीम बेन्जेमा र कसिमेरोले एक-एक गोल गरेका थिए ।

मोइन्चेनग्लाड्ब्याचले पहिलो हाफको ३३ औँ मिनेटमा खेलमा पहिलो गोल गर्दै अग्रता बनाएको थियो । थुरामले अलासाने प्लेको पसालाई सदुपयोग गर्दै पहिलो गोल गरेका थिए । दोस्रो गोल भने रियलले खेलको ५८ औँ मिनेटमा खान पुग्यो । मोइन्चेनग्लाड्ब्याचका लागि दोस्रो गोल पनि थुरामले गरेका थिए ।

दुई गोलले पछि परेको स्थितीलाई उल्टाउने क्रममा रियलका लागि एक गोल ८७ औँ मिनेटमा करिम बेन्जेमाले गरेका थिए भने ९० मिनेट पछि थपिएको इन्जुरी टाइममा अर्को गोल कसिमेरोले गरेका थिए । कसिमेरोले सर्जियो रामोसको हेडिङ पासलाई गोलमा परीणत गर्दै रियललाई एक अंक दिलाएका थिए ।

अघिल्लो खेलमा शख्तार दोनेक्ससँग ३-२ ले पराजित रियल म्याड्रिड समुहमा एक अंक जोड्दै अन्तिम स्थानमा रहेको छ

यस अघी इन्टर मिलानसँग २-२ को बराबरी खेलेको मोइन्चेनग्लाड्ब्याचको यो दोस्रो बराबरी हो ।

यस्तै अर्को खेलमा साविक बिजेता बायर्न म्युनिखले लोकोभोटिभ मोस्कोलाई २-१ ले पराजित गरेको छ ।

बायर्नको जितमा लियोन गोरेट्ज्का र योसुवा किमिचले गोल गरेका थिए । मोस्कोका लागि भने एन्टोन मिरन्चुकले एक गोल गरेका थिए ।

लोकोमोटिभ रङ्गशालामा भएको खेलमा पहिलो हाफको १३ औँ मिनेटमै साविक बिजेता बायर्नले अग्रता लिएको थियो । बायर्नका लागि पहिलो गोल लियोन गोरेट्ज्काले गरेका थिए ।

पहिलो हाफमा १-० ले अगाडि बायर्नले दोस्रो हाफमा भने मोस्कोको बराबरी गोल खान पुगेको थियो । दोस्रो हाफको ७० औँ मिनेटमा लोकोमोटिभ मोस्कोका लागि एन्टोन मिरन्चुकले बराबरी गोल फर्काएका थिए तर त्यस्को नौँ मिनेट पनि नबित्दै योसुवा किमिचले गोल गर्दै बायर्नलाई अग्रता दिलाएका थिए ।

किमिचले ७९ औँ मिनेटमा भने जाभी हर्नान्डेजको पासमा गरेको उत्कृष्ट भलीलाई मोस्कोको गोलरक्षकले रोक्न नसके पछि बायर्नले समुह ए मा अर्को तीन अंक हात पारेको हो ।

अरु खेलहरुमा भने शख्तार दोनेक्स र इन्टर मिलनले गोलरहित बराबरी खेले भने सिटीले मार्सेलाई ३-०, लिभरपुलले मिजील्यान्डलाई २-०, एट्लेटिको म्याड्रिडले साल्जबर्गलाई ३-२ र पोर्टोले ओलम्पियाकोसलाई २-० ले हरायो ।

Continue Reading

Headline

एसी मिलान बराबरीमा रोकिदा इब्राहिमोभिचको दुई गोल

wesportz

Published

on

सेरी आ अन्तर्गत मङ्गलबार भएको खेलमा एएस रोमा र एसी मिलानले ३-३ गोलको बराबरी खेलेका छन् ।

रोमाका लागि ८४ औँ मिनेटमा मरास कुमबुलाले बराबरी गोल गर्दै हारबाट जोगाएका थिए । रोमाका लागि अरु दुई गोल भने एडेन डेको र जोर्डन भेरेन्टओटले गरेका थिए । एसी मिलानका लागि भने ३९ बर्षिय ज्लाटन इब्राहिमोभिचले दुई गोल गरेका थिए भने एक गोल अलेक्सेस सएलेमएकएर्सले गरेका थिए ।

खेल सुरु भएको दुई मिनेटमै एसी मिलानले ज्लाटन इब्राहिमोभिचको गोल मार्फत अग्रता लिएको थियो । १४ औँ मिनेटमा भने रोमाका लागि स्ट्राइकर एडेन डेकोले गोल गर्दै खेल १-१ को बराबरीमा ल्याएका थिए ।

पहिलो हाफमा १-१ को बराबरी खेलेका दुई टोलीले दोस्रो हाफमा भने चार गोल गरेका थिए । दोस्रो हाफको ४७ औँ मिनेटमा फेरी एसी मिलानले अग्रता लिएको थियो तर ७१ औँ मिनेटमा भने रोमाले पेनाल्टी मार्फत बराबरी गोल गरेको थियो । रोमाका लागि जोर्डन भेरेन्टओटले पेनाल्टी मार्फत बराबरी गोल गरेका थिए ।

७९ औँ मिनेटमा भने फेरी एसी मिलानले अग्रता लिना पुग्यो । मिलानका लागि पेनाल्टी मार्फत ज्लाटन इब्राहिमोभिचले गोल गर्दै खेल ३-२ को स्थितीमा पुर्याएका थिए । तर रोमाका लागि भने मरास कुमबुला ८४ औँ मिनेटमा गोल गर्दै खेल ३-३ को बराबरीमा ल्याएका थिए ।

रोमान्चक खेलमा रोमालाई हारबाट जोगाएका मरास कुमबुलाले मिलानलाई अंक बाढ्न वाध्य बनाएका थिए ।

बराबरी खेले पनि एसी मिलन १३ अंक सहित सेरी आ को शिर्ष स्थानमा रहेको छ ।

Continue Reading
Headline57 mins ago

भारत र अष्ट्रेलियाबिच नोभेम्बरदेखि हुने तीन सिरिजको तालिका सार्वजनिक

Headline5 hours ago

च्याम्पियन्स लिग: रियल म्याड्रिडको संघर्षपूर्ण बराबरी,बायर्नको बिजयी यात्रा कायमै

Headline7 hours ago

एसी मिलान बराबरीमा रोकिदा इब्राहिमोभिचको दुई गोल

IPL 20209 hours ago

दिल्लीको लज्जास्पद हार

IPL 202011 hours ago

रिद्दीमन शाह र डेभिड वार्नरको तुफानी पारीमा दिल्लीलाई २२० रनको विशाल लक्ष्य  

IPL 202013 hours ago

हैदराबाद पहिले ब्याटिङमा, सन्दिप लगातार १२ औं खेलमा पनि बेञ्चमा नै

Headline14 hours ago

फेरि पनि टिममा अटाएनन् स्ट्राइकर बिमल

IPL 202015 hours ago

प्लेअफको लक्ष्य सहित दिल्ली हैदराबादसँग भिड्दै 

Headline16 hours ago

च्याम्पियन्स लिगमा आजः रियलको दोस्रो खेल, सिटी र मार्से भिड्दै

राष्ट्रिय18 hours ago

बंगलादेश विरुद्धको मैत्रीपूर्ण खेलका लागि बालगोपाल प्रशिक्षक नियुक्त 

Headline1 month ago

धेरै ऋणको भारी बोकेका पाँच युरोपेली क्लबहरु

Headline6 months ago

ब्राजिलले पाएको अहिलेसम्मकै उत्कृष्ट १० फुटबलर

Headline1 month ago

सात महादेशका सात उत्कृष्ट खेलाडीहरु

Headline2 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline5 months ago

ट्रान्सफर मार्फत सर्वाधिक कमाउने ५ खेलाडी

Headline2 weeks ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline2 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline3 months ago

आर्सनलको दुर्गतिः न च्याम्पियन्स लिग, न युरोपा लिग

Headline5 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Trending