Connect with us

अन्तर्राष्ट्रिय

कोहलीको कप्तानी पारीमा भारतको सहज जीत 

wesportz

Published

on

कप्तान बिराट कोहलीको कप्तानी पारीको मद्धतमा भारतले वेस्ट इण्डिज बिरुद्धको पहिलो ट्वान्टी ट्वान्टीमा छ विकेटको सहज जीत हात पारेको छ । यससँगै भारतले तीन खेलको शृंखलामा १-० को अग्रता लिएको छ ।
वेस्ट इण्डिजले दिएको २०८ रनको विशाल लक्ष्य लिएर ब्याटिंगमा आएको भारतले कोहलीको अविजित अर्धशतकसँगै चार विकेट गुमाएर आठ बल अगावै जीत आत्मसाथ गर्यो ।
ओपनर रोहित शर्मालाई आठ रनमा गुमाएको भारतको लागि अर्का ओपनर केएल राहुल र कप्तान बिराट कोहलीले दोश्रो विकेटका लागि एक सय रनको शाझेदारी गर्दै जीत तर्फ लागे । ४० बलको सामना गर्दै पाँच चौका र चार छक्काको मद्धतमा ६२ रन बनाएका राहुल आउट भएता पनि कोहलीले अर्को छोडबाट रन निकाल्दै भारतलाई जीत दिलाए ।
तेश्रो नम्बरमा ब्याटिंग गर्न आएका कोहलीले अविजित रहँदै सर्वाधिक ९४ रन प्रहार गरे ।५० बलको सामना गरेका उनले समान छ-छ चौका र छक्का प्रहार गरे ।
यस अघि टस हारेर पहिले ब्याटिंग गरेको वेस्ट इण्डिजले २० ओभर खेल्दै पाँच छ विकेटको नोक्सानीमा 207 रनको विशाल योगफल बनायो ।
वेस्ट इण्डिजको तर्फबाट शिम्रोन हिट्म्येरले सर्वाधिक ५६ रन बनाए । ४१ बलको सामना गरेका उनले युज्बेन्द्र चाहालको शिकार हुनु अघि दुई चौका र चार छक्का प्रहार गरे ।
दोश्रो ओभरमा दुई रन बनाएका लेन्ड्ल सिम्मोंसलाई गुमाएको वेस्ट इण्डिजकाको पारी सम्हाल्ने क्रममा अर्का ओपनर एविन लेविसले आक्रमक पारी खेल्दै ४० रन बनाए । वाशिंगटन सुन्दरको बलमा एलबिडब्लुको शिकार भएका लेविस १७ बलमा तीन चौका र चार छक्का प्रहार गरे । त्यस बाहेक कप्तान कैरन पोलार्डले १९ बलमा २७ रन तथा जेसन होल्डरले नौं बलमा अविजित २४ रनको पारी खेले ।
भारतका युज्बेन्द्र चाहालले सर्वाधिक दुई विकेट लिए भने वाशिंगटन सुन्दर, दिपक चाहर र रबिन्द्र जडेजाले पनि समान १-१ विकेट हात पारे ।

Click to comment

Leave a Reply

Your email address will not be published. Required fields are marked *

Headline

पावेलको शतकपछि वेष्ट इण्डिजले इंगल्याण्डलाई हरायो

wesportz

Published

on

हाई–स्कोरिङ खेलमा रोभम्यान पावेलले आक्रमक शतक प्रहार गरेपछि वेष्ट इण्डिजले इंगल्याण्डबिरुद्धको पाँच म्याचको ट्वान्टी ट्वान्टी अन्तर्राष्ट्रिय श्रृंखलामा २–१ को अग्रता लिएको छ ।

पावेलले ५१ बलमै पहिलो ट्वान्टी ट्वान्टी अन्तर्राष्ट्रिय शतक प्रहार गरेपछि वेष्ट इण्डिजले ब्रिजटाउनमा पाँच विकेटको क्षतिमा २ सय २४ रनको बिशाल योगफल खडा गर्यो ।

फिल साल्टले इंगल्याण्डलाई खेलमा जीवितै राखेपनि सेल्डन कोट्रेलले गरेको १९ औं ओभर निर्णायक बन्दा इंगल्याण्डले ९ विकेटको क्षतिमा २ सय ४ रनमात्र जोड्न सक्यो । अन्तिम २ ओभरमा इंगल्याण्डलाई ४१ बलमो आवश्कता रहँदा कोट्रेलले २ विकेट लिदै मात्र तीन रन दिएका थिए ।

अन्तिम ओभरमा रोमारियो शेफर्डलाई साल्टले दुई छक्का प्रहार गर्दै १७ रन जोडेपनि त्यो जितका लागि पर्याप्त रहेन । तेश्रो छक्का प्रहार गर्ने क्रममा आउट भएका साल्टले २४ बलमा पाँच छक्का र तीन चौकाको मद्दतमा ५७ रन जोडेका थिए ।

यस्तै टप अर्डरमा ओपनर टम बान्टनले ३९ बलमा ७० रनको छरितो इनिङ्गस खेलेका थिए । बान्टनले ६ छक्का र तीन चौका हिर्काए । वेष्ट इण्डिजका लागि शेफर्डले तीन विकेट लिदा चार ओभरमा ५९ रन खर्चिएका थिए । केरोन पोलार्डले दुई विकेट लिए ।

यसअघि वेष्ट इण्डिजको इनिङ्गसलाई पूर्ण रुपले नियन्त्रण गर्ने क्रममा पावेलले तेश्रो विकेटका लागि निकोलस पुरनसँग १ सय २२ रनको साझेदारी गरेका थिए । १९ औं ओभरमा पेभिलियन फर्किएका पावेलले ५३ बलमा १ सय ७ रन जोड्दै १० छक्का हिर्काउका थिए ।

पावेलको ५१ बलमा शतक वेष्ट इण्डिजको लागि ट्वान्टी ट्वान्टी अन्तर्राष्ट्रियमा चौथो तिब्र शतक हो । क्रिस गेलले ४७ र ५० बलमा दुई शतक बनाएका छन् भने एभिन लेविसले ४८ बलमा शतक प्रहार गरेका थिए ।

वेष्ट इण्डिजलाई छरितो शुरुवात दिने काम पनि पुरनले नै गरेका थिए । उनले ४३ बलमा ७० रन बनाए । उनको इनिङ्गसमा पाँच छक्का र चार चौका सामेल थियो ।

Continue Reading

Headline

इक्वेटोरियल गिनीसँग माली स्तब्ध, सलाहको निर्णायक पेनाल्टीमा इजिप्ट क्वार्टर–फाइनलमा

wesportz

Published

on

आफूभन्दा ६१ स्थानमाथि रहेको मालीलाई टाई ब्रेकरमा पराजित गर्दै इक्वेटोरियल गिनी अफ्रिका कप अफ नेसन्सको क्वार्टर–फाइनलमा प्रवेश गरेको छ ।

बुधबार नै भएको पहिलो अन्तिम १६ को खेलमा स्टार फर्वार्ड मोहम्मद सलाहले निर्णायक प्रहारमा गोल गरेपछि इजिप्टले आइभोरि कोस्टलाई पनि पेनाल्टी सुटआउटमै ५–४ ले पराजित गर्यो । आइभोरी कोस्टका एरिक बेलीले गोल गर्न चुक्दा सलाहको प्रहार निर्णायक बनेको थियो ।

सात पटकको च्याम्पियन इजिप्टले अब सेमिफाइनलका लागि मोरक्कोसँग आइतबार खेल्नेछ । प्रतियोगितामा भाग्यमानी साबित भएको इजिप्ट हालसम्म चार खेलमा मात्र दुई गोल गर्दै क्वार्टर–फाइनलमा प्रवेश गरेको हो ।

महादेशीय फुटबल प्रतियोगितामा आइभोरी कोस्टबिरुद्धको ११ औं भेटमा निर्धारित र अतिरिक्त समयमा कुनै गोल हुन नसकेपछि खेल टाई ब्रेकरमा गएको थियो । इजिप्ट आफ्नो समुहबाट तेश्रो स्थानको टोलीको रुपमा अन्तिम १५ मा प्रवेश गरेको थियो ।

अर्को तर्फ गोलकिपर जिजस ओवोनो नायक बन्दा इक्वेटोरियल गिनी ७ बर्षपछि क्वार्टर–फाइनलमा स्थान बनाउन सफल रह्यो । अतिरिक्त समयको समाप्तिमा पनि गोल हुन नसक्दा खेलको निर्णय टाई ब्रेकरबाट भएको थियो ।

१ सय २० मिनेटको फुटबलमा दुवै तर्फबाट जम्मा एक सट अन टार्गेट रहेको थियो । पेनाल्टी सुटआउटमा ओवोनोले दुई प्रहार बचाएका थिए । इक्वेटोरियल गिनीले अब क्वार्टर–फाइनलमा प्रबल दाबेदार सेनेगलको सामना गर्नेछ ।

Continue Reading

Headline

मानेलाई कन्कसन भयो, बिजयी गोल गरे, मैदानबाट निस्किए, सेनेगल अन्तिम ८ मा पुग्यो

wesportz

Published

on

सेनेगललाई अफ्रिका कप अफ नेसन्सको अन्तिम ८ मा पुर्याउदा स्टार सादियो मानेको कथा अजिब रह्यो । मंगलवार सेनेगलले प्रि–क्वार्टरफाइनलमा केप भर्डेलाई २–० ले पराजित गर्दा उसको बिपक्षी ९ खेलाडीमा सिमित भएको थियो ।

पेप गेमाथि फउल भएपछि प्याट्रिक एण्ड्राडेलाई गुमाएको केप भर्डे २१ औं मिनेटमै १० खेलाडीमा सिमित भएको थियो । ५७ औं मिनेटमा गोलकिपर जोसिमार भोजिन्हा डियास बक्सबाट बाहिर आउदै बल रोक्ने धुनमा मानेसँग भयानक रुपमा जुध्दा केप भर्डेले आफ्नो पहिलो रोजाइको किपरलाई पनि गुमायो ।

कन्कसन भएपछि केही समयको परिक्षणपछि मैदान फर्किएका मानेले ६३ औं मिनेटमा उत्कृष्ट गोल गर्दै सेनेगललाई अग्रता दिलाए । मुख सुन्निएको देखिएका मानेलाई त्यसपछि भने सेनेगलले फिर्ता बोलाएको थियो । मानेको स्थान लिएका बाम्बा डिएँगले इन्जुरी समयको दोश्रो मिनेटमा गोल गर्दै सेनेगलको क्वार्टर–फाइनल यात्रा पक्का गरेका थिए ।

दुई पटक फाइनलमा चुकेको सेनेगल पहिलो पटक अफ्रिका कप अफ नेसन्सको उपाधि जित्ने अभियानमा रहेको छ । उसले सेमिफाइनल प्रवेशका लागि आइतबार माली अथवा इक्वेटोरियल गिनीको सामना गर्नेछ ।

अर्को अन्तिम १६ खेलमा मोरक्कोले मलावीमाथि २–१ को पनरागमन जित हात पार्यो । गाबाडिन्हो एमहाँगोले सातौं मिनेटमा नै अग्रता दिलाएका थिए । तर सेभिया स्ट्राइकर युसुफ एन–नेस्रीले पहिलो हाफको अन्त्यतिर मोरक्कोलाई खेलमा फर्काएका थिए ।

पेरिस सेन्ट जर्माइनका असरफ हकिमीले ७० औं मिनेटमा बिजयी गोल गर्दै मोरक्कोलाई अन्तिम ८ मा पुर्याएका थिए । क्वार्टर–फाइनलमा मोरक्कोले इजिप्ट अथवा आइभोरी कोस्टको सामना गर्नेछ ।

Continue Reading
Headline15 mins ago

ट्वान्टी ट्वान्टी अन्तर्राष्ट्रियमा सुस्त अर्धशतक बनाउने नेपाली ब्याट्स्म्यानहरु

Headline53 mins ago

पावेलको शतकपछि वेष्ट इण्डिजले इंगल्याण्डलाई हरायो

Headline1 hour ago

इक्वेटोरियल गिनीसँग माली स्तब्ध, सलाहको निर्णायक पेनाल्टीमा इजिप्ट क्वार्टर–फाइनलमा

Headline8 hours ago

अब एक बर्ष भित्रै नेपाललाई युवा खेलाडीहरुले उत्कृष्ट ट्वान्टी ट्वान्टी टिम बनाउने छन्ः पुबुदु दासानायके

Headline14 hours ago

सबैलाई एक्सपोजर दिदै प्रशिक्षक अलमुताइरी

Headline15 hours ago

ट्वान्टी ट्वान्टी अन्तर्राष्ट्रियमा नेपालको तर्फबाट उत्कृष्ट बलिङ प्रदर्शन

Headline16 hours ago

मच्छिन्द्रलाई स्तब्ध पार्दै एपिएफ १४ बर्षपछि आहा–रारा गोल्डकपको फाइनलमा

Headline18 hours ago

दोश्रो संस्करणको एनएसएल चैत्र २६ बाट 

Headline23 hours ago

ट्वान्टी ट्वान्टी अन्तर्राष्ट्रियमा नेपालको लागि उच्च साझेदारी रनका आधारमा

Headline1 day ago

मानेलाई कन्कसन भयो, बिजयी गोल गरे, मैदानबाट निस्किए, सेनेगल अन्तिम ८ मा पुग्यो

Trending

error: Content is protected !!