Connect with us

१३औं दक्षिण एसियाली खेलकुद

डेब्यु खेलमा नै अन्जलीको विश्व किर्तिमान 

wesportz

Published

on

नेपाली राष्ट्रिय क्रिकेट टोलीकी मध्यम गतिकी बलर अन्जली चन्दले महिला ट्वान्टी ट्वान्टी अन्तरास्ट्रिय क्रिकेटमा विश्व किर्तिमान कायम गरेकी छिन् । आजको खेलमा उनले नेपालको लागि ट्वान्टी ट्वान्टीमा डेब्यु गरेकी हुन् । 

नेपालमा जारी १३औं दक्षिण एसियाली खेलकुद (साग) अन्तर्गत महिला क्रिकेटमा माल्दिभ्स बिरुद्धको खेलका क्रममा अन्जलीले छ विकेट निकाल्दै उनले किर्तिमान कायम गरेकी हुन् । दुई दशमलब एक ओभर बलिंग गरेकी उनले कुनै पनि रन खर्च नगरी छ विकेट हात पारेकी हुन् ।

छ विकेट लिने क्रममा अन्जलीले ह्याट्रिक पनि पुरा गरेकी थिइन् । नवौं ओभरको पाँचौ र छैठौं बलमा तथा ११औं ओभरको पहिलो बलमा उनले ह्याट्रिक पुरा गरेकी हुन् ।

यस अघि यो किर्तिमान मलेसियाकी बलर मस एल्य्साको नाममा रहेको थियो । यसै बर्षको शुरुवातमा थाईल्याण्डमा सम्पन्न भएको टि-ट्वान्टी ब्लास्टका क्रममा चीनसँगको खेलमा मसले चार ओभर बलिंग गर्दै एक मेडन सहित तीन रन खर्चिएर छ विकेट हात पारेकी थिइन् ।

अन्जली सहित कुल छ जना बलरहरुले पहिले ट्वान्टी ट्वान्टी अन्तरास्ट्रिय खेलमा छ विकेट हात परेका छन् । नेपालको तर्फबाट अन्जली बाहेक नेरी थापाले पनि छ विकेटको किर्तिमान आफ्नो नाममा लेखाई सकेकी छिन् । नेपाली महिला टोलीकी पुर्व कप्तान नेरी थापाले थाईल्याण्डमा सम्पन्न भएको ट्वान्टी ट्वान्टी विश्वकप छनोटमा हंगकंग बिरुद्धको खेलमा चार ओभर बलिंग गर्दै आठ रन खर्चिएर छ विकेट लिएकी थिइन् ।

अन्जलीको घातक बलिंगमा नेपालले टस जीतेर पहिले ब्याटिंग गरेको माल्दिभ्सलाई १० दशमलब एक ओभरमा १६ रनमा अलआउट पार्यो । माल्दिभ्सको तर्फबाट ओपनर हम्ज़ा नियाज़ले सर्वाधिक नौं रन तथा कप्तान हफ्सा अब्दुल्लाहले चार रनको पारी खेलिन् भने बाँकी नौंजना ब्याट्सवोमनले रनको खाता पनि खोल्न सकेन् ।

नेपालको तर्फबाट अन्जली बाहेक करुणा भण्डारीले दुई विकेट हात परिन् ।

जवाफी ब्याटिंग गरेको नेपालले काजल श्रेष्ठको अविजित १३ रनको मद्धतमा पाँच बलमा जीत दर्ता गरायो ।

Click to comment

Leave a Reply

Your email address will not be published. Required fields are marked *

१३औं दक्षिण एसियाली खेलकुद

सेरेना विलियम्सले लिइन फ्रेन्च ओपनको चौथो दिनमा नाम फिर्ता

wesportz

Published

on

तीन पटक कि च्यामपियन सेरेना विलियम्सले एकिलिसको चोटका कारण फ्रेन्च ओपनबाट आफ्नो नाम फिर्ता लिएकी छिन् ।

३९ वर्षिय सेरेनाले आज राती बुल्गेरियाकी त्वेताना पिरोनकोभासँग आफ्नो दोस्रो चरणको खेल खेल्ने कार्यक्रम  रहेको थियो ।

२३ ग्राण्ड स्ल्यामको उपाधी जितेकी सेरेनाले यस् पटकको फ्रेन्च ओपेन जित्दै मार्गरेट कोर्टको कृतिमानी २४ ग्राण्ड स्ल्यामलाई पछि पार्ने दाउमा रहेकी थिइन् ।

“मलाई लाग्छ म चार देखी छ हप्ता मैदान बहिर रहने छु,” सेरेनाले एउटा पत्रकार सम्मेलनमा भनिन् ।

“मलाई हिन्न पनि गार्हो भैरहेको छ । एकिलिस यस्तो चोट हो जुन तपाइँले अहिले चाहानुहुन्न तर यस्तो भन्दैमा म मैदान नफर्किने हैन, म अझ फिट  भएर कोर्टमा फर्कन चाहन्छु।”

यस महिनाको सुरुमा युएस ओपनको सेमिफाइनलमा भिक्टोरिया अझारेन्कासँग पराजित भए पछि सेरेनाले आफुलाइ एकिलिसमा समस्या आएको बताएकी थिइन् ।

सोमबार मात्र उनले अमेरिकी खेलाडी कृष्टि अहनलाई ७-६,७-२ र ६-० को सेटमा हराएकी थिइन् । उनले खेल जिते पनि उनलाई चोटले सताएको बताएकी थिइन् ।

सेरेनाले २००२,२०१३ र २०१५ मा फ्रेन्च ओपनको उपाधी जितेकी थिइन् ।

Continue Reading

१३औं दक्षिण एसियाली खेलकुद

नेपालमा सम्पन्न सागका तीन पाकिस्तानी खेलाडी डोपिङ्गमा

wesportz

Published

on

नेपालमा भएको १३ औ दक्षिण एसियाली खेलकुदमा सहभागी पाकिस्तानी टोलीको तीन खेलाडी डोपिङ्गमा परेका छन् ।

पाकिस्तानी सञ्चार माध्यम जियो न्युजका अनुसार डोपिङ्ग परिक्षणमा पोजिटिभ देखिएकाहरुमा दुई स्वर्ण पदक बिजेता र एक कास्य पदकधारी रहेका छन् । “प्रारम्भिक सुचनाका अनुसार हामी तीनै खेलाडीको नाम निश्चित गर्न सक्छौं तर अहिलेका लागि ती खेलाडीहरुको नाम गोप्य राखिएको छ । अब नियम अनुरुप यस बिषयमा कारवाही अगाडी बढाइनेछ,” एथ्लेटिक्स महासंघका एक पदाधिकारीले उदृत गर्दै जियो न्युजले लेखेको छ ।

प्रतिबन्ध लगाइनुअघि खेलाडीहरुले आफ्नो सफाइ दिन पाउनेछन् । डिसेम्बर १ देखि १० सम्म काठामाडौं, पोखरा र जनकपुरमा भएको दक्षिण एसियाली खेलकुदमा पाकिस्तानले ३२ स्वर्ण, ४१ रजत र ५९ कास्य पदक जितेको थियो ।

पाकिस्तान सागको पदक तालिकामा चौथो स्थानमा रहेको थियो । पहिलो स्थानमा रहेको भारतले १ सय ७४, नेपालले ५१ र श्रीलंकाले ४० स्वर्ण जितेको थियो । नेपालको दक्षिण एसियाली खेलकुदमा सबैभन्दा उत्कृष्ट प्रदर्शन १३ औं संस्करणमा नै रहेको थियो ।

Continue Reading

१३औं दक्षिण एसियाली खेलकुद

सागमा स्वर्ण जित्ने पुरुष टोलीका प्रति खेलाडीले साढे ५ लाख पाउने

wesportz

Published

on

अखिल नेपाल फुटबल संघ (एन्फा) ले १३ औं दक्षिण एसियाली खेलकुदको स्वर्ण पदक जित्ने नेपाली फुटबल टोलीको प्रत्येक सदस्यलाई साढे पाँच लाख रुपैया दिने भएको छ ।

मंसिर २४ मा सकिएको दक्षिण एसियाली खेलकुदको फुटबल फाइनलमा नेपालले भुटानलाई २–१ ले पराजत गर्दै उपाधि जितेको थियो । नेपालले लगातार दोश्रो संस्करणको सागमा स्वर्ण पदक जितेको हो । यस्तै महिला फुटबलको रजत पदक बिजेता महिला टोलीलाई प्रति सदस्य एक लाख ५० हजार दिने निर्णय गरेको छ ।

नेपाली महिला टोली पोखरामा मंसिर २३ गते भएको फाइनलमा भारतसँग १–० ले पराजित भएको थियो । एन्फाको आइतबार बसेको कार्य समितिको बैठकले शहीद स्मारक बि डिभिजन लिगको उपाधि बिजेताले १५ लाख रुपैया पाउने घोषणा पनि गरेको छ ।

बि डिभिजन लिगमा सहभागि क्लबलाई तयारीका लागि १० लाख पनि दिने बताइएको छ । बि डिभिनमा दोश्रो देखि चौथो स्थासम्म हात पाने टोलीहरुले क्रमशः ८ लाख, ५ लाख र ३ लाख रुपैया दिने भएको छ । यस्तै सि डिभिनको तयारीका लागि प्रत्येक टोलीले ७ लाख रुपैया प्राप्त गर्नेछन् ।

यस्तै महिला लिग फुटबल प्रतियोगिताको उपाधि बिजेताले पनि १५ लाख रुपैया पाउने भएको छ । यस्तै दोश्रो, तेश्रो र चौथो स्थान हासिल गर्ने टोलीले क्रमशः ८ लाख, ५ लाख र ३ लाख पाउनेछन् । सागको समुहगत खेलका स्वर्ण बिजेताहरुलाई यसअघि नै सरकारले प्रति ब्यक्ति ६ लाख रुपैया दिने घोषणा गरेको थियो ।

Continue Reading
Headline13 hours ago

अभिषेक र मञ्जलीले पाए मोटरसाइकल

Headline13 hours ago

नगरपालिकासँग फुटबल बिकासका लागि एन्फाले गर्‍यो सहकार्य

Headline14 hours ago

अष्ट्रेलियाको भारतबिरुद्ध फराकिलो जित, कठिन पिचमा जाम्पाको उत्कृष्ट बलिङ्ग

Headline15 hours ago

मनाङ ए र हुम्देको पहिलो दिन जित

Headline16 hours ago

वेष्ट इण्डिजको बिशाल स्कोरका बावजुद न्युजिल्याण्डको सनसनीपूर्ण जित

Headline18 hours ago

पोलार्डको बिष्फोटक ब्याटिङ्गमा न्युजिल्याण्डलाई १ सय ८० रनको लक्ष्य

Headline19 hours ago

भारतबिरुद्ध अष्ट्रेलियाको पहाडजस्तो योगफल, फिन्च र स्मिथको शतक

Headline20 hours ago

यस कारण मेस्सी र रोनाल्डोभन्दा म्याराडोना महान

Headline21 hours ago

म्याराडोना: तस्बिरमा उनको जीवन

Headline22 hours ago

मनाङमा ३३ सय ५० मिटर उचाइमा भ्राका नेसाङ फुटबल लिग शुरु

Headline2 months ago

धेरै ऋणको भारी बोकेका पाँच युरोपेली क्लबहरु

Headline7 months ago

ब्राजिलले पाएको अहिलेसम्मकै उत्कृष्ट १० फुटबलर

Headline2 months ago

सात महादेशका सात उत्कृष्ट खेलाडीहरु

Headline3 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline6 months ago

ट्रान्सफर मार्फत सर्वाधिक कमाउने ५ खेलाडी

Headline2 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 month ago

फेरि पनि टिममा अटाएनन् स्ट्राइकर बिमल

Headline5 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline3 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline4 months ago

आर्सनलको दुर्गतिः न च्याम्पियन्स लिग, न युरोपा लिग

Trending