Connect with us

Headline

क्लबका लागि ७ सयौं खेलमा मेस्सी चम्कदा बार्सा च्याम्पियन्स लिगको अन्तिम १६ मा

wesportz

Published

on

बार्सिलोनाका लागि आफ्नो ७०० औं खेलमा उत्कृष्ट खेल प्रदर्शन गर्दै लियोनल मेस्सीले स्पेनिस क्लबलाई च्याम्पियन्स लिगमा डर्टमण्डबिरुद्ध सहज जित दिलाएका छन् ।

घरेलु मैदानमा भएको खेलमा बार्सिलोनाले जर्मन क्लब डर्टमण्डलाई ३–१ ले पराजित ग¥यो र तीनै गोलमा मेस्सीको संलग्नता रहेको थियो । मेस्सी र उरुग्वे स्ट्राइकर लुइस स्वारेजले चार मिनेटको अन्तरालमा एक–एक गोल गरेपछि बार्साले ३३ मिनेटमा २–० को अग्रता लिएको थियो ।  यस क्रममा मेस्सीले च्याम्पियन्स लिगमा आफ्नो गोल संख्यालाई १ सय १४ पु¥याएका छन् ।

मेस्सीले निकालेको पासमा सुवारेजले डर्टमण्ड गोलकिपर रोमन बुर्कि अगाडि बढेको समयमा उनको दुई खुट्टाको बीचबाट बललाई पोस्टको दिशा दिएका थिए । चार मिनेटपछि नै वान–टु पासमा स्वारेजले मेस्सीलाई पास निकाले र उनले निकै सटिक प्रहार गर्दै गोल गरेका थिए ।

६७ औं मिनेटमा मेस्सीकै उत्कृष्ट पासमा फ्रेन्च फर्वार्ड एन्टोइन ग्रिजमानले सहज गोल गर्दै डर्टमण्डको चुनौतिलाई लगभग टुङ्गाएका थिए । डर्टमण्डका लागि एक मात्र गोल इङ्गल्याण्ड विङ्गर जेडन सान्चोले गरेका थिए ।

जितपछि एक खेल अगावै अन्तिम १६ मा प्रवेश गरेको बार्सिलोनाको समुह एफमा ११ अंक रहेको छ । अन्तिम १६ मा प्रवेश गर्नका लागि डर्टमण्ड स्लाभिया प्रागबिरुद्धको आफ्नो अन्तिम खेलमा मात्र नभइ इन्टर मिलानको बार्सिलोनाबिरुद्धको खेलमा पनि निर्भर गर्नेछ ।

डर्टमण्ड र इन्टर दुवैको ७ अंक रहेको छ । इन्टरले बुधबार नै सम्पन्न खेलमा प्रागलाई ३–१ ले पराजित गरेको थियो । अन्य खेलहरुमा जेनिट सेन्ट पिट्सबर्गले लियोनलाई २–० र साल्जबर्गले जेन्कलाई ४–१ ले पराजित गरेको थियो । लिपजिग र बेन्फिकाले भने २–२ गोलको बराबरी खेलेका थिए ।

Click to comment

Leave a Reply

Your email address will not be published. Required fields are marked *

Headline

सिजनको पहिलो ठूलो लिग खेलमा लिभरपुल र चेल्सी भिड्दै

wesportz

Published

on

प्रिमियर लिगका दुई ठुला टोली लिभरपुल र चेल्सी आइतबार आमने–समाने हुँदै छन् । चेल्सीको घर स्ट्याम्फोर्ड ब्रिजमा हुने खेललाई फ्रांक लामपार्ड र योर्गन क्लोप बिचको युद्धको रुपमा पनि हेरिने छ ।

क्लोपले केही दिन अघी “चेल्सी जस्तो नचाहिदो पैसा खर्च गर्न लिभरपुलले सक्दैन भन्दै प्रतिकृया दिएपछि लामपार्ड र उनीबिच शित युद्ध चलेको थियो । चेल्सीले यो समर विन्डोमा २ सय मिलियन युरो बढी खर्च गर्दै युवा खेलाडीले भरिएको टोली बनाएको छ ।

लिभरपुल पनि सिजनको सुरुवात देखी नै निकै उत्साहित देखिएको छ । बायर्न म्युनिखबाट मिडफिल्डर थियागो अल्कान्टरा र वुल्भ्सबाट फर्वार्ड डिएगो जोटालाई केही अघी मात्र भित्र्याएको लिभरपुलले पनि यो विन्डोमा राम्रै पैसा खर्च गरेको छ ।

चेल्सीका नयाँ खेलाडी काइ ह्वाभर्ट्ज र टिमो वेर्नरका लागि पनि यो खेल निकै महत्वपूर्ण हुने देखिन्छ । पछिल्ला तीन प्रिमियर लिगमा चेल्सीले लिभरपुललाई एक पटक पनि पराजित गर्न सकेको छैन । घरमा हुने खेल चेल्सीलाई केही फाईदा जनक त हुने छ ।

आ–आफ्नो पहिलो खेलमा जित हात परेका चेल्सी र लिभरपुल दोस्रो जितको खोजीमा हुनेछन् । खेल नेपाली समय अनुसार राती ९ः१५ बजे सुरु हुने छ ।

यस्तै अन्य खेलहरुमा एवर्टनसँग हार्न पुगेको टोटनह्यामले साउथह्याप्टनको समाना गर्ने छ । दोस्रो खेलमा न्युकासल र ब्राइटन भिड्ने छन् भने अन्तिम खेलमा राती ११ः४५ बजे लेस्टर सिटीले बर्न्लीको समाना गर्ने छ ।

Continue Reading

Headline

युरोपियन राउण्ड–अपः १७ बर्षिय अमेरिकी रेनाको पहिलो गोल, इटालीमा रोमा रोक्कियो

wesportz

Published

on

१७ बर्षिय अमेरिकी मिडफिल्डर जियो रेनाले जर्मन बुन्डेसलिगामा आफ्नो पहिलो गोल गर्दा बोरुसिया डर्टमण्डले बोरुसिया मोएनचेनग्लाडबाचलाई ३–० को फराकिलो अन्तरले पराजित गरेको छ ।

रेनाले अर्का १७ बर्षिय इङ्गल्याण्ड खेलाडी जुड बेलिङ्गमसँग वान–टु पास खेल्दै ग्लाडबाच गोलकिपर यान सोमरलाई बिट गरेका थिए । मार्चमा कोरोना भाइरसपछि खाली रँगशालामा खेल्दै आएको डर्टमण्डले शनिबार भने ९ हजार ३ सय समर्थकलाई प्रवेश दिएको थियो ।

रँगशालामा समर्थक फर्किनु निकै राम्रो कुरा हो र उनीहरुको अगाडी गोल गर्नु अझै राम्रो । हामीले राम्रो शुरुवात पाएको छौं, डर्टमण्डका लागि जनवरी १८ मा अस्बर्गबिरुद्धको खेलमा डेब्यु गरेपछि १६ खेलमा गोल गरेका रेनाले भने ।

१७ बर्ष, दुई महिना र पाँच दिनको उमेरमा रेना बुन्डेसलिगा खेल्ने सबैभन्दा कान्छो खेलाडी बनेका थिए । रेनाको लागि उत्कृष्ट रहेको दिनमा नर्वेजियन स्ट्राइकर एर्लिङ्ग हालान्डले बाकी दुई गोल गरेका थिए । रेनाले नै कमाएको पेनाल्टीमा हालान्डले पहिलो गोल गरेका थिए ।

हेलास भेरोनासँग एएस रोमा रोकियो

इटालियन सिरी आ को पहिलो दिन अघिल्लो सिजन पाचौं स्थानमा सक्काएको एएस रोमालाई हेलास भेरोनाले गोलरहित बराबरीमा रोक्यो । एडिन जेको बेञ्चमै बसेको खेलमा रोमाले उल्लेखनीय केही गर्न सकेन ।

बोस्नियन जेको युभेन्टस जाने हल्ला चल्दै आइरहेको छ । पहिलो हाफको शुरुवातमा रोमाले दबदबा कायम गरेपनि भेरोनाले घरेलु मैदानमा खेललाई नियन्त्रणमा लिन थालेको थियो । भेरोनाको दुई वटा प्रहार पोस्टमा लागेर फर्किएको थियो ।

अर्को खेलमा फियोरेन्टिनाले टोरिनोलाई १–० ले पराजित गर्यो । फ्रांक रिबेरीले पहिलो पटक कप्तानी गर्दा फियोरेन्टिनाका लागि गेटानो काष्ट्रोभिलिले गोल गरेका थिए ।
इटालीको खेलकुद मन्त्रालयले आइतबारदेखि फुटबल लगायत अन्य खुला मैदानमा खेलिने खेलहरुको लागि एक हजार समर्थकहरुलाई प्रवेश दिने बताउदै आएका छन् । ९ पटकको बिजेता युभेन्टसले लिगको आफ्नो पहिलो खेल समर्थकहरुकै उपस्थितिमा खेल्ने बताएको छ ।

टिन ट्रफर्टको ड्रिम डेब्यु

टिनेज डिफेण्डर एड्रियन ट्रफर्टले डेब्यु खेलमै गोल गरेपछि फ्रेञ्च लिग वानमा रेनेस मोनाकोलाई २–१ ले पराजित गर्दै अंक तालिकाको माथिल्लो स्थानमा पुगेको छ । फाइटाउट मोवासा घाइते भएपछि मात्रै १८ बर्षिय लेफ्ट ब्याक मैदान प्रवेश गर्न पाएका थिए ।

१–० ले पछि परेको स्थितिमा मात्र ९ मिनेट बाकी रहदा ट्रफर्टको सटिक क्रसमा फ्रेञ्च मिडफिल्डर स्टिभन एनजोन्जीले हेडर मार्फत गोल गर्दै बराबरी गरेका थिए । अतिरिक्त समयको दोश्रो मिनेटमा ट्रफर्टले गोल गर्दै रेनेसलाई बिजयी बनाए ।

रेनेसको १० अंक रहेको छ । शनिबारको खेलमा मोनाकोका लागि विसम बेन येदेरले २८ औं मिनेटमा गोल गर्दै टोलीलाई अग्रता दिलाएका थिए ।

Continue Reading

Headline

आर्सनलको सुदृढ मानसिकताले व्यवस्थापक आर्टेटा खुशी

wesportz

Published

on

एडी एनकेटियाह्ले अन्तिम समयमा बिजयी गोल गरेपछि आर्सनल व्यवस्थापक मिकेल आर्टेटाले आफ्नो टोलीको मानसिक बलको सराहना गरेका छन् ।

शनिबारको अन्तिम इङ्गलिस प्रिमियर लिग खेलमा आर्सनलले वेष्टह्याम युनाइटेडलाई २–१ ले पराजित गर्यो । तर यस क्रममा आर्सनल दवाबमुक्त भने रहन सकेको थिएन । आर्सनलले २५ मिनेटमै एलेक्जेण्ड्रे लाकाजेटको गोलमार्फत अग्रता लिएको थियो ।

तर मध्यान्तर अघि नै रायन फेडेरिक्सले गोल गरेपछि वेष्टह्याम खेलमा फर्किएको थियो । एमिरेट्समै अंक गुमाउने खतरामा रहेको आर्सनललाई ८५ औं मिनेटमा एनकेटियाह्ले जोगाएका थिए । उनले ड्यानी सेबालोसको पासमा गोल गरेपछि आर्सनल सिजनको सुखद शुरुवातलाई निरन्तरता दिन सफल भएको थियो ।

एभर्टन र क्रिष्टल प्यालेससँगै आर्सनलले सिजनको शुरुवाती दुई खेलमा जित हात पारेको छ । “अन्तिम २५ मिनेट केटाहरुले जुन दृष्टिकोणमा खेले त्यो मलाई निकै मन पर्यो । उनीहरु पहिले निराश देखिएका थिए तर पछि उत्साहका साथ प्रतिस्पर्धामा उत्रन पुगे,” आर्टेटाले भने ।

“शायद केही महिनाअघि हामी यो खेलमा या त बराबरीमा रोकिने थियौं वा पराजित नै हुने थियौं । तर आज जितेका छौं । अन्त्यमा हामीले जसरी भए पनि जित्ने तरिका खोज्नुपर्छ किनभने यो सिजभर यस्तै खेलहरुको सामना गर्नुपर्नेछ,” आर्टेटा भन्छन् ।

शनिबारको खेलपछि वेष्ट ह्यामले भने लगातार दुई खेलमा पराजय बेहोरेको छ । यसअघि लिड्सले १६ बर्षपछि प्रिमियर लिगमा पहिलो जित दर्ता गर्दै फुलह्यामलाई ४–३ ले हरायो भने म्यानचेस्टर युनाइटेड ओल्ड ट्राफोर्डमै क्रिष्टल प्यालेससँग पराजित हुन पुगेको थियो ।

Continue Reading
Headline2 hours ago

सिजनको पहिलो ठूलो लिग खेलमा लिभरपुल र चेल्सी भिड्दै

IPL 20206 hours ago

दिल्लीले पन्जाबको सामना गर्दै, सन्दिपको सुरुवाती ११ पर्ने सम्भावना कति ?

Headline6 hours ago

युरोपियन राउण्ड–अपः १७ बर्षिय अमेरिकी रेनाको पहिलो गोल, इटालीमा रोमा रोक्कियो

Headline7 hours ago

आर्सनलको सुदृढ मानसिकताले व्यवस्थापक आर्टेटा खुशी

Headline16 hours ago

सिजनको पहिलो खेलमै म्यानचेस्टर युनाइटेड क्रिस्टल प्यालेससँग पराजित

Headline17 hours ago

साबिक विजेता मुम्बई पहिलो खेलमा नै पराजित

IPL 202019 hours ago

मुम्बईले चेन्नाईलाई दियो १६३ रनको लक्ष्य 

Headline19 hours ago

१६ बर्ष पछि लिड्सको प्रिमियर लिगमा पहिलो जित

IPL 202021 hours ago

टस जितेर चेन्नाईले पहिले बलिङ गर्ने 

Headline21 hours ago

लेविनको ह्याट्रिकमा एवर्टन बिजयी

Headline5 days ago

धेरै ऋणको भारी बोकेका पाँच युरोपेली क्लबहरु

Headline4 months ago

ब्राजिलले पाएको अहिलेसम्मकै उत्कृष्ट १० फुटबलर

Headline3 weeks ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline4 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline1 month ago

एक युगको अन्त्य हुँदा बार्सामा क्रान्ति एक मात्र बिकल्प

Headline2 months ago

आर्सनलको दुर्गतिः न च्याम्पियन्स लिग, न युरोपा लिग

Headline3 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Headline10 months ago

लाम्पार्डको आगमनसँगै बदलिएको चेल्सी

Headline3 months ago

कहा छन् भारतलाई अण्डर १९ बिश्वकप जिताउने कप्तान उन्मुक्त चन्द ?

Trending