Connect with us

Trending

एक सय ३० मिलियन डलरका एनबिए स्टार जो पुजारी बन्न सक्थे

अद्वितीय रुपमा एनबिए जितेको क्यानडेली टोली र्याप्टर्सले यस्तै अद्वितीय कथा बोकेको ब्यक्तिबाट अरु सफलताको आशा गरिरहेको छ । फुटबलर बन्न चाहेका यस्ता ब्यक्ति जो पुजारी बन्न सक्थे ।

Published

on

पास्कल सियाकमले आफ्नो जिन्दगीको पहिलो १७ बर्ष बास्केटबल त्यति राम्ररी समातेकै थिएनन् । उनका लागि यो आफ्नो परिवारका दाईहरुले खेल्ने एउटा सामान्य खेल मात्र थियो । उनका बुवाले आफ्ना छोराहरुमध्ये कोही एक भविष्यमा एनबिएमा खेलेको हेर्ने सपना राखेपनि सियाकम भने अन्य खेलमा रुचि राख्दथे ।

सियाकम परिवारका ६ दाजुभाई मध्ये सबैभन्दा कान्छा थिए । “म फुटबल खेल्थे र यसमा राम्रो पनि थिए । मैले चोहेको भए म फुटबल खेलाडी हुन्थे,” सियाकम भन्छन् । तर जब उचाई ६ फिट ७ इञ्ज अग्लो हुन्छ, बास्केटबललाई मतलब नगरि बस्न सकिदैन ।

सियाकमले बास्केटबल खेलेको १० बर्ष भन्दा कम भएपनि उनले तय गरेको यात्रा निकै नै प्रभावशाली छ । अहिले २५ बर्ष पुगेका सियाकमले गत सिजन बिश्वकै महँगो र चर्चित मध्येको लिग एनबिएमा सबैभन्दा सुधारिएको खेलाडीको उपाधि जितेका थिए । यस क्रममा उनले टोरन्टो र्याप्टर्सलाई उपाधि दिलाउने क्रममा उल्लेखनीय योगदान दिएका थिए ।

तर सियाकमले आफूलाई हालको स्थितिमा डोर्याउदासम्मको यात्रा भने कुनै रुपमा सामान्य छैन ।

क्यामरुनको आर्थिक राजधानी डुवालामा जन्मिएका सियाकमले आफ्नो शुरुवाती दिनहरु बाफिया भन्ने एक सानो शहरमा रहेको सेन्ट एन्ड्रयुज सेमिनरीमा पुजारीको प्रशिक्षण लिदै बिताएका थिए ।

आफू हुर्किएको संसारमा क्याथोलिक चर्चको अनुशासन पछ्याउनै पर्ने कारण सियाकम सधैजसो घरबाट ८ घण्टा टाढा रहेको सेमिनरीमा ब्यस्त रहन्थे । यस क्रममा उनी शहरी चमक धमकबाट टाढै रहन पुगे । तर यही अनुभवले उनलाई अहिले जे छन् त्यही बन्नको लागि आकार दिएको थियो ।

“त्यहाँ (सेमिनरीमा) नियम निकै कडा हुने गर्छ । जब म त्यहाँ पुगे, मलाई धेरुै कुराहरु गर्न आउदैन थियो । तर यसले मलाई कसरी परिपक्व बन्न सक्छु भनेर सिकायो । मैले आफ्नो जिम्मेवारी कसरी लिने र ख्याल राख्ने सिक्न पुगे । बाहिरि दुनियामा कसरी प्रस्तुत हुने र आफ्नो लागि कसरी लड्ने, मैले यस्तै कुराहरु सिक्न पुगे,” उनी भन्छन् ।

सेन्ट एन्ड्रयुजमा सात बर्ष बिताँउदा सियाकमका लागि बास्केटबल कहिले पनि पहिलो रोजाइमा परेन । उनलाई सधै बिहान पाँच बजे उठ्दै दैनिकिमा लाग्नु बाहेक पढाइमा पनि ध्यान दिनु पर्ने दवाब थियो । उनको परिवारले सियाकम अब पुजारी नै बनेर जिविकोपार्जन गर्ने अपेक्ष गरिरहेका थिए । तर सियाकम फरक ढँगले सोच्न पुगे ।

चर्चमै भएपछि गरिने काम नै यही पुजारीकै हुन्छ । मेरो बुवा मैले भविष्यमा यही नै गर्न चाहन्छु भनेर सोच्नु भएको थियो । तर मैले कहिले यो चाहेको थिइन, उनले भने । तर आफूले युवा अवस्थामा खासै वास्ता नगरेको खेल नै उनको चाहना बन्न पुग्यो ।

सन् २०११ म सियाकम आफ्ना साथीहरुसँगै क्यामरुनका एनबिए स्टार लुच एम्बाह अ मुटेले आयोजनका गरेको बास्केटबल ट्रेनिङ्ग क्याम्पमा सहभागिता जनाउन पुगे । एनबिएमा १० सिजन बिताएका भेटेरान एम्बाह अ मुटे अहिले पनि आफ्नो जन्मभुमिमा बास्केटबल क्याम्पहरु आयोजना गर्दै आइरहेका छन् । उनको टोलीले नै अर्का क्यामरुनीयन खेलाडी जोल एमबिडलाई फिलाडेल्फििया सेभेन्टी सिक्सर्ससम्म पु¥याएको थियो ।

यसअघि प्रतिस्पर्धात्मक बास्केटबल कहिले पनि नखेलेका १७ बर्षीय सियाकमको प्रतिस्पर्धात्मक रहने भावना र खेलमा देखाउने तन्दरुस्ततालाई बेवास्ता गर्न असम्भव जस्तै हुन गयो । एक बर्षपछि सियाकमलाई दक्षिण अफ्रिकामा भएको एनबिएको अन्तर्राष्ट्रिय बिकास कार्यक्रम बास्केटबल बिदाउट बोर्डर्समा सहभागिता जनाउनका लागि निमन्त्रणा आयो ।

“यो मेरो लागि निकै ठूलो उपलब्धि थियो । मैले बास्केटबललाई लिएर बटुलेको अनुभव भन्दा पनि त्यहाँको माहोलले मलाई तानेको थियो । एनबिए र प्रशिक्षकहरुले मेरो आखा अगाडी बिल्कुलै फरक दुनिया देखाएका थिए । म निकै उत्साहित थिए । मलाई यस्तो लाग्यो यदि म अमेरिका पुगेर खेल्नुका साथै राम्रो शिक्षा पनि लिन सक्छु भने किन नगर्ने त ? यो मेरो सपना हुन पुग्यो,” सियाकमले सम्झिए ।

सियाकम र उनीजस्ता खेलाडीहरुले एनबिएमा यो उमेरमा खेल्न पाउने अपेक्षा कमै गर्न सकिन्थ्यो । तर उनले धेरै प्रशंसकहरु बटुलिसकेका थिए । “उनी निकै दुब्लो–पातलो फुच्चे केटा थिए,” सन् २०१२ मा सियाकमलाई दक्षिण अफ्रिकाको क्याम्पमा देखेका र्याप्टर्सका अध्यक्ष मासाई उजिरीले सम्झिए । “तर तपाइलाई उनको स्किलको बारेमा कसैले पनि भन्न सक्थ्यो । उनी आरामले स्कोर गर्न सक्थे । उनीमा बास्केटबल प्रतिको लगाव धेरै नै थियो । मलाई त्यही मन परेको थियो ।”

र्याप्टर्सले पछिल्लो समय लिएको उचाइमा मुख्य योगदान पु¥याएका उजिरी एनबिएका कुसल ब्यवस्थापक मध्येका एकमा गनिन्छन् । सियाकमजस्तै अफ्रिका (नाइजेरिया) मा हुर्किएका उजिरीले लामो समय अफ्रिकी महादेशमा एनबिए र आफैले सञ्चालन गर्दै आइरहेको कार्यक्रम जायन्ट्स अफ अफ्रिकामार्फत लगानी गर्दै आइरहेका थिए ।

सन् २०१२ मा सियाकमलाई पहिलो पटक भेटेका उजिरीले चार बर्षपछि र्याप्टर्सका लागि पहिलो चरणको ड्राफ्टमै लिने सोचेका पनि थिएनन् । तर सियाकममा देखेको बिशेष उर्जा उनको मानसपटलमा ताजा नै रहेको थियो । “उनी निकै नै प्रतिस्पर्धी र जित्नै पर्ने खेलाडी थिए । कलिलो उमेरमै त्यो हुनु निकै राम्रो हो किनभने यो बिकास हुदै जान्छ । अहिले जब पास्कल खेल्छन्, टिम जित्ने गर्छ,” उजिरी गर्वका साथ सुनाउछन् ।

सियाकम भन्छन्ः “म उत्कृष्ट खेलाडी नभएपनि मलाई आत्मसमर्पण गरि हालौ भन्ने कहिले पनि भएन । र मलाई सधै कोशिष गर्नुपर्छ भन्ने थियो । म एक खेलाडी हु । कुद्ने र उफ्रने कुनै पनि काम छ भने म सधै उत्साहित हुन्छु । त्यसैले बास्केटबलले म मा बिशेष उत्साह थप्छ ।”

सन् २०१२ सम्मा उनका तीन जना दाइहरुले अमेरिकामा स्कोलसिप पाएका थिए । उनले आफ्ना दाईहरुलाई नै अनुशरण गरे । दक्षिण अफ्रिकाको क्याम्पमा देखाएको उत्साहले उनले अमेरिकी बास्केटल स्काउटहरुको ध्यान खिच्न सफल भइसकेका थिए । उनलाई लेविसभिल शहरमा उच्च शिक्षा पुरा गर्ने मौका दिइयो । १८ बर्ष पुग्दासम्म उनले आफ्नो यसअघि जीवनलाई पूर्ण रुपमै पछाडी छोडिसकेका थिए ।

“क्यामरुनबाट टेक्सास जानु मेरो लागि परिवर्तन थियो । अंग्रेजी भाषा र त्यहाँको संस्कृति सिक्दा मैले आफूलाई त्यही अनुरुप ढाल्नु पर्ने भयो । तर म परिवर्तनका लागि सधै तयार थिए । सानो उमेरदेखि नै मलाई यो कसरी गर्न सकिन्छ भनेर सिकाइएको थियो । ममा प्राकृतिक रुपमा नै यो परिवर्तन आयो,” उनी बताउछन् ।

हाइ स्कुल सक्किएपछि सियाकमले न्यु मेक्सिको स्टेट युनिभर्सिटीबाट स्कोलरसिप पाए । त्यही समय अक्टोबर, २०१४ मा उनका पिता चामोको क्यामरुनको कार दुर्घटनामा मृत्यु भएपछि सियाकम परिवारलाई नराम्रो धक्का लाग्यो । त्यसयता सियाकमले बास्केटबल कोर्टमा जे गर्दै आएका छन् त्यो उनको बुवालाई दिइएको एक उर्जाशील श्रद्वांजली रहदै आएको छ ।

“मेरो बुवाले आफ्ना ६ जना छोराहरुलाई हुर्काउन निकै कठि मिहिनेत गर्दै आएका थिए । हामीलाई उनले कुनै कुराको कमि हुन दिएनन् । उनको एउटा सपना थियो र त्यो पुरा गर्न म सफल भएको छु । यसको मलाई गर्व छ । यो सबै देख्नको लागि उहा यहा भएको भए हुन्थ्यो,” उनी भन्छन् ।

कलेज बास्केटबल लिगमा दुई सिजन बिताएपछि सियाकमले न्यु मेक्सिको स्टेट छोडे । बास्केटललाई गम्भिर रुपमा लिदै खेलको मात्र चार बर्ष भएपनि उनले न्यु मेक्सिको छोड्दा उनी वेस्टर्न एथ्लेटिक कन्फेरेन्सका बर्ष खेलाडी भइसकेका थिए । यद्दपि सन् २०१६ को एनबिए ड्राफ्टमा कतिपयका लागि उनलाई लिनु खतरा मोल्नु रहेको मान्दथे ।

“मेरा केटाहरु निकै राम्रा छन्,” सियाकमलाई टिममा लिनुको कारणबारे उजिरी खुलाउछन्ः “हाम्रो बिश्वब्यापी स्काउट गर्ने मध्येका एक प्याट्रिक एन्जेलब्रेच्टले यो केटामाथि आखा राख्दै गर्नु भनेका थिए । प्याट्रिकले मलाई पास्कलको गेम हेर्न दुई तीन चोटी लिएर गएका थिए । खेलाडीहरुमा लगातार आखा राख्दै गर्दा उनीहरुमा आएको सुधारप्रति पनि ध्यान जान्छ ।”

एनबिए ड्राफ्टको पहिलो चरणमै २७ औं नामको रुपमा टिप्दा सियाकम उजिरीको लागि पर्याप्त रुपमा सुधारिएको खेलाडी भइसकेका थिए । त्यसपछि उनको र्याप्टर्ससँगको यात्रा शुरु भएको थियो ।

र्याप्टर्सको शुरुवाती सिजनमा डेभलपमेन्ट मुख्य प्रशिक्षक जामा माह्लालेलाले सियाकमलाई कहिले मुख्य टिम त कहिले जि–लिग टिममा खेलाएर हेरे । माह्लालेलाका लागि सियाकमले देखायो उर्जा र उत्साह काफि थियो । “हामी बास्केटबलमा पोजिसन नभएका खेलाडीहरुको कुरा गछौं । पास्कल त्यही हुन् । उनी पोइन्ट गार्ड देखि सेन्टरसम्मको पोजिसनमा खेल्न सक्छन् । यो अदभुत स्किल हो,” माह्लालेला भन्छन् । “उनी हरेक दिन परिक्षामा खरो उत्रन्छन् । उनी आज जे छन् त्यसले उनलाई पर्याप्त नै हुदैन । उनी भोलि के हुन सक्छु भन्नेमा नै बढी ध्यान दिन्छन् ।”

यो सिजन सियाकमका लागि र्याप्टर्समा चौथो हुनेछ । यो बर्ष उनीबाट अझै अपेक्षा गरिएको छ । भनिन्छ एनबिए जित्नका लागि सुपरस्टारको आवश्यकता पर्छ । गत सिजन र्याप्टर्सले उपाधि जितेसँगै सियाकमले यसलाई साबित गरेका छन् ।

प्लेअफमा लगातार असफल भएपछि उजिरी र र्याप्टर्सले फ्राञ्चाइजकै उत्कृष्ट खेलाडी डेमार डेरोजानलाई दिदै असन्तुष्ट स्टार कवाही लेनर्डलाई लिने साहसिक निर्णय लियो । तर लेनर्डले उत्कृष्ट प्रदर्शन गर्दै उपाधि दिलाएपछि यो निर्णय सही साबित हुन पुग्यो । यद्दपी लेनर्ड यो सिजन एलए क्लिपर्स तर्फ लागेपछि र्याप्टर्समा एक सुपरस्टारको कमी भएको महसुस हुन थालेको छ ।

र्याप्टर्स व्यवस्थापन भने यो कमीलाई सियाकमले परा गर्नेमा बिश्वस्त छ । सियाकमले हरेक सिजन उचाइ लिने बिश्वास राख्दै ¥याप्टर्सले अर्को चार बर्षसम्मका लागि उनीसँग एक सय ३० मिलियन डलरको नयाँ सम्झौता गरिसकेको छ । करले बास्केटबल खेलाडी बनेका एक खेलाडीको सुपरस्टारसम्म तय गर्ने यात्राले अब पूर्ण रुप लिने देखिएको छ । “च्याम्पियन भएपछि आत्मबिश्वास निकै उच्च हुन्छ । एनबिएमा यो अरु टिमका लागि घातक हुनसक्छ । पास्कलमा थप आत्मबिश्वास हुनु खतरा कै घण्टी हो,” माह्लालेला भन्छन् ।

सियाकममा च्याम्पियन बन्दाको चमक अझै पनि ताजै छ । सात बर्षमा पहिलो पटक क्यामरुन जादा उनले उजिरीको जायन्ट्स अफ अफ्रिका बास्केटबल क्याम्पमा एनबिए ट्रफि लिएर गएका थिए । “भविष्यमा म जहा छु त्यहा पुग्ने सपना बोकेका बच्चाहरुकोबीच यो ट्रफि छुदाको महसुस गराउदाको आनन्द अर्कै हुन्छ । म सानो हुँदा यो मौका पाएको थिइन । अहिले त्यो मौका दिन पाउदाको क्षण निकै बिशेष छ,” उनी भन्छन् ।

आफ्नो जिन्दगीमा भएको अद्भुत परिवर्तनका बावजुद सियाकम आफूलाई धरातलमै राख्न रुचाउछन् । किनभने उनी एनबिएको यस्तो टिममा छन् जुन अमेरिका बाहिरको हो र यसै कारणले र्याप्टर्सबारे मान्छेहरु खासै वास्ता गर्दैनन् ।

अद्वितीय रुपमा एनबिए जितेको क्यानडेली टोली र्याप्टर्सले यस्तै अद्वितीय कथा बोकेको ब्यक्तिबाट अरु सफलताको आशा गरिरहेको छ । सियाकम फुटबलर बन्न चाहेका यस्ता बास्केटबल खेलाडी हुन् जो पुजारी बन्न सक्थे ।

Click to comment

Leave a Reply

Your email address will not be published. Required fields are marked *

Headline

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Published

on

आठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।

पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा  सब्सटिच्युटमा आएकी क्लोई  केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।

दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।

इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।  

Continue Reading

Headline

 नेपालको पोस्टमा भारतको गोलको वर्षा 

Published

on

नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।

कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो । 

नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।

पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७  गोल खाएको हो । 

दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।

यस्तै पथुम गिमहानाले ६४औं,  हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औंशुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।       

आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो । 

भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।

नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।

नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।

कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो । 

नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।

पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७  गोल खाएको हो । 

दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।

यस्तै पथुम गिमहानाले ६४औं,  हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औंशुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।       

आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो । 

भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।

 

Continue Reading

Headline

साफ महिला च्याम्पियनसिप :  नेपाललाई सजिलो समूह

Published

on

आगामी भदौ २१ देखि असोज ३ गते सम्म घरेलु मैदानमा नै आयोजना हुने साफ महिला च्याम्पियनसिपमा नेपाल सजिलो समूहमा परेको छ ।

दक्षिण एसियाली फुटबल फेडेरेसन (साफ) ले सार्वजनिक गरेको ड्र अनुसार नेपालसँगै श्रीलंका र भुटान समूह बी मा रहेका छ । यस्तै साविक विजेता भारत सहित बंगलादेश, पाकिस्तान र माल्दिभ्स समूह ए मा छ ।

नेपालमा लगातार दोस्रो पटक साफ महिला फुटबल हुन लागेको हो र समग्रमा यो छैटौँ संस्करण हो । नेपालले अहिले सम्म उपाधि जित्न भने सकेको छैन । यस अघि भएका सबै पाँच संस्करणको उपाधि भारतले जितेको छ ।

पछिल्लो पटक विराटनगरमा भएको साफमा नेपाल फाइनलमा भारतसँग पराजित भएको थियो ।

 

Continue Reading
लेख4 weeks ago

केन्या माथि नेपालको कीर्तिमानी जित

लेख4 weeks ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख4 weeks ago

नेपाल टी२० लिग : खेलाडी दर्ता सुरु, चार मापदण्ड तय

लेख4 weeks ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख1 month ago

नेपालले हरायो केन्यालाई 

लेख1 month ago

नेपालका लागि केन्या टुर महत्वपूर्ण

लेख1 month ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख1 month ago

नयाँ प्रशिक्षक प्रभाकर भन्छन् : पहिलो काम लिग टु

लेख1 month ago

बाना कपका लागि सुदुरपश्चिमको जर्सी सार्वजनिक  

लेख1 month ago

यस्ता छन् एन्फा कार्यसमिति बैठकका निर्णयहरू

लेख2 months ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख2 months ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline2 months ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline2 months ago

 नेपालको पोस्टमा भारतको गोलको वर्षा 

Headline2 months ago

साफ महिला च्याम्पियनसिप :  नेपाललाई सजिलो समूह

Headline2 months ago

लगातार दोस्रो जित निकाल्दा नेपाल फाइनल नजिक 

Headline2 months ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline2 months ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline2 months ago

क्यान अध्यक्ष चन्दलाई आईसीसीको सम्मान 

Headline2 months ago

आयोजक बाना र फार वेस्टर्न टेक्ससलाई बाना कपको  उपाधि 

लेख4 weeks ago

केन्या माथि नेपालको कीर्तिमानी जित

लेख4 weeks ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख4 weeks ago

नेपाल टी२० लिग : खेलाडी दर्ता सुरु, चार मापदण्ड तय

लेख4 weeks ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख1 month ago

नेपालले हरायो केन्यालाई 

लेख1 month ago

नेपालका लागि केन्या टुर महत्वपूर्ण

लेख1 month ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख1 month ago

नयाँ प्रशिक्षक प्रभाकर भन्छन् : पहिलो काम लिग टु

लेख1 month ago

बाना कपका लागि सुदुरपश्चिमको जर्सी सार्वजनिक  

लेख1 month ago

यस्ता छन् एन्फा कार्यसमिति बैठकका निर्णयहरू

लेख2 months ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख2 months ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline2 months ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline2 months ago

 नेपालको पोस्टमा भारतको गोलको वर्षा 

Headline2 months ago

साफ महिला च्याम्पियनसिप :  नेपाललाई सजिलो समूह

Headline2 months ago

लगातार दोस्रो जित निकाल्दा नेपाल फाइनल नजिक 

Headline2 months ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline2 months ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline2 months ago

क्यान अध्यक्ष चन्दलाई आईसीसीको सम्मान 

Headline2 months ago

आयोजक बाना र फार वेस्टर्न टेक्ससलाई बाना कपको  उपाधि 

Trending

error: Content is protected !!