Connect with us

Trending

युएस ओपनको नक्कली चेक देखि ३१ लाख पाउण्डसम्म जित्ने आन्दे्रस्कुको कथा

Published

on

तीन बर्षअघि, १६ बर्षीया बियान्का आन्द्रेस्कुले आफ्नै लागि एउटा नक्कली चेक लेखिन । उनले युएस ओपनको बिजेतालाई दिइने चेकको नक्कल गरेकी थिइन् ।

तीन बर्षपछि शनिबार भएको फाइनलमा सेरेना विलियम्सलाई ६–३, ७–५ ले पराजित गरेपछि क्यानेडियन बेरेस्कुले यथार्थमै सक्कली चेक हात पारिन् । त्यसको मुल्य ३१ लख पाउण्ड रहेको छ ।

“मैले निकै लामो समयदेखि यो क्षणको सपना देखिरहेको थिए, आफ्नो करिअरकै पहिलो ग्राण्ड स्ल्याम जितेपछि भावबिह्वल आन्दे्रस्कुले आसु पुछ्दै भनिन् । यो सबै यथार्थ हुनु मेरो लागि साच्चै नै उत्कृष्ट क्षण हो ।” अन्य कुनै पनि टिनएजरहरु जस्तै आन्द्रेस्कु अनपेक्षित परिस्थितिहरुलाई क्रेजी भन्ने शब्दले बयान गर्छिन् । यही शब्द उनले पछिल्लो समय युएस ओपनमा खेलहरु जित्दै जादा मिडियामा बारम्बार प्रयोग गर्दै आइरहेकी छिन् ।  र यसको प्रयोग बिना कुनै कारण भने भएको होइन ।

गत संस्करणमा चोटले सताइएकी आन्द्रेस्कु युएस ओपन छनोटको पहिलो चरणबाटै बाहिरिन पुगेकी थिइन् । उक्त पराजयले उनि डब्लुटीए (उमन्स टेनिस अशोसिएसन) को ¥याकिंङ्गमा २०० स्थान भन्दा बाहिर पुगिन् । तर यो बर्ष उनले लगाएको छलाङ्गका कारण अहिले बिश्वमै सर्वाधिक चर्चा गरिएकी युवा खेलाडीको रुपमा रहेकी छिन् ।

सन् १९९० को दशकमा रोमानियन परिवार बसाइ सरेपछि क्यानडामै जन्मिएकी आन्द्रेस्कुले यो बर्ष अगाडी मात्र ६ वटा टुर म्याचहरु खेलेकी थिइन् । त्यसयता उनले डब्लुटिएका प्रमुख प्रतियोगिता मानिने इण्डियन वेल्स र टोरन्टो ओपनको उपाधि जित्न पुगिन् । यसक्रममा उनी बिश्व नं १५ सम्म छलाङ्ग मार्न पुगिन् र आफुले बटुलेको पुरस्कार राशीमा १७ लाख पाउण्ड जोडिन् ।

ग्राण्ड स्ल्याम च्याम्पियन भएपछि अब उनको उपलब्धि अझै माथि जानेछ । युएस ओपन बिजेता भएर पाउने ३१ लाख पाउण्डसँगै उनि अब बिश्व नं पाँच महिला खेलाडी बन्ने निश्चित छ । अब उनको दायरा क्यानडा र बिश्व टेनिसको परिधिबाट पनि अगाडी जानेछ ।  “मैले कहिलेपनि प्रख्यात हुनेबारेमा सोचिन तर मैले गुनासो गरेको चाहि होइन नि, उनि मुस्कुराउदै भन्छिन् । मेरो लक्ष्य भनेको सकेसम्म बढी ग्राण्ड स्ल्यामको उपाधि जित्दै बिश्व नं एक खेलाडी बन्नु हो । तर ख्याती भन्ने कुरा कहिले पनि मेरो मन मस्तिष्कमा आएको थिएन ।”
अनि पुरस्कार राशी भन्ने प्रश्न गर्दा उनि भन्छिन्ः “मलाई यो बिषयमा केही थाहा नै छैन, त्यसैले नसोध्नु । मैले कहिले पनि यति धेरै पैसा आफूले बोकेको छैन ।”

इन्जिनियर बुवा निकु र फाइनान्स कम्पनीमा कार्यरत आमा मारियाकै रेखदेखमा हुर्केकी टिनएजर आन्द्रेस्कु सानो उमेरमै हासिल हुने नाम र दामका कारण बिग्रने जालमा फस्ने देखिन्नन् ।  आन्द्रेस्कुको घर पालुवा कुकुर कोकोलाई उनको म्याचको दौरान सँगै लिएर आउने गरेकी मारिया फ्यासनेबल लुकका कारण आफै पनि निकै लोकप्रिय बनिसकेकी छिन्, बिशेषगरि सामाजिक सञ्जाल प्रयोगकर्ताकाबीचमा । आन्द्रेस्कुका लागि मारिया नै प्रेरणाकी स्रोत हुन् ।

फ्लसिङ्ग मिडोजमा सेरेनाका लागि उपस्थित घरेलु समर्थकसँग जुझ्नका लागि उनले देखाएको मानसिक दुढताको श्रेय आन्द्रेस्कु आफ्नी आमालाई नै दिन्छिन् ।  “मेरो आमाले मलाई म १२–१३ बर्षको हुँदा देखि नै ध्यान गराउन सिकाउनु भएको थियो । अहिले यो निकै प्रख्यात छ किनभने यदि तपाई आफ्नो दिमागलाई नियन्त्रणमा राख्न सक्नुहुन्छ भने अन्य धेरै कुरामा नियन्त्रणमा राख्न सकिन्छ । यो मेरो लागि निकै राम्ररी काम गरिरहेको छ । जब म कुनै पनि ठूलो स्टेजका लागि कोर्टमा हुन्छु म आफ्नो ध्यान भड्काउने कुराहरुलाई सजिलै पाखा लगाउदै आफ्नो नियन्त्रणमा बस्न सक्छु ।”

आफू माथिको बिश्वास आन्द्रेस्कुको लागि क्षणिक मात्र हो भन्ने देखिदैन । आफ्नो पहिलो ग्राण्ड स्ल्याम फाइनलमै घरेलु समर्थकको हल्लाले गुञ्जायमान आर्थर आस स्ेटडियममा उनी जसरी शिर ठांडो पादै घ्मिरहेकी थिइन्, त्यसले नै यसको पुष्टि गर्छ । र त्यही आत्मबिश्वास उनले देखाएको अल राउण्ड खेलमा देखिन्छ । उनको फोरह्याण्ड रिटर्न अहिले देखिएको मध्येकै उत्कृष्ट रहेको भन्न थालि सकिएको छ ।

२३ वटा ग्राण्ड स्ल्याम जित्दै महिला टेनिसमा सर्वकालिन महान खेलाडी रुपमा स्थापित सेरेना आन्द्रेस्कुले फाइनलमा लगातार देखाएको गहिराई सामु टिक्न सकिनन् । यस क्रममा उनि किर्तिमानी २४ औं ग्राण्ड स्ल्याम जित्नबाट बञ्चित भइन् । “मलाई लाग्छ बियांका दवाबमा निकै राम्रो खेल्न सक्छिन् । उनले जे गर्छिन त्यो उत्कृष्ट देखिन्छ, बलको लागि उनको मुभ, अंक जित्नका लागि गर्ने प्रहार र उनले देखाउने गरेको बलियो मानसिकता,” ३७ बर्षीया सेरेनाले भनिन् ।

युएस फाइनल अघि आन्दे्रस्कुले यो बर्ष डब्लुटिए ¥यांकिङ्गमा उत्कृष्ट १० भित्र रहेका खेलाडीहरुबिरुद्ध ६ जित हात परेकी थिइन् । उनले यस क्रममा क्यारोइन वाज्नियाज्की, एलिना भितोलिना, एन्जेलिक केरबर (दुई पटक), किकि बेर्टेन्स र क्यारोलिना प्लिस्कोभालाई हराइन् ।
टोरन्टोमा भएको रोजर्स कप फाइनलमा आन्द्रेस्कुबिरुद्धका अमेरिकी टोलीको नेतृत्व गरेकी सेरेना पछिल्लो शिकार हुन पुगिन् । युएस ओपनको उपाधि जित्ने क्रममा आन्द्रेस्कुले लगातार १४ खेल जितेकी छिन् भने यो सिजन मात्रै अबिश्वसनीय रुपमा ४९ मध्ये ४५ ।

सन् २००६ मा रसियन टेनिस सुन्दरी मारिया सारापोभाले युएस ओपन जिते यता कुनै पनि ग्राण्ड स्ल्याम जित्ने उनि पहिलो टिनएजर हुन । यसै क्रममा उनले मोनिका सेलेसले राखेको चौथो प्रयासमै ग्राण्ड स्ल्याम जित्ने किर्तिमानको बराबरी पनि गरेकी छिन् ।  आन्दे्रस्कुको उदय निकै तिब्र देखिए पनि, उनको सपना जस्तो लाग्ने यो बर्ष चुनौति रहित भने छैन । मार्चमा भएको मायामी ओपनमा काँधको चोट बोक्न पुग्दा उनले यो सिजन धेरै नै प्रतियोगिताहरु गुमाउन पुगिन् । .चोटका बावजुद फ्रेञ्च ओपन खेल्न हत्तार गर्दा उनले ग्रास कोर्टका सबै प्रतियोगिता गुमाएकी थिइन् ।

“यो निश्चित रुपमा जीवनको प्रकृया हो । तपाइको जिन्दगी सधै माथि नै गइराख्छ भन्ने हुदैन । यस्तो स्थितिलाई तपाईले आफूले सकेसम्म उत्कृष्ट ढँगले सम्झौता गर्न सक्नुपर्छ । मलाई लाग्छ सबैजना यस्तो परिस्थितिबाट गुज्रिनु पर्छ किनभने यसलाई तपाईलाई अझ बलियो बनाउछ ।”

Click to comment

Leave a Reply

Your email address will not be published. Required fields are marked *

Headline

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Published

on

मुम्बई इन्डियनले १५ औँ संस्करणको इन्डियन प्रिमियर लिग (आईपीएल) को अन्तिम लिग खेलमा दिल्ली क्यापिटल्स माथि पाँच विकेटको सहज जित निकाल्दा रोयल च्यालेन्जर्स बेंगलोरको भाग्य चम्किएको छ । प्लेअफमा प्रवेश पाउनका लागि आफ्नो अन्तिम लिग खेलमा मुम्बई माथि जित निकाल्नै पर्ने समीकरण रहे पनि हारको सामना गर्दा दिल्लीको प्लेअफ खेल्ने सपना चकनाचुर भएको छ । दिल्लीले हार्दा भाग्य चम्किएको बेंगलोर अंक तालिकामा चौथो स्थान हात पार्दै प्लेअफको यात्रा तय गर्यो ।

गुजरात टाइटान्स २० अंक सहित पहिलो, राजस्थान रोयल्स र लखनउ सुपर जायन्ट्सको समान १८-१८ अंक रहे पनि नेट रन रेटका आधारमा राजस्थान दोश्रोर लखनउ तेश्रो तथा १६ अंक सहित बेंगलोर चौथो हुँदै प्लेअफको टिकट काट्न सफल भएका छन् ।  

दिल्लीले दिएको १६० रनको मध्यम लक्ष्य मुम्बईले १९ दशमलब एक ओभर खेल्दै पाँच विकेट गुमाएर जित दर्ता गरायो । 

मुम्बईका ओपनर तथा कप्तान रोहित शर्मा १३ बल खेल्दै मात्र दुई रन बनाएर आउट हुँदा खराब सुरुवात गरे पनि अर्का ओपनर इशान किशनले ३५ बलमा ४८ तथा डेवाल्ड ब्रेविसले ३३ बलमा ३७ रनको पारी खेल्दै पारी सम्हाले । उनीहरुले ५१ रनको साझेदारी गर्दै आफ्नो टोलीलाई जित तर्फ लगे पनि उनीहरुको विकेटको पतन पछि मुम्बई १४ दशमलब तीन ओभरमा ९५ रनको अवस्थामा खुम्चिन पुग्यो ।   

अन्तिम ३३ बलमा मुम्बईलाई ६४ रन आवश्यक रहेको अवस्थामा टिम डेविड र तिलक वर्माले २० बलमा ५० रन प्रहार गर्दै मुम्बईको जित सुनिश्चित गरे । डेविड ११ बल खेल्दै दुई चौका र चार छक्का सहित ३४ रन बनाएर आउट भए पनि वर्माले १७ बलमा अविजित २१ तथा रमनदिप सिंहले ६ बलमा १३ रन प्रहार गर्दा दिल्लीको प्लेअफको सपना तुहियो ।

दिल्लीका एनरिच नोर्किएशार्दुल ठाकुरले समान २-२ तथा कुलदिप यादवले एक विकेट निकाले पनि आफ्नो टोलीलाई जित दिलाउन पर्याप्त रहेन । 

खेलमा टस हारेर पहिले ब्याटिङ गरेको दिल्लीले २० ओभरमा सात विकेट गुमाएर १५९ रनको मध्यम योगफल मात्र बनाउन सक्यो ।

दिल्लीको तर्फको रोवमन पावेलले सर्वाधिक ४३ रन बनाए भने कप्तान ऋषभ पन्तले ३९ तथा ओपनर पृथ्वी शले पनि २४ रनको पारी खेले । दिल्लीका ओपनर डेविड वार्नर पाँच तथा तेश्रो नम्बरमा ब्याटिङ गर्न आएका मिचेल मार्श गोल्डेन डकआउट भए । त्यस बाहेक सरफराज खान १०, शार्दुल ठाकुर चार रनमा पेभेलियन फर्कँदा अक्सर पटेलले १९ रनको योगदान दिए ।

मुम्बईका जस्प्रित बुम्राले सर्वाधिक तीन तथा रमनदिप सिंहले दुई विकेट हात पार्दा ड्यानियल साम्स र मायंक मार्कंडेले पनि समान १-१ विकेट आफ्नो नाममा दर्ता गराए ।     

Continue Reading

Headline

शृंखला गुमाएको नेपालको अन्तिम खेलमा शानदार जित 

Published

on

यस अघि नै शृंखला गुमाइसकेको नेपालले युगान्डा विरुद्ध लगातार दोश्रो जित हात पारेको छ । सुरुवाती तीन खेलमा हारको सामना गर्दा शृंखला गुमाएको नेपालले पाँचौं तथा अन्तिम खेलमा ३३ रनको जित निकाल्दा पाँच खेलको शृंखला ३-२ ले गुमाएको हो ।

नेपालले दिएको १२४ रनको लक्ष्य दिएर ब्याटिङमा आएको युगान्डाले पुरै २० ओभर खेल्दै ६ विकेट गुमाएर ९० रन मात्र बनाउन सक्यो ।  

युगान्डाका रिटा मुसमालीले सर्वाधिक २६, ओपनर केविन अविनोले १५, शाकिरा सादिकले अविजित १३ तथा जानेट एमबाबाजीले १० रन प्रहार गरे पनि जितका लागि पर्याप्त भएन । 

नेपालको जितमा इन्दु वर्मा र सिता राना मगरले समान २-२ विकेट हात पार्दा अस्मिना कर्माचार्य र हिरनमायी रोयले समान १-१ विकेट आफ्नो नाममा दर्ता गरे । समान ४-४ ओभर बलिङ गरेका इन्दुले १२, सिता राना मगरले १५ तथा रोयले १७ रन खर्चिए ।  

यस अघि खेलमा टस हारेर पहिले ब्याटिङ गरेको नेपालले पुरै २० ओभर खेल्दै ६ विकेट गुमाएर १२३ रनको विशाल योगफल बनायो ।

नेपालको तर्फबाट कीर्तिमानी अर्धशतक बनाउनबाट एक रनले चुकेकी ज्योति पाण्डेले सर्वाधिक ४९ रन बनाइन् । अर्धशतक बनाउनका लागि सर्ट सिंगल लिने प्रयासमा रन आउट भएकी पाण्डेले ६१ बल खेल्दै तीन चौका प्रहार गरिन् । उनी घरेलु मैदानमा ट्वान्टी ट्वान्टी अन्तर्राष्ट्रिय खेलमा अर्धशतक बनाउने पहिलो खेलाडी बन्ने किर्तिमानबाट चुकेकी हुन् ।

ज्योति बाहेक नेपालको तर्फबाट कबिता जोशीले दुई चौका र एक छक्का सहित अविजित १८, ओपनर सिता राना मगरले १७ तथा अप्सरी बेगमले ११ रनको पारी खेले । त्यस बाहेक इन्दु वर्मा आठ रनमा आउट हुँदा कप्तान रुबिना क्षेत्री र डली भट्ट रनको खाता पनि नखोली रन आउट हुन पुगे ।

युगान्डाको तर्फबाट कोन्सी अवेकोफिओना कुलुमेले समान १-१ विकेट हात पारे । 

Continue Reading

Headline

टियुमा पहिलो जित हात पार्दा नेपाल क्लिन स्विप हुनबाट बच्यो  

Published

on

टियु क्रिकेट मैदानमा नेपाली राष्ट्रिय महिला टोलीले पहिलो जित दर्ता गराएको छ । युगान्डा विरुद्धको शृंखला अन्तर्गत चौथो खेलमा नेपालले १५ रनको जित हात पारेको हो । पाँच खेलको शृंखलामा ३-० ले पछि पर्दै शृंखला गुमाइसकेको नेपालले चौथो खेल जित्दै शृंखला ३-१ को अवस्था पुर्याएको छ भने क्लिन स्विप हुनबाट पनि बचेको छ ।   

खेलमा टस जितेर पहिले ब्याटिङ गरेको नेपालले १७ दशमलब पाँच ओभरमा खेल्दै आफ्ना सबै विकेट गुमाएर ९७ रन जोड्न सके पनि युगान्डाले पुरै १८ ओभर खेल्दै आठ विकेट गुमाएर ८२ रन मात्र बनाउन सक्यो । ढिला गरेर सुरु हुँदा खेल १८ ओभर प्रति टोलीमा घटाइएको थियो ।

युगान्डालाई रोक्ने क्रममा आजको खेलमा नेपालको लागि डेब्यु गरेकी हिरनमयी रोयले सर्वाधिक दुई विकेट हात पारिन् भने अस्मिना कर्माचार्य, रुबिना क्षेत्री र कविता कुँवरले समान १-१ विकेट आफ्नो नाममा दर्ता गराए । खेलको प्लेयर अफ द म्याच घोषित रोयले तीन ओभरमा ११ रन खर्चिन् । त्यस्तै अस्मिनाले दुई ओभरमा ६ रन दिँदा रुबिनाले चार ओभरमा १६ तथा कविताले तीन ओभरमा १७ रन खर्चिन पुगे ।     

 यस अघि नेपालको लागि विकेट किपर तथा ओपनर ज्योति पाण्डेले १३ बलमा सर्वाधिक १७, बिन्दु रावलले १६ तथा सिता राना मगरले ११ रनको पारी खेले भने अन्य कुनै पनि ब्याटरले दोहोरो अंकमा रन निकाल्न सकेनन् ।

नेपालका अन्य ब्याटरमा डली भट्ट, कविता कुँवर र अस्मिना कर्माचार्यले समान ६-६ रन जोडे भने, अप्सरी बेगमले चार, सरिता मगरले दुई, रुबिना क्षेत्री र इन्दु वर्माले १-१ रन भन्दा निकाल्न सकेनन् ।

 युगान्डाकी जानेट एमबाबाजीले सर्वाधिक २१ रन जोडिन् भने अन्यले उल्लेख्य योगदान दिन सकेनन् । यस अघि कोन्सी अवेकोले तीन तथा साराह अकिटेङले दुई विकेट निकाल्दा नेपाल सामान्य योगफलमा नै रोकिएको थियो ।   


  

Continue Reading
Headline9 hours ago

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Headline16 hours ago

शृंखला गुमाएको नेपालको अन्तिम खेलमा शानदार जित 

Headline2 days ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline2 days ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline2 days ago

रोहितलाई उपकप्तानको जिम्मेवारी 

Headline3 days ago

घरेलु मैदानमा खेलेको पहिलो शृंखला नै गुमायो नेपालले  

Headline3 days ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline3 days ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline3 days ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline3 days ago

नेपाल टि-२० लिग असोजमा, खेलाडीको तलब न्यूनतम पाँच लाख 

Headline4 days ago

आदिल, धमला र किशोर पहिलो पटक एकदिवसीय टोली

Headline4 days ago

मुम्बई माथि सनसनीपूर्ण जित निकाल्दा हैदराबादको प्लेअफको आशा जीवितै 

Headline5 days ago

खराब फिल्डिङका कारण जित नजिक पुगेर पनि हार्यो नेपाल 

Headline5 days ago

नेपालले दियो १०२ रनको चुनौतिपूर्ण लक्ष्य 

Headline5 days ago

पन्जाब माथि रोमान्चक जित निकाल्दा दिल्ली प्लेअफ नजिक 

Headline6 days ago

खराब ब्याटिङका कारण टियुमा पहिलो पटक अन्तर्राष्ट्रिय क्रिकेट खेलेको नेपालको हार 

Headline6 days ago

नेपाली महिला खेलाडीको तलबमा भारी वृद्धि  

Headline6 days ago

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Headline7 days ago

चेन्नाई माथि शीर्ष स्थानको गुजरातको सहज जित   

Headline1 week ago

चेल्सीलाई पेनाल्टी सुट-आउटमा हराउँदै लिभरपुलले चुम्यो एफए कपको उपाधि

Headline9 hours ago

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Headline16 hours ago

शृंखला गुमाएको नेपालको अन्तिम खेलमा शानदार जित 

Headline2 days ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline2 days ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline2 days ago

रोहितलाई उपकप्तानको जिम्मेवारी 

Headline3 days ago

घरेलु मैदानमा खेलेको पहिलो शृंखला नै गुमायो नेपालले  

Headline3 days ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline3 days ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline3 days ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline3 days ago

नेपाल टि-२० लिग असोजमा, खेलाडीको तलब न्यूनतम पाँच लाख 

Headline4 days ago

आदिल, धमला र किशोर पहिलो पटक एकदिवसीय टोली

Headline4 days ago

मुम्बई माथि सनसनीपूर्ण जित निकाल्दा हैदराबादको प्लेअफको आशा जीवितै 

Headline5 days ago

खराब फिल्डिङका कारण जित नजिक पुगेर पनि हार्यो नेपाल 

Headline5 days ago

नेपालले दियो १०२ रनको चुनौतिपूर्ण लक्ष्य 

Headline5 days ago

पन्जाब माथि रोमान्चक जित निकाल्दा दिल्ली प्लेअफ नजिक 

Headline6 days ago

खराब ब्याटिङका कारण टियुमा पहिलो पटक अन्तर्राष्ट्रिय क्रिकेट खेलेको नेपालको हार 

Headline6 days ago

नेपाली महिला खेलाडीको तलबमा भारी वृद्धि  

Headline6 days ago

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Headline7 days ago

चेन्नाई माथि शीर्ष स्थानको गुजरातको सहज जित   

Headline1 week ago

चेल्सीलाई पेनाल्टी सुट-आउटमा हराउँदै लिभरपुलले चुम्यो एफए कपको उपाधि

Trending

error: Content is protected !!