Connect with us

राष्ट्रिय

पुबुदु दासानायके भैरहवाको प्रशिक्षक नियुक्त  

wesportz

Published

on

नेपाली राष्ट्रिय क्रिकेट टोलीका पुर्व प्रशिक्षक पुबुदु दासानायके एभरेस्ट प्रिमिएर लिग (ईपिएल) टोली भैरहवा ग्ल्याडियटर्सका प्रशिक्षक नियुक्त भएका छन् । भैरहवाली आज एक प्रेश विज्ञप्ति जारी गर्दै पुबुदुलाई आफ्नो टोलीको प्रशिक्षक नियुक्त गरेको जनाएको हो ।
नेपाली राष्ट्रिय क्रिकेट टोलीले पुबुदुको प्रशिक्षणमा सन् २०१४ मा आयोजना भएको ट्वान्टी ट्वान्टी विश्वकपमा खेलेको थियो । सन् २०११ मा नेपाली टोलीको प्रशिक्षक नियुक्त भएका पुबुदुले नेपाली टोलीलाई डिभिजन पाँच देखि विश्वकप सम्मको यात्रा तय गराएका थिए ।
सन् २०१५ मा क्यानको खिचातानीका कारण नेपालको मुख्य प्रशिक्षकको पद छाडेर क्यानडा पुगेका पुबुदुले सन्  २०१६ सम्म एक बर्ष नेपाली टोलीकोको कन्सलट्यान्ट भएर पनि काम गरे । त्यस पछि उनी अमेरिकाको मुख्य प्रशिक्षक नियुक्त भएका थिए । अमेरिकालाई एकदिवसीय मान्यता दिलाउन सफल पुबुदुले केहि समय अघि अमेरिकाको टोली पनि छाडेका थिए ।
भैरहवाको प्रशिक्षक नियुक्त भए पछि पुबुदुले फेरी नेपाल आउन लागेकोमा उत्साहित रहेको जनाए । उनले भने, ‘नेपाल जहिले पनि मेरो मुटुको नजिक छ । नेपाली टोलीको प्रशिक्षक भएता पनि नभएता पनि मा जहिले पनि नेपाली क्रिकेट राम्रो होस् भनेर चाहन्छु । भैरहवाको प्रशिक्षक हुन पाएकोको निकै खुशी छु ।मलाई यो अवसर दिएकोमा भैरहवालाई धन्यबाद । नेपाली क्रिकेटलाई फेरी पनि केहि योगदान दिन पाउने भएकोमा पनि खुशीको सिमा छैन ।’
नेपाली राष्ट्रिय क्रिकेट टोलीका मध्यक्रमका ब्याट्सम्यान शरद भेषावाकर पनि खुशी र उत्साहित भएको बताउंछन् । ‘नेपाली क्रिकेट टोलीलाई यो स्थान सम्म पुर्याउन महत्वपूर्ण भुमिका खेलका पुबुदुलाई हाम्रो प्रशिक्षकको रुपमा पाउनु पक्कै पनि खुशीको बिषय हो । उनले नेपाल आएर कुनै पनि फ्रेनचाइज क्रिकेटमा आएर प्रशिक्षण दिनु भनेको फ्रेनचाइजलाई मात्र हैन नेपाली क्रिकेटको लागि पनि राम्रो हो,’ शरद भन्छन् । ‘पछिल्ला दुई संस्करणमा हामीले उपविजेतामा सिमित भएता पनि यस पटक पुबुदुको प्रशिक्षणमा उपाधि जीत्ने आशा छ ।’
भैरहवाका मालिक अदित्य संघाई पनि पुबुदुलाई प्रशिक्षक नियुक्त गर्न पाएकोमा खुशी छन् । संघाई पुबुदुको आगमनले आफ्नो टोलीलाई मात्र नभएर समग्र नेपाली क्रिकेटलाई नै फाइदा पुग्ने जनाउँछन् । संघाईले पुबुदुको निरिक्षणमा नयाँ खेलाडीहरुले आफुलाई तिखार्ने मौका पाउने आशा ब्यक्त गरे ।

तेश्रो संस्करणको एभरेस्ट प्रिमिएर लिग (ईपिएल) आगामी फाल्गुणको तेश्रो साताबाट टियु क्रिकेट मैदानमा शुरु हुनेछ ।

Click to comment

Leave a Reply

Your email address will not be published. Required fields are marked *

Headline

बिभागिय डर्बीमा पुलिस र आर्मीको बराबरी

wesportz

Published

on

राष्ट्रिय महिला फुटबल लिगको उद्घाटन खेलमा नेपाल आर्मी फुटबल क्लब र नेपाल पुलिस फुटबल क्लबले गोलरहित बराबरी खेलेका छन् । नेपाल पुलिसको सम्हालिएको डीफेन्सलाई तोड्न आर्मी असफल जस्तै रह्यो । पोजेसन आफ्नो पक्षमा पारे पनि आर्मीलाई नेपाल पुलिसले खुल्ने मौका दिएको थिएन ।

तेस्रो मिनेटमा आर्मीकी बिमला चौधरीले १८ यार्ड बक्स बाहिरबाट गरेको प्रहार पुलिसकी गोलकिपर सपना राईले रोकिदिइन ।

पाचौँ मिनेटमा आर्मीकी सपना लामाले ५ यार्ड बक्स नकिजबाट गरेको प्रहारले दिशा लिन सकेन। यस्तै सपनाले १३औं मिनेटमा पेनाल्टी एरिया बाहिरबाट गरेको प्रहार बाहिरिएको थियो ।

१६औं मिनेटमा पुलिसकी रन्जिता गुरुङले दायाँतर्फ बाट गरेको क्रसमा निरु थापाको ट्याप इन आर्मीकी गोलकिपर अन्जना राना मगरले बचाएकी थिइन् । १९औं मिनेटमा फेरि पनि पुलिसकी निर्मला बिकलाई आर्मीकी रक्षक सुनिता चौधरीले फाउल गरेपछि फ्रिकिक पाएको थियो ।

३० औँ मिनेटमा पुलिसकी निरु थापाले पेनाल्टी एरिया भित्रबाट गरेको प्रहार फ्रेममा नपर्दा पुलिस आग्रता लिनबाट चुक्यो ।

४४ औँ मिनेटमा आर्मीकी सपना लामाले खाली पोष्टमा गरेको प्रहार आफ्नै टोलीकी सुनिता चौधरीलाई लागेर फर्किदा पहिलो हाफ गोलरहित बराबरीमा सकिएको थियो ।

दोस्रो हाफमा पनि दुवै टोलीले गोल गर्न सकेनन् । ७१ औँ मिनेटमा आर्मीको इन्दिरा राइले गरेको प्रहार सपना राइले राम्रो बचाएकी थिइन। ८१ औँ मिनेटमा आर्मीको अर्को प्रहारलाई पुलिसकि मनि गुरुङले गोललाइनबाट किल्यर गरेकी थिइन । ८७ औँ मिनेटमा आर्मीकि रष्मी घिसिङको प्रहर पोस्टबाट थोरै बहिरिएको थियो । यस खेलसँगै दुवै टोलीले अंंक बाढेका छन् ।

Continue Reading

Headline

प्रधानमन्त्री कपमा नेपाल पुलिसको सशक्त पुनरागमन

wesportz

Published

on

ओपनरद्वय सुनिल धमला र कुशल भुर्तेलले आक्रमक अद्र्धशतक प्रहार गरेपछि डिफेन्डिङ्ग च्याम्पियन नेपाल पुलिस क्लबले प्रधानमन्त्री कप राष्ट्रिय एकदिवसीय क्रिकेट प्रतियोगितामा सशक्त पुनरागमन गरेको छ ।

पहिलो खेलमा बागमती प्रदेशबिरुद्ध १ सय ११ रनमै समेटिदै सात विकेटले पराजित भएको पुलिसले त्रिवि क्रिकेट मैदानमा बुधबार सुदुरपश्चिमलाई ९ विकेटको फराकिलो अन्तरले पराजित गर्यो ।

दिपेन्द्र सिँह ऐरि र सागर ढकालले चार–चार विकेट लिएपछि सुदुरको ब्याटिङ्ग धराशायी हुदै ३३ दशमलव १ ओभरमा १ सय १० रनमै सिमित भयो । कुशल र सुनिलले आकर्षक ब्याटिङ्ग गरेपछि पुलिसले १७ ओभरमै मात्र एक विकेटको क्षतिमा १ सय ११ रन बनायो ।

सुनिलले ५७ बलमा ५३ रन बनाउदै ६ चौका र दुई छक्का प्रहार गरे । कुशलले ४४ बलमा ५१ रन बनाए । बिजयी चौका प्रहार गर्दै अद्र्धशतक पुरा गरेका कुशलले ९ चौका र एक छक्का हिर्काए ।

यसअघि राम्रो अवस्थामा पुगिसकेको सुदुरपश्चिम ३० रनको अन्तरालमा ९ विकेट गुमाउदै सस्तोमै समेटिएको थियो । सुदुर बागमती प्रदेशबिरुद्धको आफ्नो पहिलो खेलमा पनि १ सय १९ रनमै अल आउट भएको थियो ।

पुलिसले इनिङ्गसको दोश्रो बलमै सन्तोष भट्टलाई आउट गर्दै आकर्षक शुरुवात गरेको थियो । खडक बोहोरा र सन्जु दमाईले त्यसपछि ८० रनको साझेदारी गर्दै बलियो स्थितिमा पुर्याएका थिए । तर खडकलाई सागर ढकालले एलबिडब्लु ट्रयापमा पारेपछि सुदुरको पतन शुरु भएको थियो ।

आकर्षक ब्याटिङ्ग गरेका खडकले ५३ बलमा आठ चौका प्रहार गर्दै ४० रन बनाए । सन्जुलाई पनि सागरले नै पेभिलियन फर्काएका थिए । सन्जुले ५८ बलमा ३५ रन जोडे । उनले पाँच चौका प्रहार गरेका थिए ।

अरुण ऐरी (१३) र अर्जुन साउद (१०) बाहेक अन्य कुनै ब्याट्स्म्यानले दोहोरो अंकमा रन जोड्न सकेका थिएनन् । पुलिसका लागि सागरले १० ओभरमा मात्र १८ रन खर्चिए भने दिपेन्द्रले ६ दशमलव १ ओभरमा मात्र १० रन दिएका थिए । सुदुरका पाँच जना ब्याट्स्म्यानले खाता खोल्न सकेका थिएनन् ।

Continue Reading

Headline

महिला लिग आजबाट, पहिलो खेलमै बिभागीय डर्बी

wesportz

Published

on

राष्ट्रिय महिला लिगको उत्घाटन खेलमा आज त्रिभुवन आर्मी फूटबल क्लब र नेपाल पुलिस क्लब भिड्दै छन् ।

अखिल नेपाल फूटबल संघ(एन्फा)ले सार्वजनिक गरेको खेल तालिका अनुसार आज आर्मी र पुलिस भिड्न लागेका हुन् ।

उत्घाटन खेल र फाइनल खेल त्रिपुरेश्वर स्थित दशरथ रंगशालामा हुनेछ भने अन्य खेल सातदोबाटो स्थित एन्फा कम्प्लेक्समा हुनेछ । यस पटकको लिग डबल राउन्ड रोविनको आधारमा हुनेछ ।

एक महिना चल्ने प्रतियोगितामा सात टोलीको सहभागीता रहनेछ । तीन विभागिय क्लब त्रिभुवन आर्मी फूटबल क्लब, नेपाल पुलिस क्लब र नेपाल एपीएफ क्लब सहित चौदण्डीगढी नगरपालिका उदयपुर, बिराटनगर महानगरपालिका, वालिङ नगरपालिका स्याङ्जा र चन्द्रपुर नगरपालिका रौतहटको रहनेछन् ।

यसपटक प्रतियोगिताको विजेताले १५ लाख नगत प्राप्त गर्नेछ भने उपविजेताले ८ लाख पाउनेछन् भने यस्तै तेस्रो हुने टोलीले ५ लाख र चौथो हुने टोलीले ३ लाख प्राप्त गर्ने एन्फाले जनाएको छ ।

खेल नेपाली समय अनुसार दशरथ रंगशालामा २:०० बजे सुरु हुने छ  ।

Continue Reading
Headline1 month ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline9 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending