Connect with us

लेख

दुबईको त्यो चोभार एण्ड

Published

on

नेपाली क्रिकेटको एक रोमाञ्चक पाटो हो चोभर एण्ड, जस्को बारे शायद यसअघि नलेखिएको होला । त्रिवि क्रिकेट मैदानको पेभिलियनको ठ्याक्कै बिपरित रहेको छ चोभार एण्ड । त्यो एण्डमा अहिले एउटा टेलिभिन टावर छ । र त्यहि टावरको बाँयापट्टी सधैजसो दर्शकले खचाखच भरिने भागले गुञ्जायमान बनाउने गरेको छ चोभर एण्डलाई ।
दर्शकले खचाखच भरिने घरेलु क्रिकेटका कुनै पनि खेल होस या अन्तर्राष्ट्रिय प्रतियोगिता, चोभार एण्डको त्यो भाग कहिले पनि खालि हुदैन । त्रिवि मैदानमा दर्शक कमै हुने समयमा पनि चोभार एण्डमा हल्ला भै नै रहने गर्छ । सामान्यतया लाग्ने गर्छ नेपाली क्रिकेटका “जिन्युन” दर्शक त्यही नै हुने गर्छन ।
खेलाडीलाई हौस्याउदा होस या जिस्काउदा, धेरै जसो हल्ला त्यही एण्डबाट आउने गर्छ । सुरक्षाका लागि त्यही स्थानमा धेरै प्रहरि खटिने गर्छन । नेपालीहरुको भिड न हो, केही भइहाल्ला कि भन्ने डर सबैलाई हुनु स्वभाविक हो । सन् २०१० को आईसिसि वल्र्ड क्रिकेट लिग डिभिजन फाइभमा नेपाल र अमेरिकबीचको खेलमा दर्शकले गरेको तमाशा पछि त्रिवि मैदानमा त्यस्तो ठूलो दुर्घट्ना केही घटेको छैन ।

विश्व क्रिकेट लिग अन्तर्गत नेपाल र नामिबिया बिचको खेलका क्रममा चोभार एण्ड तर्फ रहेको रुखबाट खेल नियाल्दै नेपाली समर्थक ।                       तस्बिर : कौशल अधिकारी / आईसिसी  

तर चोभार एण्डमा हल्ला ब्यापक हुने गर्छ । त्यो एण्ड लेजेण्डरी भैसकेको भान हुन्छ त्यसैले सबैभन्दा पहिले पुग्ने दर्शकहरु त्यही डेरा जमाएर बसिसकेका हुन्छन् ।
यस्तै त्रिवि मैदानको जस्तो चोभार एण्ड दुबईको आईसिसि एकेडेमी ओभलमा पनि देखियो जति बेला नेपालले ऐतिहासिक एकदिवसीय र ट्वान्टी ट्वान्टी अन्तर्राष्ट्रिय श्रंखला स्विप गर्यो ।
हुन त आईसिसि एकेडेमी ओभलमा १२ सय भन्दा बढी दर्शक अटाउदैनन् तर नेपालको खेलका लागि उक्त ग्राउण्डमा २ हजार भन्दा बढी दर्शकलाई प्रवेश गराइने गरिन्छ । नेपालीहरुको भिड जम्मा हुने स्थान हो रिम राम एण्ड जस्को दायापट्टी ७ सय दर्शकसम्म अट्न सक्छन् ।
रिम राम ऐण्डको साइट स्क्रिनको दायापट्टी हल्का उठाइएको भाग नेपाल र युएईको श्रंखलाभरि नै खचाखच भरिने गथ्र्यो । त्यहाको हल्लाले त्रिवि मैदानको चोभर एण्डको आभाष गराउथ्यो ।
नेपालले १० ओभरमा छोट्याइएको तेश्रो तथा निर्णायक ट्वान्टी–ट्वान्टी अन्तर्राष्ट्रिय जित्दा उक्त दर्शकको भुमिका पनि उल्लेखनीय रह्यो । जितका लागि १ सय ५ रनको लक्ष्य पछ्याइरहेको युएई एक समय निकै मजबुत स्थितिमा थियो । उसले ७ ओभरमा ७२ रन जोडिसकेको थियो र मात्र तीन विकेट गुमाएको थियो ।
यस्तो स्थितिमा दुबईको चोभार एण्डबाट नेपाली टोलीका लागि निरन्तर चर्को आवाज निस्कियो –– नेपाल, नेपाल भन्दै । मैदान वरिपरि रहेका सबै समर्थकहरुले त्यसमा साथ दिए । बलिङ्ग गर्न आए करण केसी र क्रिजमा थिए जमेर बसेका भेटेरान साइमन अनवर जसले ३० रन बनाइसकेका थिए ।
निकै ठूलो हल्लाकाबीच अन्वरले करणको पहिलो बलमा ठूलो शट खेल्ने प्रयास गरे तर ज्ञानेन्द्र मल्ले उत्कृष्ट फिल्डिङ्गको नमुना प्रस्तुत गर्दै मिड अफमा डाइभिङ्ग क्याच लिए । हल्ला झन चर्को भयो । दर्शकको हुटिङ्गले दवाबमा देखिएका युएईका कप्तान मोहम्मद नाभिदले ओभरको तेश्रो बलमा करणले फालेको बाउन्सरलाई पुल गर्न खोजे र पवन शर्राफलाई क्याच थमाए । चोभार एण्डबाट निस्केको त्यो हल्लाले ओभलमा रहेका सबै दर्शकहरुको ध्यान आकृष्ट गर्यो ।
एकेडेमी ओभलमा त्यति नै बेला एक कोरियन टोली एकेडेमीको संरचना हेर्न “भिविङ्ग ग्यालेरी” मा रहेको थियो । युएईको इनिङ्ग शुरु हुँदा आएका उनीहरु केही समयमात्र बस्ने थिए तर नेपाली दर्शकको हल्ला र नेपालको आक्रमक बलिङ्ग र फिल्डिङ्गका कारण उनीहरु पुरै समय त्यही बसे, ताली बजाउदै । “के यो युएईको होम ग्राउण्ड हो ?” ती मध्ये एकले सोधे ।
उक्त खेलमा नेपालले निरन्तर उत्कृष्ट क्षेत्ररक्षण गरेको थियो । पहिलो एकदिवसीय अन्तर्राष्ट्रियमा उत्कृष्ट बलिङ्ग गरेका नेपालका कप्तान पारस खड्काले आफूलाई रिम राम एण्डबाट बलिङ्ग गर्दा क्रिवि मैदानमा बलिङ्ग गरिरहेको छु जस्तो लाग्ने बताएका थिए ।
आजको खेलमा युएईलाई निरन्तर दवाब राख्न दर्शकको पनि उल्लेखनीय भुमिका रहेको थियो त ?, अन्तिम ट्वान्टी–ट्वान्टी जितेपछि सोधिएको प्रश्नको उत्तर दिदै पारसले भने, “हुन सक्छ । तर हामीले उनीहरुलाई (युएईका खेलाडीलाई सोधेनौं)”
पछिल्लो तथ्यांक अनुसार युएईमा नेपालीहरुको संख्या दुई लाख २५ हजारको हाराहारीमा छ । नेपाललाई युएईमा खेल्दा आफ्नो घरेलु भमिमा खेलेजस्तै लाग्ने गरिसकेको छ । नेपाली दर्शकहरुले युएईमा आफ्नो टोलीलाई देखाएको समर्थन साच्चै नै उदाहरणीय छ । पारसले अन्तिम खेल पछि दुबईको त्यो चोभार एण्डका दर्शकहरुलाई दुई हात जोड्दै गरेको धन्वाद उनीहरुले नै डिजर्भ गर्थे ।

Click to comment

Leave a Reply

Your email address will not be published. Required fields are marked *

लेख

केन्या माथि नेपालको कीर्तिमानी जित

Published

on

 नेपालले घरेलु टोली केन्या विरुद्धको तेश्रो ट्वान्टी ट्वान्टी खेलमा चार विकेटको कीर्तिमानी जित हात पारेको छ । जितसँगै नेपालले चार खेलको शृंखलामा २-१ को अग्रता पनि लिन सफल भएको छ ।

केन्याले दिएको १५७ रनको लक्ष्य १९ दशमलब तीन ओभर खेल्दै ६ बिकटको नोक्सानीमा लक्ष्य पार गर्यो । नेपालले केन्या पुरा गरेको १५७ रनको सबैभन्दा लक्ष्य हो । यस अघि नेपालले सन् २०१९ मा सिंगापुर विरुद्ध १५२ रनको लक्ष्य पुरा गरेको थियो । 

नेपालको जितमा पूर्व कप्तान ज्ञानेन्द्र मल्लले सर्वाधिक ४६ रनको पारी खेले भने आजको खेलमा नेपालको तर्फबाट ट्वान्टी ट्वान्टीमा डेब्यु गरेका विकेट किपर तथा ओपनर अर्जुन साउदले ३१ बलमा ३५ रनको योगदान दिए । त्यस बाहेक रोहित कुमार पौडेलले २९, पवन सर्राफले २० तथा आदिल अन्सारी १६ रनको पारी खेले ।  

यस अघि खेलमा टस जितेर पहिले ब्याटिङ गरेको केन्याले २० ओभरमा मात्र दुई विकेट गुमाएर १५६ रनको विशाल योगफल खडा गर्यो । 

ओपनरद्वय सुकदिप सिंह आठ तथा कोलिन्स ओबुया १४ रनमा आउट हुँदा केन्या ६ ओभरमा २९ रनको अवस्थामा रहेको थियो । तर त्यस पछि ब्याटिङमा आएका विकेट किपर इरफान करिम र रकिप पटेलले तेश्रो विकेटका लागि ८४ बलमा अविजित १२७ रनको साझेदारी गर्दै केन्यालाई विशाल योगफल सम्म पुर्याए ।

केन्याको तर्फबाट रकिपले ४३ बल खेल्दै समान ५-५ चौका र छक्का प्रहार गर्दै अविजित ७३ रनको पारी खेले भने इरफानले पनि अविजित रहँदै ४७ बलमा ५५ रनको योगदान दिए ।

नेपालको तर्फबाट आदिल अन्सारी र सोमपाल कामीले समान १-१ विकेट लिए भने अन्य बलरहरु महँगो साबित हुँदै  विकेट बिहिन रहन पुगे ।आदिलले एक ओभरमा चार रन खर्चिए भने सोमपालले तीन ओभरमा १६ रन मात्र दिए । नेपालका अन्य बलरहरुमा कप्तान सन्दिप लामिछानेले चार ओभरमा ४२ रन खर्चंदा दिपेन्द्र सिंह ऐरीले तीन ओभरमा ३१ तथा करण केसीले तीन ओभरमा २० रन दिन पुगे ।      

Continue Reading

लेख

साफ च्याम्पियनसिपका लागि तीन नयाँ खेलाडी समेट्दै टोली घोषणा

Published

on

यही भदाै २१ देखि असाेज ३ गते सम्म घरेलु मैदानमा आयाेजना हुने छैटौँ साफ महिला च्याम्पियनसिपका लागि नेपाली टाेली घाेषणा भएकाे छ । मुख्य प्रशिक्षक कुमार थापाले शनिवार २३ सदस्यीय टाृली घाेषणा गरेकाे एन्फाले जनाएकाे छ । 

उमेर समूहबाट आएका  तीन नयाँ अनुहार  समिक्षा घिमिरे, दिपा शाही र अमिशा कार्कीले पहिलाे पटक सिनियर टिममा स्थान बनाएका छन् । यस्तै फरवार्ड  रेखा पाैडेलले पनि कमब्याक गरेका छन् । 

समूह बी मा रहेकाे नेपालले भुटानसँग उद्घाटन खेल खेल्नेछ । नेपाल रहेकाे समूह बी तीन टिम मात्र छ । नेपालले श्रीलंकासँग भदाै २८ गते खेल्नेछ । समूह ए मा साविक विजेता भारत, बंगलादेश, पाकिस्तान र माल्दिभ्स छन् । दुवै समूहकाे शीर्ष दुई टोली सेमिफाइनलमा प्रवेश गर्नेछन् ।

फिफाले दुई हप्ता पछि नै भारतीय फुटबलमाथि लगाएकाे निलम्बन फुकूवा गरेपछि भारतकाे सहभागिता पनि निश्चित भएकाे छ ।

नेपाली टिमः
गोलकिपरः एन्जिला तुम्बाप्पे सुब्बा, अन्जना रानामगर, उषा नाथ

रक्षकः हिराकुमारी भुजेत, अमृता जैसी, गीता राना, पुनम जर्गामगर, निशा थोकर, समिक्षा घिमिरे, विमला विक

मिडफिल्डरः विमला चौधरी, मन्जलीकुमारी योन्जन, प्रिती राई, सरु लिम्बु, दीपा राई, दीपा शाही, इन्दिरा राई, अनिता बस्नेत, अनिता केसी

फरवार्डः अमिषा कार्की, रेखा पौडेल, सावित्रा भन्डारी, रश्मीकुमारी घिसिङ

Continue Reading

लेख

नेपाल टी२० लिग : खेलाडी दर्ता सुरु, चार मापदण्ड तय

Published

on

नेपाल क्रिकेट संघ (क्यान) ले असोज ८ देखि कात्तिक ५ गतेसम्म हुने नेपाल टी२० का लागि खेलाडी दर्ता सुरु गरेको छ । क्यानले शनिवार सामाजिक सञ्जालमार्फत चार मापदण्डसहित खेलाडी दर्ता सुरु भएको जनाएको छ ।

नेपाल टी२० लिगका लागि खेलाडीको विभिन्न तीन क्याटेगोरी तय गरिएको छ । क्याटेगोरी ए का खेलाडीले १५ लाख, क्याटेगोरी बी का खेलाडीले १० लाख र क्याटेगोरी सी का खेलाडीले ५ लाख पाउनेछन् ।

दर्ता गर्न चाहने खेलाडीका लागि चार मापदण्ड क्यानले तयार गरेको छ । लिगका लागि यही अगष्ट ३१ गतेसम्म दर्ता गर्नुपर्ने समयसीमा राखिएको छ । नेपाल टि-२० लिगको अधिकारिक वेबसाइटमा गएर खेलाडीहरुले फारम भर्न पर्नेछ र लिंक यस प्रकार रहेको छ — https://nepalt20.com/player-registration/

 

यस्ता छन् चार मापदण्ड

– खेलाडीले सन् २०१८ देखि नियमित रुपमा राष्ट्रिय खेलकुद, प्रधानमन्त्री कप तथा मेयर कप खेलेको हुनुपर्ने र औसत भन्दा राम्रो प्रदर्शन गरेको हुनुपर्ने ।

– सन् २०१८ देखि नेपालको यू-१९ टिमका लागि अन्तर्राष्ट्रिय प्रतियोगिता तथा शृंखलाहरुमा नेपालको लागि खेलेको हुनुपर्ने ।

– सन् २०१८ देखि सिनियर टोलीका लागि अन्तर्राष्ट्रिय प्रतियोगिता तथा सिरिज खेलेका खेलाडीलाई प्राथमिकता दिइने ।

– सन् २०१८ देखि विभिन्न फ्रेन्चाइज लिगमा नियमित खेलेका खेलाडीलाई प्राथमिकता दिइने ।

Continue Reading
Headline1 year ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 year ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख2 years ago

केन्या माथि नेपालको कीर्तिमानी जित

लेख2 years ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख2 years ago

नेपाल टी२० लिग : खेलाडी दर्ता सुरु, चार मापदण्ड तय

लेख2 years ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख2 years ago

नेपालले हरायो केन्यालाई 

लेख2 years ago

नेपालका लागि केन्या टुर महत्वपूर्ण

लेख2 years ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख2 years ago

नयाँ प्रशिक्षक प्रभाकर भन्छन् : पहिलो काम लिग टु

लेख2 years ago

बाना कपका लागि सुदुरपश्चिमको जर्सी सार्वजनिक  

लेख2 years ago

यस्ता छन् एन्फा कार्यसमिति बैठकका निर्णयहरू

लेख2 years ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख2 years ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline2 years ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline2 years ago

 नेपालको पोस्टमा भारतको गोलको वर्षा 

Headline2 years ago

साफ महिला च्याम्पियनसिप :  नेपाललाई सजिलो समूह

Headline2 years ago

लगातार दोस्रो जित निकाल्दा नेपाल फाइनल नजिक 

Headline2 years ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline2 years ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline1 year ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 year ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख2 years ago

केन्या माथि नेपालको कीर्तिमानी जित

लेख2 years ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख2 years ago

नेपाल टी२० लिग : खेलाडी दर्ता सुरु, चार मापदण्ड तय

लेख2 years ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख2 years ago

नेपालले हरायो केन्यालाई 

लेख2 years ago

नेपालका लागि केन्या टुर महत्वपूर्ण

लेख2 years ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख2 years ago

नयाँ प्रशिक्षक प्रभाकर भन्छन् : पहिलो काम लिग टु

लेख2 years ago

बाना कपका लागि सुदुरपश्चिमको जर्सी सार्वजनिक  

लेख2 years ago

यस्ता छन् एन्फा कार्यसमिति बैठकका निर्णयहरू

लेख2 years ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख2 years ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline2 years ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline2 years ago

 नेपालको पोस्टमा भारतको गोलको वर्षा 

Headline2 years ago

साफ महिला च्याम्पियनसिप :  नेपाललाई सजिलो समूह

Headline2 years ago

लगातार दोस्रो जित निकाल्दा नेपाल फाइनल नजिक 

Headline2 years ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline2 years ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Trending

error: Content is protected !!