Connect with us

लेख

रोहित कप्तान बन्नुको अर्थ

wesportz

Published

on

Rohit Kumar Paudel batting, Rohit in action

रोहित कुमार पौडेल सार्वजनिक कार्यक्रममा निकै कम बोल्छन् । नेपाली क्रिकेटमा काठमाडौं मै हुर्केका केही र राजधानी बाहिरका केही खेलाडीहरु बाहेक शायदै कसैले धेरै बोल्छन् । धेरै खेलाडीहरुलाई क्यामराको अगाडी बोल्न अप्ठेरो लाग्ने गर्छ । 

सिनियर राष्ट्रिय टोलीका कप्तान पारस खड्काले एउटा प्रश्नमा कुनै कथा संग्रहको एक अध्याय लेख्न मिल्ने गरि बोल्ने खुबि राख्छन् । एक पछि अर्को प्रश्न राख्दै बोल्न दिने हो भने पारससँगको अन्तर्वार्ताबाट एउटा सिँगै किताब नै लेख्न मिल्छ कि भन्ने भान हुन्छ ।

उनै पारसले हाक्दै आइरहेको नेपाली क्रिकेटका अन्य खेलाडीहरु भने बोल्न लजाउछन् । अचम्म कै कुरा हो । हुन त बोल्नको लागि गलासँगै कला पनि चाहिन्छ । पारस नेपाली क्रिकेटका गिने चुनेका खेलाडी मध्ये पर्छन् जो आफ्नो भनाईमा बजन राखेर बोलिरहेका हुन्छन् ।

ज्ञोनन्द्र मल्ल, शरद भेषावकर, सबाश खकुरेल, प्रिथु बास्कोटा, शक्ति गौचन, भुवन कार्की यी सबै खेलाडीहरु राम्रो बोल्ने गर्छन । बोल्ने खेलाडीहरुको सानो सुचिमा अहिले युवा लेग स्पिनर सन्दिप लामिछाने पनि जोडिएका छन् । बिश्वब्यापी रुपमा क्रिकेट खेलिरहेका सन्दिपले राम्रै अनुभव बटुलेका छन् र त्यही अनुभवले नै उनलाई बिस्तारै एक प्रखर वक्ता पनि बनाइरहेको छ ।

‘फोकस्ड’ रोहित 

रोहित भने आफ्नो खेलसँग मतलब राख्ने खेलाडी हुन् । एभरेष्ट प्रिमियर लिगमा भैरहवा ग्लेडिएटर्सका लागि शान्दार प्रदर्शन गरेपछि उनले फर्केर हेर्नु परेको छैन । त्यही प्रदर्शनले उनी राष्ट्रिय टोलीमा आउन सफल भए, नामिबियामा वल्र्ड क्रिकेट लिग डिभिजन टु बाट डेब्यु गर्दै जिम्बावेमा एकदिवसीय बिश्वकप क्वालिफायरमा पनि स्थान बनाउन सफल रहे, निकै महत्वपूर्ण इनिङ्गसहरु खेले र नेपालले एकदिवसीय अन्तर्राष्ट्रिय मान्यता पाउदा सम्मका प्रमुख खेलाडी बन्न सफल भए ।

रोहित अहिले राष्ट्रिय अण्डर १९ टिमका कप्तान छन् । यसअघिका कप्तान आसिफ शेखलाई विकेट किपिङ्ग, ओपनिङ्ग र कप्तानीको जिम्मेवारी थेग्न गाह्रो भएको देखिएपछि नेपाली टोलीले रोहितलाई नेतृत्व सुम्पेको हो । राष्ट्रिय टोलीबाट लगातार राम्रो अनुभव बटुलेका रोहितलाई कप्तान बनाउनु सहि निर्णयको रुपमा लिनै पर्छ ।

अभ्यासका लागि नेपाली युवा टोली अहिले भारत भ्रमणमा रहेको छ र रोहितको काधमा नेपाललाई सन् २०२० मा दक्षिण अफ्रिकामा हुन गइरहेको आईसिसि अण्डर १९ वल्र्ड कपमा छनोट गराउने मुख्य जिम्मेवारी छ । अप्रिलको दोश्रो साता मलेसियामा हुन गइरहेको आईसिसि अण्डर १९ वल्र्ड कप एसिया क्वालिफायरमा नेपाल पहिलो हुन सके रोहितले देशलाई आठौं पटक बिश्वकपमा पाउनेछ, र चार बर्षपछि पनि ।

तर रोहितको जिम्मेवारी नेपाललाई अण्डर १९ वल्र्ड कप छनोट गराउनुमा मात्रै सिमित भने छैन । उनी कप्तान हुनुको अर्थ धेरै छ ।

युवाको कांधमा जिम्मेवारी

नेपाली क्रिकेट अहिले ‘ट्रान्जिसनल फेज’ मा छ । पारस, ज्ञानेन्द्र, शरद र बसन्त रेग्मी मात्र अहिले सिनियर खेलाडीको रुपमा खेलिरहेका छन् । फिटनेसका कारण नेपालले गरेको युएई भ्रमणमा बसन्तले ट्वान्टी ट्वान्टी र एकदिवसीय श्रंखलामा एक–एक खेलमात्र खेल्न सक्नु उनी पनि आफ्नो करिअरको अन्त्यतिर रहेको बुझ्न सकिन्छ ।

पुस्ता हस्तान्तरणको समयमा युवा खेलाडीहरुले राष्ट्रिय टोलीका लागि दिइरहेको प्रदर्शनले उज्जवल भविष्यको संकेत गरेको छ । तर नेपालको अहिलेको सबैभन्दा ठूलो चुनौति भनेको भविष्यका लागि राष्ट्रिय टोलीका लागि कप्तान तयार बनाउनु रहेको छ ।

पारसको अनुपस्थितिमा ज्ञानेन्द्रले नेपाल टोलीको जिम्मेवारी सम्हाल्ने गरेका छन् । दुवैको अनुपस्थितिमा यो जिम्मेवारी शरदको काँधमा जान्छ । तर यो स्थिति अहिलेसम्म आएको छैन, मतलव शरदले अहिलेसम्म नेपाली टोलीको कप्तानी गरेका छैनन् केही अभ्यास खेलहरु बाहेक । नेपालको लागि बिडम्बना के हो भने यी सबै सिनियर खेलाडीहरुले क्रिकेट छोड्ने समय एउटै हुन सक्छ । र यो स्थितिमा पुग्नु अघि नै नेपालले एक कुशल नेतृत्वकर्ता तयार गर्नुपर्नेछ ।

नेपाली टोलीमा सिनियर खेलाडीहरुको बाक्लो उपस्थिति रहेको समयमै पुर्व अण्डर १९ कप्तान पृथु बास्कोटा भविष्यको कप्तान बन्न सक्ने रुपमा अगाडी आए । राम्रो बोल्ने खुबि पनि राखेका पृथुले निकै नै कठिन मानिएको १० टिम सम्मिलित २०११ आईसिसि ग्लोबल क्वालिफायर मार्फत टोलीको राम्रो नेतृत्व गर्दै नेपाललाई २०१२ को अण्डर १९ वल्र्ड कप सम्म डो¥याए ।

अण्डर १९ वल्र्ड कपपछि उनी लगातार राष्ट्रिय टिमबाट खेलेपनि तर एकपटक बोकेको चोटले उनलाई सिनियर टिममा पुनरागमन जनाउन निकै गाह्रो पर्न गयो । शायद पृथु नेपाली क्रिकेटमा सबैभन्दा अभागि खेलाडी बन्न पुगे ।
सन् २०१४ मा न्युजिल्याण्डमा भएको आईसिसि क्रिकेट बिश्वकप क्वालिफायरमा युगाण्डाबिरुद्धको खेलमा घुडाको चोट बोकेपछि पृथुको करिअरले उल्टो गतिमा चल्न पुग्यो । उनी चोटबाट त फर्किए तर यस क्रममा नेपाली क्रिकेटमा धेरै खेलाडीहरु आए र उनको पुनरागमन अझ कठिन बन्न पुग्यो ।

पृथुले राष्ट्रिय टोलीका लागि जति गरेपनि कम हुने देखिएपछि नेपालले भविष्यमा देखेको कप्तानले शायद अब मैदानमा उत्रन केही जादु नै गर्नुपर्ने देखिन्छ । क्यान निलम्बनमा रहेको र घरेलु क्रिकेटको संरचना नै शुन्य रहेको अवस्थामा राष्ट्रिय टोलीबाट बाहिर रहेका खेलाडीहरुलाई टिममा फर्किनु भनेको फलामको चिउरा चपाउनु बराबर नै छ ।

तर फरक छन् रोहित 

अब नेपालले देखेको भविष्यका कप्तानहरुको सुचिमा सोमपाल कामी, आरिफ शेख, सन्दिप लामिछने, दिपेन्द्रसिँह ऐरिपछि अब रोहित जोडिएका छन् । तर रोहित फरक छन् ।

भर्खरै मात्र सम्पन्न एनसिसिएस–सिप्यान क्रिेकट अवार्डसमा रोहित बर्ष उदीयमान खेलाडीको उपाधि जिते । उपाधि जित्ने बित्तिकै बोल्नका लागि गरिएको आग्रहमा रोहित निकै अप्ठेरोमा देखिए । ३० सेकेण्ड पनि नबोलेका उनले कप्तान पारसलाई पनि धन्यवाद दिए, शायद उनी नर्भस थिए ।

रोहितलाई साच्चै आफ्नो खेलसँग मात्र मतलब छ र यो नेपालको लागि राम्रो संकेत हो । तर नेपालले उनिबाट धेरै अपेक्षा गरेको पनि छ । उनको खेलमा निकै परिपक्वता झल्किन्छ र मैदानमा आक्रमकता पनि । राष्ट्रिय अण्डर १९ टोलीको कप्तान बनेपछि उनलाई अब बोल्न कर लाग्नेछ र थप जिम्मेवार पनि बनाउनेछ ।

जिम्मेवारीले राहितलाई थप परिपक्व बनाउने आशा पनि गर्न सकिनेछ । “रोहित यस्ता खेलाडी हुन जो लामो दुरि तय गर्न सक्छन् उसको स्किल मात्र नभएर उनले टोलीमा पार्ने प्रभाव पनि राम्रो छ । र उनीमा कुनै पनि परिस्थितिलाई सम्हाल्न सक्ने खुबि पनि छ । रोहितलाई हामीले भविष्यका लागि पनि हेर्नुपर्छ,” रोहित कप्तान घोषित भएकै दिन अण्डर १९ मुख्य प्रशिक्षक बिनोद दासले भनेका थिए ।

स्पष्ट के छ भने रोहित भविष्यका लागि तयार पारिएका खेलाडी हुन् र अण्डर १९ टोलीको कप्तानी उनको लागि त्यो भविष्यको शुरुवात । परिपक्वताकै आधारमा रोहितले यो भुमिकालाई धैर्यताका साथ अगाडी लिएर जानु पर्ने आवश्यकता त छ नै साथै उनलाई एक कुशल नेतृत्वकर्ता बनाउन सबैले उत्तिकै सहयोग दिनुपर्ने आवश्यकता छ ।

Click to comment

Leave a Reply

Your email address will not be published. Required fields are marked *

Headline

साफ जित्नु खासै ठुलो उपलब्धि होइन: भारतीय प्रशिक्षक इगोर स्टिम्याक 

wesportz

Published

on

भारतले फाइनलमा नेपाललाई ३-० गोल अन्तरले पराजित गर्दै आठौँ पटक साफ च्याम्पियनसिपको उपाधि हात पार्यो । तर माल्दिभ्समा आठौँ पटक उपाधि उठाउँदा भारतका प्रशिक्षक इगोर स्टिम्याक भने ठुलो सफलता मान्दैनन् ।

सन् २०१९ मे महिनामा भारतको प्रशिक्षकको जिम्मेवारी सम्हाले पछि इगोरले आफ्नो प्रशिक्षणमा जितेको पहिलो उपाधि नै साफ च्याम्पियनसिप हो । यस उपाधि जित्दा केही खुशी भए पनि उनी भने आफ्नो व्यक्तिगत हिसाबले पनि ठुलो उपलब्धि मान्न तयार छैनन्, र कारण हो साफमा पहिले देखि नै रहँदै आएको भारतको दबदबा

“सुरुवाती दुई खेलमा नतिजा हेर्दा मात्र हामीले राम्रो खेल्न नसकेको देखिन्छ । तर जसरी हामीले आक्रमण र बलमा नियन्त्रण राखेका थियौं त्यो हेर्दा भने हाम्रो खेल राम्रो थियो,” इगोरले भने । “हामीले दुई खेलमा गोल गर्ने अवसर प्राप्त गर्दा पनि गोल गर्न असमर्थ रह्यौँ । हामी हाम्रो काममा केन्द्रित रहन्छौं । त्यस्तै हामी दबाबमा पनि राम्रो खेल्न सक्षम रहन सफल भयौँ ।”

“हामी खेल्न जाँदा नै साफ जित्ने लक्ष्य सहित माल्दिभ्स पुगेका थियौं । भारतले यो उपाधि यस अघि सात पटक जित्न सफल भएको थियो । त्यसैले पनि म यसलाई ठुलो सफलता अथवा उपलब्धि मान्दिन ।”    

इगोर नेपालले आफूले सोचे भन्दा राम्रो प्रदर्शन गर्न भने सफल रहेको धारणा राख्छन् । “नेपालले साफ कै लागि भनेर लामो समय अभ्यास गरेको थियो । उसले हामीले भन्दा धेरै अभ्यास गर्ने मौका पनि पाएको थियो । हामीले भने मात्र ७-८ दिन अभ्यास गर्ने मौका पायौँउनीहरूले मैदानमा केही राम्रो खेल पनि खेल्न सफल भए । तर हामीले एकता, सकारात्मक रवाफ र उच्च मनोबलका कारण सफलको उपाधि चुम्न सफल भएका हौं ।”  

Continue Reading

Headline

अर्को फाइनल खेल्दै मेस्सी। फ्यान सोध्छन् अहिले नजिते कहिले ?

wesportz

Published

on

ब्राजिल र अर्जेन्टिनाको भिडन्तमा सधै प्रश्नहरू उब्जने गर्दछन् । तर शनिबार रियो दि जेनेरो मा हुने कोपा अमेरिकाको फाइनलमा ब्राजिल र अर्जेन्टिना भन्दा पनि मेस्सीको बारेमा प्रश्न उठ्ने छ, र त्यो हो – के मेस्सीले पहिलो पटक अन्तर्राष्ट्रिय उपाधि चुम्न सफल हुनेछन् ?

बार्सिलोनाका मेस्सी २१ औ शताब्दीका सबैभन्दा उत्कृष्ट खेलाडी मध्ये एक हुन् भने उनको तुलना आफ्नै देशका डिएगो म्यारोडोना र ब्राजिलका पेलेसग तुलना गर्ने गरिन्छ ।

आफ्नो क्लबबाट खेल्दा मेस्सीले व्यक्तिगत मात्र नभएर क्लबका लागि पनि सबै उपाधि हात पारि सकेका छन् तर देशको लागि उनले केही जित्न सकेका छैनन् ।

३४ बसन्त पार गरेका मेस्सी माथि अहिले फेरी प्रश्न सुरु भएको छः अहिले नभए कहिले ?

“मेस्सीसँग अब दुईवटा मात्र अन्तिम अवसर छ उपाधि चुम्ने” ब्राजिलको लागि सन् १९७० को विश्वकपको उपाधि चुमेका टोस्टाओ भन्छन् । “उनीसंग जारी कोपा अमेरिका र कतारमा अर्को वर्ष आयोजना हुने विश्वकप जित्ने अवसर छ । तर विश्वकपको उपाधि जित्न सहज छैन ।”

शनिबार हुने फाइनलमा कुन टोलीको सम्भावना बलियो भनेर सहजै अनुमान लगाउन सकिने सम्भावना छैन । तर ब्राजिल नै अर्जेन्टिना माथि हावी हुने सम्भावना रहेको छ । यसको कारण होब्राजिलको घरेलु मैदान र पछिल्लो चार हप्तामा उसले देखाउदै आएको प्रदर्शन ।

ब्राजिलको उपाधि आशामा मेस्सी नै तगारो बन्न सक्ने सम्भावना पनि व्यापक छ । यस प्रतियोगितामा उनी निकै उत्कृष्ट लयमा रहेका छन् । फाइनलमा स्थान सुरक्षित गर्दा सम्म अर्जेन्टिनाले ११ गोल गर्दा मेस्सी एक्लैले चार गोल गरेका छन् भने पां असिस्ट पनि गर्न सफल भएका छन् ।

“हामीले अहिले मेस्सीको परिष्कृत रूप देखिरहेका छौ,” अर्जेन्टिनाका पुर्व खेलाडी एन्टोनियो मोहम्मदले एक खेल पत्रिकाको अन्तर्वार्तामा भनेका छन् । “जब उनले बल आफ्नो खुट्टामा रख्दछन् तब उनलाई विपक्षी खेलाडीहरूले घेर्ने गर्दछन् र त्यो देख्दा म्यारोडोना उच्च लयमा हुंदा देखिने दृश्य जस्तै हो ।”

मेस्सीको सपना

मेस्सीले यस अघि पनि धेरै अन्तरवार्तामा अर्जेन्टिका लागि एक उपाधि हात पार्ने कुरा गर्दै आएका छन् । यसबाट पनि पुष्टि हुन्छ मेस्सीको लागि अन्तर्राष्ट्रिय उपाधिको महत्व ।

मेस्सीले यस अघि अर्जेन्टिनाको लागि चार फाइनल खेलेका छन् जसमा उनी सधै हारको सामना गर्न बाध्य भएका छन् । मेस्सी सन् २००७, २०१५ र २०१६ को कोपा अमेरिका तथा सन् २०१४ को विश्वकपमा उपविजेतामा सिमित भएका थिए ।

अघिल्ला प्रतियोगिताहरुमा जब जब अर्जेन्टिना फाइनलमा विफल हुन्थ्यो प्राय सबैले मेस्सीलाई निराश पारेकोउनको टोलीको अन्य खेलाडीलाई दोष जाने गर्दथ्यो । सबैको गुनासो मेस्सीले दिएको अवसर सदुपयोग गर्न नसकेको र उनको खेलसंग मेल खान नसकेको हुने गर्दथ्यो।

तर अहिले समय परिवर्तन भएको छ । सायद अहिले मेस्सीले खेलेको सबैभन्दा राम्रो र उत्कृष्ट टोली छ अर्जेन्टिनाको । त्यसैले पनि मेस्सीले यसका लागि बहाना पाउने सम्भावना न्यून छ ।

अहिलेको टोली अर्जेन्टिनाको सन् १९७८ अथवा सन् १९८६ को जस्तो छैन तर पनि लियो नेस्कालोनीको टोलीले पछिल्ला १९ खेलमा लगातार जित हात पार्दै आएको छ । पछिल्लो पटक अर्जेन्टिनाले सन् २०१९ को कोपा अमेरिकामा पराजित भोगे पछि हारको सामना गर्न परेको छैन ।

मेस्सी बाहेक अर्जेन्टिनाको टोलीमा रहेका सर्जियो अगुएरो र एन्जेल डि मारिया जस्ता अनुभवी खेलाडीका लागि पनि अर्को वर्षको विश्वकप जित्न सहज नरहेका कारण कोपा अमेरिका उनीहरुको लागि सबैभन्दा ठूलो उपाधि हुन सक्छ ।

अनुभवी खेलाडी र युवा खेलाडी जसले उनीहरुको खेल हेर्दै र आदर्श मान्दै ठुला भए र अहिले अर्जेन्टिनाको टोलीका लागि संगै खेल्दै छन्, उनीहरुलाई पनि थाहा छ कि उनीहरु अर्जेन्टिनाका लागि मात्र नभएर मेस्सीका लागि पनि खेल्दै छन् । उनीहरुको पनि पहिलो र एक मात्र लक्ष्य भनेको मेस्सीलाई उपाधी दिलाउने रहने छ ।

“हामी पनि अर्जेन्टिनाले उपाधि चुमोस् भन्नेमा निकै उत्साहित छौ। मुख्य कुरा यो मेस्सीको लागि पनि उपहार हुनेछ,” मोहम्मदले भने ।

Continue Reading

Euro 2020

‘यो इटाली र १९८२ को बिश्वकप जित्ने इटालीमा समानता छ’

wesportz

Published

on

इटालीका पुर्व कप्तान डिनो जोफले रोबर्टो मान्चिनीको युरो कप फाइनल खेल्न गइरहेको टोली र आफ्नो नेतृत्वमा १९८२ को बिश्वकप उपाधि उचाल्ने धेरै हदसम्म उस्तै पाएको बताएका छन् ।

अज्जुरीले आइतबार वेम्ब्लीमा हुने फाइनलमा इंगल्याण्डको सामना गर्दै गर्दा दोश्रो पटक युरोकप जित्ने दाउमा हुनेछ । पहिलो युरो कप १९६८ मा जोफले नै जिताएका थिए ।

तर जोफको करिअरको उच्च बिन्दु त्यसको १४ बर्षपछि आएको थियो जब उनले ४० बर्षको उमेरमा बिश्वकपको उपाधि उचालेका थिए ।

“म त्यो टिम र यो टिममा केही समानताहरु देख्छु। उनीहरु निकै तिब्र र जीवन्त देखिन्छन् र यसले १९८२ को हाम्रो टोली उस्तै रहेको स्पष्ट पार्छ,” पुर्व गोलकिपिंग लेजेण्ड जोफले भने ।

लगातार ३३ खेलमा अपराजित रहदै नयां राष्ट्रिय किर्तिमान कायम गरेको इटालीलाई स्पेनबिरुद्ध सेमिफाइनलमा जित हात पार्नका लागि पेनाल्टी सुटआउटको आवश्यकता रहेको थियो ।

१९६८ यता तेश्रो फाइनलमा खेल्न गइरहेको इटाली २००० को उपाधि भिडन्तमा पराजित हुंदा जोफ नै प्रशिक्षक थिए । स्पेनबिरुद्ध २०१२ मा भएको फाइनलमा इटालीले ४-० को लज्जास्पद हार व्यहोरेको थियो ।

युरो कप जित्ने हो भने २०१८ को बिश्वकपमा स्थान बनाउन नसकेपछि टिम सम्हालेका मान्चिनीको इटालीका लागि यो सबैभन्दा सनसनीपूर्ण नतिजा हुनेछ ।

“खेलाडीहरु बाहेक धेरै कुरा मान्चिनी कै हातमा हुन्छ किनभने उनलाई सही निर्णयका बारे ज्ञान छ । उनले टिममा आत्मबिश्वास ल्याएका छन् र गाह्रो परिस्थितिमा राम्रो फुटबल पनि खेलिरहेको छ । म आशा गर्छु उनले अब स्पेनको जस्तो आधिपत्य (२००८ को युरो कप, २०१० को बिश्वपक र २०१२ को युरो कप) कायम गर्नेछन्,” जोफले भने ।

“बिश्वकप धेरै पर छैन र म बिश्वस्त पनि छु । मेरो लागि इटाली फाइनल सम्म पुग्नु कुनै अचम्मको बिषय होइन । उनीहरुले राम्रो गर्नेमा म बिश्वस्त थिए ।”

Continue Reading
Headline2 hours ago

अण्डर–२३ एसियन कप क्वालिफायर्सः नेपाल इरानसँग ४–० ले पराजित

Headline8 hours ago

अण्डर–२३ एसियन कप क्वालिफायर्सः बलियो इरानको सामना गर्दै नेपाल

Headline20 hours ago

बार्सिलोना ५६ बर्षपछि पहिलो पटक लगातार चार एल क्लासिकोमा पराजित

T20 World Cup 202121 hours ago

पाकिस्तानले पहिलो पटक बिश्वकपमा भारतलाई घुँडा टेकायो

Headline21 hours ago

सलाहको ह्याट्रिकमा युनाइेटडले ओल्ड ट्राफोर्डमै लिभपुलसँग पाँच खायो

Headline22 hours ago

लिभरपुलबिरुद्ध युनाइटेड पहिलो हाफमा ओल्ड ट्राफोर्डमै ४–० ले पछाडी

T20 World Cup 202123 hours ago

ट्वान्टी ट्वान्टी विश्वकप : कोहलीको अर्धशतकमा पाकिस्तानलाई १५२ रनको मध्यम लक्ष्य

T20 World Cup 20211 day ago

ट्वान्टी ट्वान्टी विश्वकप – असलंका र राजापक्षाको अर्धशतकमा बंगलादेश माथि श्रीलंकाको सहज जित 

Headline1 day ago

‘फलन जायन्ट्स’ को एल क्लासिकोमा बर्तमान र भविष्य पस्कदै बार्सा र रियल

Headline1 day ago

ट्वान्टी ट्वान्टी विश्वकपमा भारत र पाकिस्तान बीचका चर्चित भिडन्तहरु

Headline10 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline9 months ago

फुटबलमा थापिएका ५ अचम्मका बाजीहरु

Headline6 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline1 year ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!